مساجلة بين الشاعرين القثامي والروقي

الشاعر محمد القثامي :
على بساط الريح ياراع البساط .......... ود الرسالة معك يامامونها
للي ليا جته الحروف بلا نقاط ............ رتب معانيها وجر لحونها
ياصاحبي غلاب بعد الانبساط ............. تغيرت ليلى على مجنونها
هذا وأنا اللي من شباط ليا شباط .......... أدرى مشاعرها غلا واصونها
لكنها تسعى لفك الارتباط ............ ولو قلت هذي مشكلة ياهونها
المشكلة جرح المحبة مايخاط ......... وبعيني الدنيا تغير لونها
ولو حال مصراته مثل حال الرباط .......... ماتشكي الحمل الثقيل متونها
قلته وأنا أشوف الحلول بلا نقاط .............. من غيرك بصوته يجر لحونها
.................................................. .............
رد الشاعر غلاب العالي الروقي :
الله خلقني ذرب ما احب الهياط ............... واعامل اصحابي على قانونها
من باب تحفيز القريحه والنشاط ................ جتني مشاعر شاعرن مادونها
عذرن يعذرني عن دروب السراط ............... اللي عمالقة العرب يمشونها
يبو دخيل وأنت منته باحتياط .................... فيك النشاما ماتخيب ضنونها
ليلى ضحية من ضحايا الاختلاط ................... والعولمه قامت تحد سنونها
مثل الجواري في قصور البلاط ..................... الهاشمي والناس مايصلونها
من دونه كلابن مايربطها رباط ...................... وقلوب سودن منعدم صابونها
شبع الحريري والبشير وجنبلاط .................... واهل الختوم الله يكون بعونها
لجلودهم من لاهب الكنه شياط ..................... ومن كثر شحدتها تصر عيونها
وانته وانا نفطر على خبزن سماط ................... من تحت شجره ماتظل غصونها
لكن نصيحة حق ماهي با اعتباط ...................... كم نفس ماتت والسبب مكنونها
اضحك مثل ماتضحك صفوف السواط .................... واهل الوقار اللي تعز دقونها
ولانتبع اهل الكذب وانواع الخراط ........................ اللي مراجلها يادوب بطونها

قصائد جزله

وشكرا على النقل ياعيضه

مثل الجواري في قصور البلاط ..................... الهاشمي والناس مايصلونها
تأكد من الشطر الاول واسال راعيه

مشكووور على النقل

اشكركم على المرور الرايع