أسـباب القطيعة

[poem=font=",6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا عايشٍ في عالمٍ مايشيل إثنين=ياخبل الحسود اللي على ماش يحسدني
امد الوفا والقرب والقا الجفا والبين=ودنياي عن مايسعد القلب تبعدني
وعلى قد ماني خايف افقد من الغالين=ولافيه احد يهتم لو كان يفقدني
وانا لوبقول إن البشر كلهم غادين=فلاشك مخطي واكثر الناس ينقدني
ولكن حظي جابني في المكان الشين=ويمكن خطاي إني معي قلب قيدني
جبرني وقمت اشتاق وانشد عن المقفين=ولا شفت احد منهم عن الحال ينشدني
وانا خابرٍ تبع المقفين ماهو زين=ولكن قلبي للجفا مايساعدني
ليا جيت اسوي مثلهم قال رايح وين=وحذرني اسباب القطيعه وهددني
وانا علتي من قلبي الطيب المسكين=يمد الوفا للناس لو كان تجحدني
ولالي رجا في الناس من بعد صبر سنين=عسى الله على صبري بالإحسان موعدني[/poem]