لهيب السموم

السلام عليكم ورحمة الله وبركاته

اطرح بين يديكم هذه المقطوعه اللتي اتمنى ان تنال استحسانكم

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياناهض انا من زماني تعلمت = سعيت فيه الين كلت عزومي
خمسين ياناهض من العمر كملت = قضيتها مابين ليله ويومي
وانا على مافاتني ما تندمت = اخذت قسمي يوم جات القسومي
ياكثر ما حثيت رجلي ودرهمت = وياما لفح وجهي لهيب السمومي
وعز الله اني بالردي ما تحزمت = ماني من اللي يحتزم بالرخومي
دربي يمين ان كان في العلم عزمت = واختار في الخوه رجال اللزومي
وادرا الملام وفي القفى ما تكلمت = وامشي على السنه واصلي واصومي
وعن النظر في جارت البيت انا شمت = جاراتنا تحرم علينا حرومي
هذي السلوم اللي على صونها اقسمت = والا سلوم العيب ماهي سلومي[/poem]