الدولار...... وشياطين....... الانس والجن

الهامور : وينك يا شيطون اطلع بسرعه ابيك ضروري
شيطون : شبيك لبيك شيطون بين يديك امر وش تبي انت ما تناديني الا اذا ارت مشوره شيطونيه تلهف بها كم مليار الهامور: فعلا انا مااستغني عن مشورتك مو انت سبب غناي وهومرتي بعد ما كنت منتف اجلس بقربي اريد مساعدتك ياعزيزي
شيطون : امر شيطون في خدمتك
الهامور : اش اخبار المواطن عساه بخير اقصد عساه باقي معاه فلوس ترا صار لي مده مالهفت شي وانت تعرف اني ما اتغذى الا علي دماء البسطاء والفقراء وافضل لحم الاغبياء
شيطون : هههههههه نعم اعرف شرهك فانت استاذ في تدمير البلد وشفط المال العام ومهندس بارع في المشاريع الوهميه والمساهمات الفاشله
الهامور : المهم خلاص يكفيك تعديد لمواهبي شف لنا شغله نلهف فيها الي بقي مع الاغبياء من المال
شيطون : يؤسفني سيد هامور ان اخبرك بهذا الخبر المحزن
الهامور : وش فيه تكلم بسرعه وش الي صاير
شيطون : يوسفني ان اقول انك ماعاد تقدر تنصب بعد اليوم
الهامور : ليه وش السبب الاغبياء انتبهو الناس سارت فاهمه ماعاد ينصب عليها
شيطون: لالا ابد يا سيدي مافيه شي من الي تقوله الهامور اجل وش الي حصل
شيطون الي حصل ان الناس ما عاد باقي معاها فلوس يعني اغلبهم على الحديده
الهامور يعني مافيه امل في نصبه جديده مو بالعاده كنا نطلع من نصبه الي نصبه اخرى والناس ورانا تذكر(( سوى)) يوم الهف منهم كم مليار ماصار شي ولا احد دورني بعدها باشهر قليله عملت مساهمه وهميه ولهفت كم مليون ولا من شاف ولا من دري وهالاغبياء ورانا وما تربو اش صار الحين معقوله الناس ماعاد عندها شي لالالا ما اصدق وخاصه ان البنوك قايمه بعملها على الوجه المطلوب في اقراضهم وشفط رواتبهم .. لالالا قول كلام غير هذا ياشيطون منت على خبري
شيطون : اقول يابو الشباب تراك اذيتني منت احرص مني على نكبت هالمواطنين الأوفيا اللي لو تاخذ عشاه من تحت يده ماقال لك نصف الثلاثه كم . بس عاد اللي مامعوش مايلزموش
الهامو:ر طيب اش العمل الناس وفلست وش نسوي من وين لي ناس امص دمائهم انا ما رتاح الا على خراب البيوت ارجوك شيطون ساعدني شوف أي مشروع بس كم مليون ماني طماع هالمره
شيطون :الشغله يبي لها تفكير امهلني افكر وارد منك الهامور : طيب بس بسرعه قبل لا يجي واحد ثاني ويلهفهم قبلي
شيطون: بعد كم يوم ..... وجدتها . وجدتها . سيدي الهامور وجدتها الهامور : والنعم بك خابرك صديق وقت الضيق هاااه قلي وش وجدت عساها نصبه طيبه .. قلي بسرعه انا متلهف الي سماعك
شيطون : ايه نصبه جديده وماحد يقدر يدينك لان الاعذار واجد والمواطن كالعاده لايهش ولا ينش لا وبشرك بيدفع وبيتسلف لا وممكن يسرق بعد
الهامور : معقول لهدرجه ممكن يوصل حال المواطن !!!! ما علينا وش الخطه الجديده لشفط ما تبقى بجيب المواطن شيطون : هاااه قلت لي وشهي . هي ياعزيزي خطه رفع الاسعار
الهامور: اسعار ايش
شيطون اسعار السلع من مواد غذائيه ومواد بناء وادويه الخ ...
الهامور : ايه ايه بس كيف ووزاره التجاره وين نروح منها
