نعم هي رقة الاحساس واحلى من بريق المـاس

نعم هي رقة الاحساس واحلى من بريق المـاس
بها افخر بيـن جلاسـي شمـوخ رافـع راسـي
لاني من لمحت النور لمست قليبهـا الحسـاس
حنون دافي وافـي عطـوف عـذب الاحساسـي
كبير اكبر من آمالي لطيف الطف من النسنـاس
طهور اطهر من القطره قريب اقرب من انفاسـي
عرفت ان وجهها شمسي ونور عيونها النوماس
الا يا رب لا تحـرم عيونـي شـوف نوماسـي
انا لا عسعس الدلميس وثلر بنبظي الهوجـاس
بلمست كفها الدافـي سليـت الهاجـس القاسـي
وانا وان صابني كرب جفـا جفنينهـا النعـاس
عيونك يا بعد عينـي شفوقـه تسهـر تواسـي
بها من رحمة الرحمن رحمه مـا لهـا مقيـاس
تحت اقدامها الجنـه وهـي ساسـي ونبراسـي
وهي اكبر امل ياخذ بيدي لا اعترانـي اليـاس
وليا ظاقت بي ظروف الوسيعـه هـي متراسـي
وهي امي لها دمي وش اغلـى منهـا بالنـاس
وشنهي الناس دون الام بلاها وش هـم الناسـي