شــبــه مــرثــيـــه

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على الهون ياقلبٍ على صاحبه محزون = على الهون ياقلبٍ كتب شبه مرثيه
هموم الزمان أشكال ما ترحم المطعون = توالى على صدري بخنجر وشبريه
كتمت الشقا في داخلي والبلا مدفون = وانا لو ضهر سدي بكا الداب والحيه
دموع الرجل لا سالت بخده المصيون = تخبر عن أهمومٍ عن الناس مخفيه
رفعت بيميني ودي آخذ كفوفه عون = صويب الهوى ما طاح من ميسم وكيه
توادع مع أحبابه وقلبي معه مقرون = أناديه في صمتي وأنا اعض في يديه
أباري زماني كني الحاكم المسجون = تعب ساجني من قيد وأحبال مطويه
يلد النظر فيني ويبكي وهو مغبون = على سيدٍ للعشق يشكي من الهيه
صبرنا على الدنيا وخير الصبر مضمون = عسى من بعد فرقاه نضفر له بجيه
ولا نمدح العاقل ولا نشتم المجنون = جنون المحب احيان حنكه سياسيه
انا من جنوني حرف يبكي معاه الكون = كتبته بأقلامي بحبر الرمنسيه
تثنت له اضلوعي على كل شكل ولون = تبي تحتضن طيفه برقه وحنيه
وانا مبرم الميثاق مع طيفه المامون = يداري على شمعات بالحب مضويه
ولا يخلف اعهوده وانا ابقى قتيل أعيون = طوت كل هالدنيا على رموش مثنيه
وداعك عذاب وشوفتك حظي الممنون = تبسمت من ذكرى طرتلي بعفويه
تصبر على هونك عسى من غدو يلفون = ويلقى حزين النفس ذكراه منسيه [/poem]

صح لسانك وفكرك اخوي ماهر ..

صح الله لسسسآإإنــك آبدعت ولآأ قصرٍِت ..
تقبل مروري

صحت ابدانكم وبيض الله وجيهكم على مروركم الجميل

صح لسانك ياماهر

قصيده راااااااااائعه

تحياتي

صح لسانك

وسلمت يمينك

تحياتي لكـ

صحت ابدانكم وأعتلى شانكم ومشكورين على التواصل الجميل