في حفل الندويـــن . . .

السلام عليكم و رحمة الله و بركاته
تشرفت بتقديمها لدى قبيلة الندويـن من هذيل ، في حف الشيخ خبيط بن ردود الندوي و الشيخ خنيفس بن ردود الندوي
بمناسبة زواج ابنهم عايش بن سليم الندوي الهذلي
.
.



[poem=font=",6,,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/5.gif" border="solid,5,black" type=1 line=0 align=center use=ex num="0,black""]
من الهاجس اللي جرهـ الطيب و انسامه =يجمل محبينه و يستدرج اخصامه
.
بعد ما صفى ليلي و هاضت قريحتي =على الهون يا جهال قلبي و لوامه
.
احدد مساري زين و اضبط علاقتي =ليا صار غيري عايش ٍ له بدوامة
.
و من لا يعرف الطيب ما يعرف الردى =و كل ٍ معه هومات و النفس لوامة
.
بعدها سلام الله سلاما نقدمه =لسموى ندى رمز الندى و اشهر اعلامه
.
سلامي سلاما ياخذ صدوركم مدى =يسوق الغلا و الطيب ، ، ، و الفال قدامه
.
سلام الكريم اللي وجد شف خاطره =و هاضت هجوسه و انطلق يتبع احلامه
.
سلامي عدد ما قيل و النعم لاطرى =لكم طاري ٍ في مجلس رجال زعامة
.
و نعم بهل الطالات كسابة العدى =نهار يضيع اللاش و تراعد عضامه
.
مقابيس حرب ٍ يسبق الموت فعلهم =ليا صار كل ٍ للقى كارب حزامه
.
لهم سابق القومات و الزود زودهم =و زبن الدخيل اليا تقفاه غرامه
.
و لهم صادق الامداح و الفعل و الثنى =و لهم حاضر ٍ يمتد من ماضي اعوامه
.
مسيس على التقدير و الطيب و الوفا =و ما يجذب الشاعر و ما يطلق إلهامه
.
رجال ٍ لهم هيبة و قوة و مقدرة =كريمين و انفسهم على الوصل قوامة
.
سلامي لكم يا اللاد عمي و عزوتي =يا سموى ندى يا جوخة المجد و وسامه
.
سلامي على من يعرف الجمع هيبته =و لا قد ذكر صده عن الصعب و احجامه
.
خنيفس كريم الاصل و العهد و النبا=و كريم السجايا عندنا واجب اكرامه
.
جزيل ٍ ليا ما مد ما يتقي الفقر =نظام ادخار المال ماهوب فـ انظامه
.
حضرنا ف ماجوبه بعد قال مرحبا =حضرنا و خطرنا على الطيب عزامة
.
و سلامي على شيخ ٍ نعده و نفتخر =خبيط و خبيط اسم ٍ تماري به ايامه
.
وجاهة و جاهـ و بعد نظرة و معرفة =شيوخ القبايل تنشد اقداه و احكامه
.
مقامه عظيم و كلمته ينحزم بها=و صيته تعدى نجد لو كان بتهامة
.
اليا ما تعزوا قال انا اخبيط اخو ناشي =على قلب كافر و الله ان يعلن اسلامه
.
اخو ناشي و ناشي من اللي ما يعرفه =اخا الجود ، اي و الله ما انسى تبسامه
.
و هلا مرحبا و الوقفة اللي تشرفه =و لا ينسي عزمه على الصعب و اقدامه
.
خذاه القدر عنا و خلا مكارمه =و قسمه مع اهل الطيب ما ضاع و إسهامه
.
عسى الله يجبرنا بفقده و يرحمه =و عسى جنة الفردوس مثواه و مقامه
.
اقوله و انا باقي و باقي بخاطري =و لكن ما في خاطري يصعب اتمامه
.
اقدم لكم عذري و صادق مودتي =من الهاجس اللي جرهـ الطيب و انسامه
. [/poem]

وعليكم السلام ورحمة الله وبركاته

ما شاء الله تبارك الله

بهكذا شعر دونت أيام العرب وحفظت مآثرهم

والنعم مليون بربعنا الندويين بدد من غير عدد

ورحم الله العم ناشي رحمة واسعه

والله يوفق الأخ عايش في حياته وييسر له كل خيرا

شكرا فيصل..

الله الله

صح لساانك ياعز الرفيق

ونعم بربعنا الندويين وبشيوخهم الافاضل

قصيده جزله ومفردات رنانه فعلا اسلوب شاعر مميز

وحضور لايليق الا بشاعر بحجم عز الرفيق تحياتي وتقديري ,,

صح لسانك ياعز الرفيق
والنعم بربعنا الندويين

والله يوفق العريس في حياته الزوجيه

صح الله لسسسآنك فيصل شآعر ولى فيك حيله .. سسجل آعجآبي

بيض الله وجهك يافيصل

شاعر جزل وقصيده تدون بماء الذهب

واقولها نيابة عن الندويين ماعليك زود طال عمرك

شاعرنا المتألق
فيصل بن عباد
صح لسانك جزاله لاتستغرب
كفو
تحياتي

صح لسانكـ آخوي فيصل

وبيض الله وجهكـ

ونعم بربعنا الندويين يستاهلون

مبدع ودائما متألق أخي الحبيب عز الرفيق ، ونعم بربعنا الندويين يستاهلون المدح والكلام الطيب

تثبت القصيدة ،،،

ونعم ونعم ونعم بربعنا الندويين

وصح لسانك يافيصل

قصيده رااااااااااااااااااائعه

تحياتي

صح لسانك يافيصل

قصيده جزله

والنعم بربعنا الندويين يستاهلون المدح وهم اهله المدح والثناء

تحياتي

صح لسانك وبيض الله وجهك

تحياتي وتقديري

ونعم بالمادح والممدوح

وصح لسانك وبيض الله وجهك ياراعي الجزلة

وعليكم السلام ورحمة الله وبركاته

أهلاً بالشعر


كفو بالندويين ويستاهلون المدح من شاعر بحجمك


صح لسانك يالقرم

ونعم والله بربعنا الندويين اهل الحميه وأهل الفعايل والكرم وصح لسانك أيها الصديق اللدود ابو هذال ولا هي غريبه عليك الجزاله بيض الله وجهك