خالتي خنفوسه و مؤشر الاسهم العام....!!

السلام عليكم ورحمة الله وبركاته
اللهم رب السماوات ورب الارض ورب العرش الكريم انك تغفر لنا وترحمنا انت الرحمن الرحيم



خالتي خنفوسه و المؤشر العام للاسهم



مره وانا مسير على خالتي في عيد ميلادها الاخير و نتجاذب اطراف الحديث ..... جابت لي شنطه عمي الله يرحمه ..........قمت افتش في الاوراق ......وادعي لعمي بالرحمه .......................
وووووووفجئه
طلعت ورقتين لونها اصفر ..... شوي وتتقطع ..... حتى الكتابه ممسحه ..... وجلست ابحلق فيها زين ........ الله وكبر .... ياخاله .......... هذه اوراق شركة سابك يا خاله ..........
وشيله يا وليدي .... والله ما ادري ياخاله .. بس اباخذها معي واراجع الشركه بكره .
...... المهم .......
... راجعنا الشركه ........... تدرون وش طلعت الاوراق ..... شهادات اكتتاب في سابك .... كل ورقه عشرين سهم .......... الله وكبر ..... يعني اربعين سهم ..... يعني ضمنت الخاله خنفوسه خمسين الف ........ بعد فتره ....... راجعت الشركه ومعي الخاله خنفوسه ........ عاد صارت من المؤسسين في سابك لازم تحضر شخصيا ..... وتم استقبالها خير استقبال ....... الى درجه اني شكيت ..... هذه خالتي خنفوسه ولا مديرة الشركه ....... صراحه خالتي انتفخت علي صرت كأني قطو عندها .... المهم ..... خلصوا الاوراق .... واستلمناها ... تدرون كم سهم طلعلها ....... 200+ 200=400 سهم .... تصدقون ...... الخنفوسه عندها 400 سهم في سابك ...... عاد انا طرت بالخاله ..... ماني مصدق .... بعنا الاسهم ب 600 الف ريال ........... هه يا وليدي عندك مشروع استثمر فيه اموالي ( خنفوسه هانم تتكلم ) ....... ايه عندي مشروع مسكت .... بس عطيني الفلوس ....... اخذت الفلوس وعلى البنك .... حطيت فلوسها في صناديق الاستثمار في ثلاثه بنوك ..... ورجعت للخاله ...... هه يا وليدي وش سويت ..... ابشري يا خاله ............ حطيت فلوسك كلها في الاسهم ....... عاد خالتي خنفوسه ماهي بسيطه .......... وشلون اتابع ارباحي يا وليدي ........... بسيطه يا خاله .... بحلقي في قناة العربيه وتشوفين اسفل الشاشه خطين .... خط ازرق هذا ماعليك منه ... وخط ابيض ..... هذا ركزي عليه ..... فيه كتابه اذا كانت حمراء ...... انتي خسرانه .......... واذا كانت خضراء انتي ربحانه .........

( قصرت انا مع خالتي ...؟ اعتقد اني ما قصرت )


شوفوا وش صار لي على هالمعروف



خليت الخنفوسه عند التلفزيون ورحت ما وصلت للبيت الا والخاله تتصل على .......... يا وليدي الكتابه نصها حمراء ونصها خضراء ........ ( لا حول ولا قوة الا بالله ) ....( يامن شرا له من حلاله عله ) .......طيب يا خاله بكره اروح لشركه واشوف وش القصه ( اصرفها )........من بكره رحت للخنفوسه هانم وعلمتها ...... افهمي يا خاله خلي عنك قناة العربيه ..... افتحي التلفزيون على قناة الاقتصاديه .... برضه تابعي الشريط الابيض الين تشوفي علم السعوديه ..... الكتابه الي بعده شوفي هي حمراء او خضراء ..... ااااااه .... اخيراً فهمت الخنفوسه ......طلعت ..........ما وصلت للبيت الا واتصال من الخاله .......... يا وليدي من يوم ما رحت والكتابه الي بعد العلم خضراء يا وليدي كم وصلت ارباحي ............. وصلت معي وتكرنت خلاص ابنفجر ... ماصارت ... قبيت ( مصطلح يعني انفجرت ) على الخنفوسه ........ترا اذا صجيتيني مره ثانيه سحبت فلوسك وطلقت بنتك ... طولتيها وهي قصيره ............ ماش ......... كل ربع ساعه تتصل ...... الله يعين .........وزاد الطين بله .... يوم رحت لصناديق بعد اسبوع وشفت الارباح .... كل 200 الف دخل ارباح خمسة عشر الاف ريال ..... يعني 45 الف ريال في الاسبوع .......... وطارت الخاله ..... وشبت في .......... وانا في هالحاله من ذاك اليوم الى يومكم هذا ......... ما احد يجي يخطب الخنفوسه ويدير اعمالها عني ويصير عمي ..
تعبت والله تعبت .
وفي الختام سلام

