قصيده غزليه.

(( السلام عليكم ورحمة الله وبركاته ))



اخوكم عبدالرحمن مستور المطرفي جديد في هذا المنتدى وان شاء الله اكون عضو خفيف وظريف على العموم حبيت اشارك باول مشاركه لي بقصيده من قصايدي بعنوان (قالت وداعه ) غزليه وان شاء الله
يكون لها قبول لديك إليكم القصيده :



قالت وداعه واختفت بين لحظات
ويبست عروقي من سماع الوداعه
وجتني هواجيس الشعر حزن الابيات
تشـــكي ولـيفاً جاحد الحب باعــــــه
وهلت دموعي ماقوت صبر الاهات
ومـجنون ليلى عــاد حــبه لكـــاعه
واقبلت من حزن المحبه بغابات
اون للــيلي وارقـــد الـــوقت ساعه
وارسم خياله واذكره كل الاوقات
واستسلمت نفسي من الـــهم طاعه
صوت الهديل أميزاً بين الاصوات
فــي ميـــزته بحـــه تزيد الــــقناعه
وعينه شبيه الريم والموت نظرات
تسقي عـــروق القلب لين انشباعه
وجسمه رشيقاً والدلع فيه عادات
واقفيلتين اشــــحاح تكـــوي ولاعه
ليتك ترد اليوم ونعيش مافات
ونجــدد الــحاضر وننسى الــقطاعه
اول غرام الحب ضحكات وشفات
واخـــر غرام الحب نطل الشجــاعه
ياعيطموس انكان مامنك رجعات
عــز الله ان الــموت طـاوي شراعه
وسلامتكم ..

اهلا وسهلا
وحياك الله يابن مستور بين ابناء عمومتك
ابيات جميلة جدا
وصح السانك


وعينه شبيه الريم والموت نظرات
تسقي عـــروق القلب لين انشباعه

اعجبني هذا البيتين
والقصيدة رائعة بكاملها

ومشكور يابن مستور

حياك الله وبارك الله فيك وصح لسانك قصيدة رائعة يالمطرفي

صح بدنك ياغالي وتسلم على المرور وخذ هاذا البيت هديه لك مني
( ليت البشر تكشف نوايا بعضها ** وترتاح من سود القلوب الخبيثه )

حياك الله ياعبدالرحمن مستور

في منتداك وبين ربعك واخوانك

وصح لسااانك على هذه القصيده

وننتظر المزيد من مشاركاتك وياهلا ويامسهلا ,,

	المشاركة الأصلية كتبت بواسطة ابن مغبش

	حياك الله ياعبدالرحمن مستور في منتداك وبين ربعك واخوانك وصح لسااانك على هذه القصيده وننتظر المزيد من مشاركاتك وياهلا ويامسهلا ,,

الله يكرمك ويرفع من قدرك ياغالي تسلم على الكلام الطيب هذا ووالله ماجيت الا نخوه لقبيلتي وشرف لي والله , وابشر بعزك ماجيت الا ابي اسمعكم واتعرف على الوجيه الطيبه الحاضره والغايبه .