الشاعر قنفد والشيخ قنفد ....

ربما اني ترددت كثيراً قبل ان اطرح هذا الموضوع

لكن وبكل امانه انا رجل اعشق الصراحه

وسبب طرحي هذا هو الفئه التي اقترحت مع نفسي تسميتها القنفذيه او القنفديه المريضه ربما واعذروني على هذي التسميه

فمن الصعب ان نسمي الشيخ القنفد والرجل القنفد والشاعر القنفد ورجل الاعمال القنفد الى مالانهايه ......

لكن نستطيع ان نقول الشخص هذا ماعنده اقبال لرجال مدري سبحانه الله صار عنده تشبع من كثرة المدح وصار مغرور

مثلاً : فلان من الناس يشوف الرياجيل جايين يمه وليا جات عيونهم في عينه كش سواة القنفد علامه ويش فيه قالو مريض

ويش عنده بالضبط مافيه شيء مار هذا طبعه " وللأسف مقلدينه كثر (( تقليد اعمى ))

ربعه القريبين طيروه فالعجه لأنهم متمصلحين من وراه حسب كلامهم وهو يكفيه انهم مطيرينه فالعجه

وش عنده من حصيل حصيله ماش لكن الله ربنا وربه يسترفد اهل المعارض والتجار

ويطلبهم قرض وفالاخير ما يلكحون فلس من عنده

الرجل القنفد مدري الشيخ القنفد ومن هم على شاكلتهم سبحان الله نادراً نجدهم يحبون فعل الخير

ويعشقون وبقوه مدح الاخرين لهم ويعشقون المراءه ويتكلمون في مجالسهم الخاصه حنا فعلنا وفعلنا

س\ فهل سوف تكون هناك جراءه من قبل المجتمع للقول لهؤلاء الشعراء القنافد والرياجيل القنافد والشيوخ القنافد وووو ... أنتم مجرد اقزام وحثاله

ولا تمثلون سوى انفسكم اي لاتمثلون قبايلكم اذا كان اسلوبكم مع قرايبكم اسلوب القنفد ومع الاخرين اشبه مايكون بقبل طيور الصباح ؟ سؤال للمجتمع

س\ هل سوف تتغير طباعهم للأحسن ويواجهون الصغير والكبير بأبتسامة المسلم لأخوه المسلم ؟ سؤال للفئه القنفديه

س\ كم سوف يكون عدد المقلدين لهم قليل ولا كثير وخصوصا ان بعضم يعتبر رمز من الرموز ؟ سؤال للمجتمع

س\ هل انتم تجتهدون فالدنيا من اجل الاخره ولا تجتهدون لأرضاء الخلق على حساب الخالق ؟ سؤال للفئه القنفديه


..... طبعاً الموضوع طرح بعدما تم التباحث مع محللين لشخصيات وبعض الموظفين فالطب النفسي

يهمني رآي الجميع ويشرفني مشاركة الجميع في حوار نتلذذ بجواهر نتائج ردودكم .