من نكست لمن باوراث

قبل كم يوم جوني عيالي عاصم وبهاء وقالوا يا بابا نبغى نشتري كم بدلة عشان الدراسة وقلتلهم مشينا واتكلنا على الله وصراحة لقيت فرق في الاسعار مش معقول خذوا متلا متلا قميص مربعات أبو زراير هادااا من 295 ريال لمن 25
يعني تروح لنكست يقلك 295
تروح لجس يقلك 275
تروح لجوردانو يقلك 145
تروح لستي بلازا يقلك 95
تروح لستي ماكس يقلك 55
تروح لباوراث يقلك 25
والشكل واحد وكلها قماش يعني الماركة وغيرها صاروا زي بعض فقلت يا عيالي مادام إنها زي بعض خذوا أبو 55 بلكن يكون طيب وما لكم ومال الهياط الفاضي على قولة البدوان هههههههههههه
واللي ضحكني إنه ولدي عاصم اشتراله بنطلون جنز وقميص برتقالي ويحسب نفسه محد قده ونمر في الشارع وأوريله نص البنقاليه مسوين زيّه هههههههههههههه
يعني بالمختصر شكل التقليد طور نفسه وصار يصربع التصاميم اللي يتعبوا عليها المصممين الكبار وشركات الماركات العالمية
والشيء اللي يمخول العقل صح إنك تحصل أسماء الماركات مكتوب على البضاعة التقليد
تدرون أنا خلوني بالكوفية البوقس في كرويتتي في الكنكارية ومالي ومال وجع الراس دا

يانمط

خذلك ثوب (مصدع)وأصبغه بصباغ أحمر، وحط مع الصباغ ((كده )) لا تقول ما أعرفها ، وسكين ، وقراب، مطرز بالقشاشي الفضي ، وأعتقط ، مالك ومال الكوفيه البوقس.. يامهون ماحد كماك

	المشاركة الأصلية كتبت بواسطة صالح الكعبي

	يانمط خذلك ثوب (مصدع)وأصبغه بصباغ أحمر، وحط مع الصباغ ((كده )) لا تقول ما أعرفها ، وسكين ، وقراب، مطرز بالقشاشي الفضي ، وأعتقط ، مالك ومال الكوفيه البوقس.. يامهون ماحد كماك

وفين أروح بعدينه الجنادرية ولا عكاظ ولا متحف الشمع الله يرحم زمااااان أول هههههههههههه

شوف يا أخي نمط ، أنا بأشتري من نكست ومن سنتر بوينت " سيتي بلازا " ومن سيتي ماكس ومن باوارث ومن اريام ومن بن داود ومن جدة ومن الميناء كمان

أنا ماعندي مشكلة السعر أو الفلوس أو المكان ، أهم حاجه الغرض يعجبني رخيص أو غالي ماتفرق إذا كان معي المبلغ
لكن يستحيل يستحيل واكررها اشتري من هذه الأماكن ساعة أو كالونيا حتى لو عجبتني!
أحب أخذ الساعة والعطر من الوكيل ومن ماركتها اللي لها فرع " كذا نفسيا " ارتاح.

أما انت ، اعرف وحده تسوي طواقي وفنانة ، انصحك تسيب سوق الكنكارية وخذ من عندها وتكون مميز عن شيبان الحارة (:

مرحبا بكـ عمو نمط..!!
أولا:الله يحفظلك هيثم وأخوانة...
ثانيا :التسوق ليست مسألة غالي ورخيص إذا أنت عارف ماذا تريد بالضبط ... عندك مثالاً: أختي سحاب عندها حرفيه عاليه على ما يبدو لي في فن التسوق ..فهي ركزت على حاجتين مهمة عندها الساعة والعطور ما تأخذها
إلا من الوكـالة للحصول على ضمان الجودة بغض النظر عن السعر ..وهذه الخطوة جميله جداً ولا يتقنها إلا من لديه خلفيه كافيه عن البضائع ومعرفه قيمتها المستحقة ..
ومن وجهه نظري أن أغلب البضائع الرخيصة غالب عليها الطابع البلدي وهذه مسألة أذواق وهنا لا أنفي أن هناك بعض البضائع الرخيصة رائعة...
وكمان الأولاد يحتاجون لبضاعة خامتها ممتازة تناسب طبيعتهم الخشنة ..أغلب الخامات الممتازة أسعارها مرتفعه .. لا تغضب إذا أخذت جينز خامته ممتازة بمبلغ وقدره فعمر هذه النوعية طويل إذا وجدت عناية واهتمام في مراحل وطريقه الغسيل فأحياناً سبب دمار الخامة الغالية والرخيصة الغسيل العشوائي..
ونحن كـ/ مستهلكين لن نسلم من الغش التجاري إذا لم نكن منتبهين ..قبل فتره قمت بشراء ساعة ولثقتي بالمحل لم أتفقدها جيداًً اتضح لي أنها ملبوسه من بهتان اللون في أطرافها ..يفترض أن يكون لونها ناصع ..
..
وباوراث من المراكز الجيدة وخاماتها تعد من الخامات الطيبه ..
وإذ كنت ذا سعة فأنفق مما أعطاك الله لا تبخص حق نفسك واهلك فالعمر فاني
تحياتي

	المشاركة الأصلية كتبت بواسطة سحاب

	أما انت ، اعرف وحده تسوي طواقي وفنانة ، انصحك تسيب سوق الكنكارية وخذ من عندها وتكون مميز عن شيبان الحارة (:

شوكرن يا بنتي بس مدري دا تعليق ولا من جد

لا بصرااااااحه غلاااا الاسعاااااار .. شي مو طبيعي ..

لكن ذي لعبة التجااااااااار ويقولك رقااابه طيب يا خواااااان شوفوهم كيف سووا بالخلق .


الله يعين ...


تحيه طيبه ..