حبك ما اقول اعجاب

(( احبك ما أقول اعجاب ))

الا ياصاحبي خـل الـزعل وانسـه بلاش اعتاب .. بلاش انـعود لايامً وهـي سبة مآسيــنا

تعال انغيض كل واشي لمثله ما انحسب احساب .. صحـاف الهـم نطويها انـا وانتا بيادينا

نبي نرجع الى الذكرى الجميله لو نشد اركاب.. وتسيرابنا اظعون الحب والاشواق تدعينا

وترا ايــام ماضينا العزيــزه ذكــرها ماغاب .. عـجاج الوقت ماخــفاها قديمه باقيــه فيـنا

لها بالقلب عنوانً وتزمي به تقول اهضاب .. ولو جــار الزمان وطــال ماظنــي ينســينا

ألا تذكر قصيدً شاقني حرفه ابوسط اكتاب .. انا اذكرك اذا ناسي :على المعنى تعايـيـــنا

ألا : تذكر زمانً فيه كنا من بعضنا اقراب .. ألا : تــذكـر هبـوب الليـل يـومنه ينــاجيــنـا

أنــا اذكر كل مـاقلته ابيومً والسهر لك طاب .. وقـد استشهدت بعلومً صنعها جيل ماضينـا

تقول ان المثل لك نوت يومنها عشقها اعقاب .. هـــواها حــطم افــواده وسوابـه تغبينــا

تـغرب وانتحا عنـا بعيـد لديـرة الاجناب .. وعــقب صبره لها عـود وعادت له عقب حينا

رويت اشعاره وقصة غرامه والخبر ينساب .. كما الشــلال من نبـعً اتوصفها قــوافيـــنا

أحبك : ياهوى بالي احبك ما أقول اعجاب .. وانا ادري فرقهــن واضح ولا يحتاج تدوينا

انا بالروح ضميتك وصدري لك ذرا واحجاب .. وجعلت القلب لك منزل وسيعً كنه المــينا

ألا ياصاحبي بفرح ابشوفك فرحة الغياب .. ايلا عادو لهاليهم عقب ما غابو اســـنيــنا

فرح عمري ليا شفتك معي ياســيد الاحباب .. وابيــك اتقيــم اشــعوري ليا منا تلاقيــــنا

ابيك اتشوف آهــاتً تغشلت خــافقً منصاب .. من اسبابك اصاويبه خطيره ياللــه اتعيــنا

ذبحني فيك نظرات العيون السود والاهداب .. وخفة دمــك اللي صار لي عوقً امشـــقينا

تعال انجدد الســـيره ونطرق للامل كل باب ..ولا نستسلم لهـــرج العواذل يوم تهجيـــــنا

ونتحـدا الصعاب اللــي تسبب سائر الاتعاب .. جــدار اليأس نهــدمهــا ونقهــربه اعادينا

وانا عقـبك ترا دنياي : قمرها ياحبيبي غاب .. فقــدت النـور بغيابـك ولا ظنيتـه ايبيــــنا

ولا يمــكن يــدوم الحب اذا به واحــدً كـذاب .. ولا يمـــكن تــدوم الســالفه مابين الاثنينا

((مــــحمــــــــد بــــن ســـــــــوعان الـــربيـــــــع ))

صح لسانك قصيدة رائعة بارك الله فيك ،،،

قصيده جميله ياطير الشمال

حياك الله وحيا ماجبت

ملاحظه بسيطه

	تعال انجدد الســـيره ونطرق للامل كل باب ..ولا نستسلم لهـــرج العواذل يوم تهجيـــــنا

وجود كل ثقل البيت فلو إستبدلته بألف لكان أفضل

تعال انجدد الســـيره ونطرق للامل أبواب ..ولا نستسلم لهـــرج العواذل يوم تهجيـــــنا

والأمر عائد لك بعد الله فأنت صاحب القصيده وأبخص بما يناسبها

قصيدة جميلة جدا
تسلم يدك اخي طير الشمال

ونعم يابن سوعان


صح لسااانك قصيدة رااااائعة وراقية


سلمت

اشكركم اخواني واخواتي كلن باسمه وخصوصاً الاخ صاحب الملاحظه اشكرك اخوي وعلى مايقول المثل ماكل مجتهد امصيب
ملاحظتك مقبوله ولن تسبب لي اي حساسيه انا انسان متفهم واسمع لرأي الاخرين وكان قصدك على الوزن انا واثق انه لايوجد خلل باللحن
واذا عندك درايه بهذا المجال اعد النظر مره ثانيه بالتلحين وكلن وله وجه نظر وتسلم يالغالي واشكرك مليون

	المشاركة الأصلية كتبت بواسطة طير الشمال

	اشكركم اخواني واخواتي كلن باسمه وخصوصاً الاخ صاحب الملاحظه اشكرك اخوي وعلى مايقول المثل ماكل مجتهد امصيب ملاحظتك مقبوله ولن تسبب لي اي حساسيه انا انسان متفهم واسمع لرأي الاخرين وكان قصدك على الوزن انا واثق انه لايوجد خلل باللحن واذا عندك درايه بهذا المجال اعد النظر مره ثانيه بالتلحين وكلن وله وجه نظر وتسلم يالغالي واشكرك مليون

يالحبيب انا ماقصدت الوزن

إلي قصدته الله يسلمك سلاسة البيت وجود كل ثقلت من سلاسة البيت

وعلمي وسلامتك يالحبيب