شيطون : هههههههههههههههههههههه ههههههههههههههههههههههههه ه عيدها بالله عيدها اش قلت وزاره التجاره ههههههههههههههههههه ياشيخ نيله تنيلك وزاره التجاره نايمه نومه اهل الكهف
الهامور: طيب وحمايه المستهلك لا تقول لي بعد نايمه
شيطون : اقول اقسم بالله لاقوم اتوطا في بطنك أي حمايه مستهلك ذي الي تقول . اخرطي هذي اكبر مستهلك للمواطن ماعندها الا الشعارات الرنانه وهي داجه ماعندك احد والله لوما انت صاحبي ما عاد اساعدك قال حمايه مستهلك قال هههههههههههههه
الهامور : طيب خلاص اعذرني كنت دائما اتفوق عليك بس هالمره اشهد لك صراحه تفوقت علي بجداره بس قلي تعتقد المواطن بيرضي اعني بيشتري الشي بسعر غالي دبل يعني 100% وهو كا لعاده مسالم
شيطون ايه وابصم لك بالعشره ان المساله في غايه البساطه اعطيك مثال ارفع سعر الحليب حق الاطفال 100% راح يتشكون شوي بس بيشترون اجل يخلون اطفالهم يموتون من الجوع ولا يخلونهم معصقلين تقول مجاعه افريقيا الهامور : والله شوقتني لهذاك اليوم الي ابيع فيه كيلو الطماط بسبعه ريال لين اخلي هالمواطن اذا جا بيقطع طماطه كنه ذابح ذبيحه وكيس البصل الي بخمسه اخليه بعشره الين الواحد يشم ريحه البصل كنه شام العود الازرق لا والاالسكر آه من السكر الخمسه كيلوا اخليها عشرين ريال حتي اخلي المواطن يحطها بالحبه في الفنجان
شيطون: تدري عاد اش ميزه هالسرقه ان هالمواد الي راح نرفع سعرها من ضروريات الحياه يعني ما بيخلى منها بيت يعني بيدفع الي عنده والي ماعنده اما يتسلف والا يشحذ والا يسرق والا يموت كمدا بعد عمر طويل
الهامور : ايه كلامك صحيح بس عاد نبي عذر ولو شكلي على الاقل امام الصحافه الي غاثتنا كل يوم وهم مالهم شغله غيرنا تراهم اذونا في الاسهم ماهنونا بها ولولا كثر هذرتهم كان ارباحنا اكثر بكثير .
شيطون : ايه قلت لي عذر شكلي .. ايه .ايه فكر ياشيطووووووون ....... ايه مالنا الا نقول المشكله في ارتفاع السلع هو تدني سعر الدولار امام العملات الاخرى وخاصه اليورو هااااه اش رايك
الهامور: كلام جميل بس فيه سلع تنتج داخل البلد مالها بالاستيراد من برا مثل الالبان ومشتقاتها وبعض المتجات الحيوانيه وبعض السلع الاخرى . هذي اشلون نمشيها
شيطون: بسيطه مادام معك شيطون ماعليك خوف ابد . نقول ياطويل العمر ان استيراد المواد الاساسيه الخام صارمكلف نظرا لتدني سعر الدولار وكذا نخلي الدولار المتهم الوحيد في القضيه
الهامور: ههههههههههههههه الله يقلع ايليسك ياابليس الرجيم .. شف انا كنت اصنف من ابالسه الانس بس مافيه زي ابالسه الجن اهب الله يهبيك

حسبنا الله ونعم الوكيل فيكم يا هوااااااامير

بالفعل ذبحوا العالم

يعطيك العافية يالزيداني

موضوع طريف أخوي الزيداني


يعطيك العافيه



( ينقل لإستراحة المنتدى )







تحياتي ,,,

صراحه مدري وش اقول

لكن حسبنا الله ونعم الوكيل على كل من يريد تفقير الشعب

	المشاركة الأصلية كتبت بواسطة دايم السيف

	حسبنا الله ونعم الوكيل فيكم يا هوااااااامير بالفعل ذبحوا العالم يعطيك العافية يالزيداني