جيت وكتبت ابيات من شان تعرف

جيت وكتبت ابيات من شان تعرف
وتحقق الشهرة بسبة قصيدة
لكن انا كالسيف يافلان مرهف
اعرف هدفك وغايتك لوبعيدة
دمعك على الخدين لساع ماجف
ومواصلِك ماعاد يرسل بريده
اصبحت وحداني والاعصاب ترجف
مايذبحك غير العبط والمكيدة
دخلت بين هذيل بسم ٍ مزيف
واسماك خابرها علينا عديدة
ياخوي لاتلعب مع الطار والدف
النار ترقبكم وهل من مزيدة
سويت نفسك في عربنا مثقف
تقرا الكتب لوهي عليكم جديدة
انا اشهد انك في الحكي ماتوصّف
ليتك مشيت الدرب والدرب سيدة
اللي معك لاشك منك يتخوف
لاتحرجه بين العرب والبديدة
شورك على العربان لاشك مخلف
شايل خشب والناس شالت حديدة
حسني مبارك صار وضعه مطرّف
ماغير في الغرفة ويدخل مسيده
وانت اعتبر منهم وخلك مشرّف
نبى خبرك يبين وسط الجريدة
قاسي على العدوان لين مع الصف
والبعض منهم ماسمعنا نشيده
ماكل صراف ٍ مع الناس يصرف
ولاكل من ماتت تسمى شهيدة
مهما تخم الوضع لابد تُكشف
وتفارقك ربعك في يوم الوعيدة
ابكي على ذاتك ولك رب يلطف
من رحمته لاشك يرحم عبيده