ياشيب خليت العوارض مغاتير

السلام عليكم ورحمة الله وبركاته

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
بيني وبين الشيب هيبه وتقدير= اللي غزاني في بداية شبابي
ياشيب خليت العوارض مغاتير=يمكن على ماقيل ناوي عذابي
هذي ثلاثينٍ مضت كلها غير=مابين عدلات الزمن وانقلابي
شفنا من الايام شتى التغايير=وسقنا على درب المراجل ركابي
لاشك خان الحظ يالله عسى خير= فالمقبلات يعود ويدق بابي
دنياً بها كل الاوادم مسايير= ماتعمله تلقاه وسط الكتابي
ولاشك ماننسى القروم المناعير=اللي لهم وقفات يوم الصعابي
الصاحب اللي مد من دون تقصير= مانقصر ايدينا عنه لو غابي
ولا ياخوي الجنب من غير تأخير= ارحم ضميرٍ من عنا الوقت ذابي
ارحل بنا لو ابعدنّ المشاوير= نبعد عن الأنذال قوم النشابي
خل الخواطر بالتسامح معاشير= حتى يطيب الزاد هو والشرابي
نصبح بوسط معوشبات المخاضير= مع الرجال اهل الشرف والمهابي
وعلى بيوت اهل الوفاء واصل السير= خلك على جرّة عزيز الجنابي
وفي مجلس اهل الطيب ورد ومصادير=صوب الرجال اللي لها القلب طابي
تلقى بها رؤوس الشيوخ المغاوير= اللي لهم اعلنت كل انتسابي
كم اعتقوا وكم اطلقوا من معاسير=وقفاتهم تشبه رواسي الهضابي
وتلقى بها سوق الدلال المباهير= والعود الازرق صار مثل السحابي
مابين شيخ مجرب وعاقل يشير= تدرج سوالفهم طريق الصوابي
مجلس تهيب ابه الوجيه المسافير= ياحيهم ياحيهم من ذيابي
هم الشيوخ اللي لهم كل تأثير= اللي بهيبتهم تطيح الرقابي
أخير مِن مَن يكنزون الدنانير= يقول كل العز داخل حسابي
ولاحتجتهم جاتك كثير المعاذير= يضيق بك كل الفضاء والرحابي
أبعد ديارك عن وجيه المعاثير= خلك على ماقيل مثل العقابي
اليا جزع من ارضه يفز ويطير= يترك منازله القديمه خرابي
وصلاة ربي خاتمه يالجماهير= صلوا على محمد رسول الثوابي
[/poem]
سيف السعيدي

الله لايضرك ياسيف
ابداع متناهي
صح لسانك

وتلقى بها سوق الدلال المباهير
والعود الازرق صار مثل السحابي
مابين شيخ مجرب وعاقل يشير
تدرج سوالفهم طريق الصوابي


صح لساااانك قصيده راائعه

الله ... الله


صح لسانك وبيض الله وجهك يا بو وسام

شاعر جزل وقصيدة جزلة

تحياتي

صح لسانك وعلى شانك...لاهنت الى الامام

صح لسانك ياابو وسام

لله درك يا سيف

جزل و لا تجيب الا الجزل

بيض الله وجهك و صح لسانك

	المشاركة الأصلية كتبت بواسطة ابوخزامى

	الله لايضرك ياسيف ابداع متناهي صح لسانك

صح بدنك يابو خزامى

مرور قيم اشكرك

صــ لسانك ــح وسلمت يمينك

قصيده جزله

مبدع ياسيف كما عهدناك

لله درك ياسيف الشعر

اطيب تحيه

صح لسانك ياسيف


جزالة عالية


شكراً لك

	المشاركة الأصلية كتبت بواسطة مساعد الهذلي

	وتلقى بها سوق الدلال المباهير والعود الازرق صار مثل السحابي مابين شيخ مجرب وعاقل يشير تدرج سوالفهم طريق الصوابي صح لساااانك قصيده راائعه

صح بدنك يامساعد

اشكرك ودمت بخير

ماشاء الله تبارك الله

صح لسانك أخي سيف ولاهنت

قصيدة جزلة من جزل


تحية طيبة

حيا الله سيف..
وحي ماجاب..
.
.
صح لسانكـ..
وابيض وجه..
.
.
لكـ احترامي

	المشاركة الأصلية كتبت بواسطة قرناس بني ياس

	الله ... الله صح لسانك وبيض الله وجهك يا بو وسام شاعر جزل وقصيدة جزلة تحياتي

حياك الله ياقرناس
صح بدنك
ووجهك ابيض

اشكرك على المرور العذب
دمت بحفظ الرحمن

صح السانك وعتلا شانك
قصيده معبره وقوية
وفيها من الصور الشعريه الشئ
الكثير لك كل احترام وتقدير