أنا جنوني وافكاري جنونيه ....

انـا جنونـي وأفكـاري جنونيـة..
تخطي بي الناس واستعذب خطاياها
احساسي انـي اسامحهـم طواعيـة..
يطير بي فوق هام السحب وأعلاهـا
حفظنـي ابـوي معلومـة اساسيـة..
أكارم القوم تعفـو عـن دناياهـا
وعلمني انسى الردا وازين النيـة..
ولا اشـوف الأوادم مـن زواياهـا
الوجـه بالوجـه والنيـه إلهـيـة..
واللي بيدور على الزلـه بيلقاهـا
من تجربة عمر وابحاث اجتماعيـة..
يستحقر الناس من يكشف خفاياهـا
ومن تجربة عمر وابحاث اجتماعية..
الناس ما تغلي الا اللـي يتحاشاهـا
اقولهـا والخصـومـات انتقائـيـة..
ناس تتحداني وانـا مـا اتحداهـا
ألعب معاهـا المبـاراه النهائيـة..
من شان اجي من وراها واتعداها
الهـم كاهـم ماهـو ذات اهميـة..
الا اذا كان في النفس ومزاياهـا
وعلى كثر ما تعبت مـن المثاليـة..
على كثـر مـا اعشقهـا واتحلاهـا
ومن شان اعيش الحياه بكل حريـة..
ركلت كل الامانـي مـن مقفاهـا
الا امنية فـي خفوقـي لا طبيعيـة..
في كل ليلة اغمض عينـي ألقاهـا
ياليت طولي شبر او اصغـر شويـة..
هذي امنية عمري اللي انا اتمناها
بطب في شنطـة اليـد الرماديـة..
وبعيش من بين اشياهـا واشياهـا
افضل من متابـع اخبـار العربيـه..
ومتابع النـاس ومتابـع سواياهـا

من روائع سعد ابن علوش

شكرا يابن عادي على الاختيار الجميل

والله سعد علوش داهية وخطير الله يحفظه ويبارك فيه

اختيار متميز منك يالغالي بارك الله فيك ،،،

إنتقاء رائع

مشكور يا بو عبيد

تسلم يابن عادي

اختيار رائع >> أنت واش اخبار ؟

	المشاركة الأصلية كتبت بواسطة شباب

	شكرا يابن عادي على الاختيار الجميل والله سعد علوش داهية وخطير الله يحفظه ويبارك فيه

العفو ياريس

مرحبا بك

شرفنا مرورك

	المشاركة الأصلية كتبت بواسطة حامد السالمي

	اختيار متميز منك يالغالي بارك الله فيك ،،،

مرحبا اخوي حامد

هلابك


شرفنا مرورك

	المشاركة الأصلية كتبت بواسطة قرناس بني ياس

	إنتقاء رائع مشكور يا بو عبيد

الرائع مرورك يالامير

العفو وهلا بك

شرفنا مرورك

	المشاركة الأصلية كتبت بواسطة صالح الكعبي

	تسلم يابن عادي اختيار رائع >> أنت واش اخبار ؟

يسلم غاليك يالامير

الرائع مرورك ياعمي

الاخبار تسرك