يا شين طبع فيك ..

يا شين طبعٍ فيك .. يا زين الأطباع
لولا الرجاء .. ما كان خلّيته .. يفوت
سَنَع .. يشوّه لا تذكّرته .. أسناع
مثل الحصاة .. اللي وسط عقد ياقوت
تخفي هيامك .. وإنت ميّت وملتاع
ما تدري إنه في ملامحك .. منحوت
ويبخل لسانك .. وإنت للسمع .. طمّاع
والبخل .. في سِلْم المحبين .. ممقوت
الحكي .. قوت السمع / وأسامعي جياع
ومسامعي ماتت من الجوع .. للقوت
وحكي الغزل في صدرك أشكال وأنواع
لكن صمتك .. حوّل الصدر .. تابوت
إلا طَلَبتك وصل .. صعّبت الأوضاع
مدري .. من اللي درّسك جعله يموت
تصد .. ما كنّك من الصد .. مرتاع
وإن قلت : يا القاطع .. تلفّت مبهوت
أقطع ب دَرْب مواصلك في الشهر.. باع
وإلاّ إنت تقطع للوصل ف السنة .. فوت
طعني .. وطاوع واحدٍ فيك .. ما طاع
ناسٍ صغار عقول / وأشوار / وبخوت
وإلطف بحال اللي نحل حاله .. و راع ..
قلبٍ جروحه .. تنزف أفكار .. وبيوت
قلبي .. إلا منّه شرى قلب .. ما باع
وإنت هالله هالله فيه .. والعمر موقوت
اسمع أشعاري في الهوى وارخ الأسماع
ياللي غلاك ب تربة القلب .. مكتوت
لا .. للفراق .. و لا .. لتجديد الأوجاع
ونعم .. نعم للوصل .. لو كان بالصوت

تحياتي ..,

سلمت اناملك اخي الكريم حفيد الشيخ على النقل وصح لسان الشاعر

خالص التحية

تسلم واشكرك على المرور وتقبل تحياتي

	المشاركة الأصلية كتبت بواسطة حفيد الشيخ

	يا شين طبعٍ فيك .. يا زين الأطباع لولا الرجاء .. ما كان خلّيته .. يفوت سَنَع .. يشوّه لا تذكّرته .. أسناع مثل الحصاة .. اللي وسط عقد ياقوت تخفي هيامك .. وإنت ميّت وملتاع ما تدري إنه في ملامحك .. منحوت ويبخل لسانك .. وإنت للسمع .. طمّاع والبخل .. في سِلْم المحبين .. ممقوت الحكي .. قوت السمع / وأسامعي جياع ومسامعي ماتت من الجوع .. للقوت وحكي الغزل في صدرك أشكال وأنواع لكن صمتك .. حوّل الصدر .. تابوت إلا طَلَبتك وصل .. صعّبت الأوضاع مدري .. من اللي درّسك جعله يموت تصد .. ما كنّك من الصد .. مرتاع وإن قلت : يا القاطع .. تلفّت مبهوت أقطع ب دَرْب مواصلك في الشهر.. باع وإلاّ إنت تقطع للوصل ف السنة .. فوت طعني .. وطاوع واحدٍ فيك .. ما طاع ناسٍ صغار عقول / وأشوار / وبخوت وإلطف بحال اللي نحل حاله .. و راع .. قلبٍ جروحه .. تنزف أفكار .. وبيوت قلبي .. إلا منّه شرى قلب .. ما باع وإنت هالله هالله فيه .. والعمر موقوت اسمع أشعاري في الهوى وارخ الأسماع ياللي غلاك ب تربة القلب .. مكتوت لا .. للفراق .. و لا .. لتجديد الأوجاع ونعم .. نعم للوصل .. لو كان بالصوت تحياتي ..,

اعجبني هذا البيت جداً واشوف فيه طاقه تعبيريه هائله وغايه في البلاغه والتصوير 0 تخفي هيامك وانت ميت وملتاع 0 ما تدري انه في ملامحك منحوت 00 بس طلب يالحبيب اذا كان لغيرك ومنقول نوه بذلك واذكر القايل ابسط حقوقه الأدبيه 0 تحياتي لك

	المشاركة الأصلية كتبت بواسطة سحر البيان

	اعجبني هذا البيت جداً واشوف فيه طاقه تعبيريه هائله وغايه في البلاغه والتصوير 0 تخفي هيامك وانت ميت وملتاع 0 ما تدري انه في ملامحك منحوت 00 بس طلب يالحبيب اذا كان لغيرك ومنقول نوه بذلك واذكر القايل ابسط حقوقه الأدبيه 0 تحياتي لك

سحر البيان .. انت تقول قبل ثلاث ايام خلي الدرعا ترعاا ..!!؟ << وش حارق رزك خخخخخخ

المقال لا يقل عن الاعمال الادبية سواء شعر او خواطر او تعاليل او قصص

هي اعمال متعوب عليها ويجب حفظ حقوقها لاصحابها

وهذا قصدي من موضوع ساهر ..


حفيد الشيخ .. اختيار رااائع طال عمرك
سكني << يا شين طبعن فيك

سحر البيان اولاً اشكرك على مرورك وثانياً هذا القسم قسم المنقولات فما يحتاج انوه واما بالنسبه لذكر اسم القائل لا يكلف الله نفساً الا وسعها انا ما احفظ الا الابيات والقائل ابحث عنه في النت
واكرر شكري على مرورك

اخي حفيد شيوخ نقل ابداعي
لكن الثقه في صواب بعض
الاستنتاجات قدتكون في غير
محلها احيانا.شكري لك

سحر الشرق اشكرك على مروك

سكني يعطيك العافيه على المرور

مثل الحصاة .. اللي وسط عقد ياقوت
تخفي هيامك .. وإنت ميّت وملتاع


صوره ابداعيه حد الابداع

بن فطيس

مانقدر نقول الا مبدع في كل حالاته

سلمت يمناك اخوي على النقل

اخوك/ نواف الشمري

الله يسلمك اخوي نواف واشكرك على المرور