هههههههههههه

الله المستعان والله يا الاسهم هذه جننت الناس

مشكور اخوي على القصه الظريفه

وعليكم السلام ورحمة الله وبركاته

أخي الغالي والأستاذ الكريم مقشوع من الجدار يبدوا أنك مللت من الخالة لدرجة أنك لم تعد تفكر في الإرث ....بعد عمر طويل للخالة ..

قلم رائع جدا واسلوب خاص أسعدني جدا حضورك ..

تشرفنا بك وبروحك المرحة أهلا وسهلا ..

أشكرك أخي الفاضل على مشاركتك الجميلة ..

الله يجزاك خير ،،،

الخنفوسه راسها يابس

شكرا لك

يالمقشوع ....تحمل خالتك وأنا رفيقك ..ترى وراها كوووووووم فلوووووس

	المشاركة الأصلية كتبت بواسطة بنت مكه

	هههههههههههه الله المستعان والله يا الاسهم هذه جننت الناس مشكور اخوي على القصه الظريفه

كلامك ما علية غبار ............... واجد في كلامك الحكمة والمنطق

شكرا لكِ مزمزيل بنت مكة

	المشاركة الأصلية كتبت بواسطة مشعل الهذلي

	وعليكم السلام ورحمة الله وبركاته أخي الغالي والأستاذ الكريم مقشوع من الجدار يبدوا أنك مللت من الخالة لدرجة أنك لم تعد تفكر في الإرث ....بعد عمر طويل للخالة .. قلم رائع جدا واسلوب خاص أسعدني جدا حضورك .. تشرفنا بك وبروحك المرحة أهلا وسهلا ..

	لم تعد تفكر في الإرث

استاذي القدير يبدو انك داخل على طمع ...................... اذا تبي تتزوج وتصير حماي ............... لا تجيب طاري قدام خنفوسة هانم عن الفلوس .......... يمكن ترفضك ... وهذا ما لا اوريدة

اشكرك استاذي حضورك رائع

	المشاركة الأصلية كتبت بواسطة الفارس حزين الطلعة

	أشكرك أخي الفاضل على مشاركتك الجميلة .. الله يجزاك خير ،،،

لك مني كما قلت اخي الفاضل

الله يعينك انت وخالتك


تقبل مروري

فتى مكة

مقشوع من الجدار
شكرا لك

تقبل مروري

وين خالتك
تقبل مروري

اخوى مقشوع من الجدار انا بريحك من خالتك ( خنفوسه)وبي اتزوجها بس تسوي توكيل عام على كل شى وبشرط مايكون عندها عيال ( والله يعيني على اسمها كيف ادلعها ) 000000000000

	المشاركة الأصلية كتبت بواسطة سعيدي وافتخر

	اخوى مقشوع من الجدار انا بريحك من خالتك ( خنفوسه)وبي اتزوجها بس تسوي توكيل عام على كل شى وبشرط مايكون عندها عيال ( والله يعيني على اسمها كيف ادلعها ) 000000000000

ترى اعلم؟؟؟

لا لا ابي اعلم

على وين يابو الشباب

توك متزوج قبل سنتين

ماسرعك؟؟ ههههههههههههههههه



مقشوع لا قشعك الله على هذا الموضوع

اقول ضبط امورك من الحين

بكره الخنفس يقوم يرفس


تحيااتي 0000