قصيدة ( لي بنت عم ) وجوال أماسي ونسبها لـ سعد المطرفي البلوي !!!

وصلني قبل قليل رسالة من جوال ( أماسي ) بعنوان ( من ذاكرة الشعر ) وهي القصيدة المشهورة (لي بنت عم ) لكن اللي فاجأني صراحة حيث ذكر في نهاية القصيدة أنها للشاعر سعد المطرفي البلوي والغريب أني قد سمعتها من الراوي محمد الشرهان أنها لـ مطرفي هذلي وقرأت قبل فتره موضوع في مجالس هذيل هنا وينسبون القصيدة لأحد شعراء المطارفة من هذيل فأتمنى ممن عنده معلومات عن القصيدة وصاحبها ألا يبخل بها علينا علماً أني طرحت القصيدة كما وصلتني لأنه ربما يكون هناك تحريف أو تغيير في بعض الكلمات لأن رواية القصيدة تختلف من راوي لآخروإن كانت القصيدة لـ هذلي لابد من إيصال المعلومة لـ جوال أماسي ويقوم بطرح تعديل أن صاحب القصيدة هذلي لأن الآلاف من المشتركين سيقرأ هذه القصيدة ويتوقع أنها للبلوي

نوخت سمحه فوق مزموم الأطعاس *** أرمي نظر عيني على قد ظني

جيت المراح وشفت به مشعة الراس *** وذكر علي جروحي اللي مضني

شفت الثلاث اللي على الدار جلاس *** أبا الخبر منهن ولا خبرني

لي بنت عم ماوطت درب الأدناس *** يوم إن خطوات النساء يدنسني

ضربتها وأنا أحسب الضرب نوماس *** وطلقتها يوم أفخت العقل مني

لو ينشكي حبه على طير قرناس *** أضحى الضحى في مويكره مستكني

ولو ينشكي حبه على قب الأفراس *** عين نهار الكون لا يطردني

ولا إجاااااابه !!

القصيده للجدي الشاعر سعد بن مشعل بن عيضه المطرفي الهذلي أبو عبدالواحد رحمه الله

سأحاول ايجاد القصيده كامله رغم اني بحثت قبل ذلك ولم أجد مايروي النفس وسمعت بأن الاستاذ علي شويمي المطرفي يملك القصيده كامله وموثقه

هذا مالدي

	المشاركة الأصلية كتبت بواسطة بن نهيه

	القصيده للجدي الشاعر سعد بن مشعل بن عيضه المطرفي الهذلي أبو عبدالواحد رحمه الله سأحاول ايجاد القصيده كامله رغم اني بحثت قبل ذلك ولم أجد مايروي النفس وسمعت بأن الاستاذ علي شويمي المطرفي يملك القصيده كامله وموثقه هذا مالدي

بيض الله وجهك يابن نهيه ولازم تطرح القصيدة لأنها مشهوره ومهمه لكي نقوم بطرحها في جوال أماسي وتعديل اسم صاحب القصيدة .

تحياتي .

	المشاركة الأصلية كتبت بواسطة مطرفي الدلم

	ولا إجاااااابه !!

اخي مطرفي الدلم اللي شاهدو الموضوع عشرين واللي رد واحد فلازم تستغرب وانا ماالومك لإن الثقافه في تراثنا معدووومه



على العموم إجابة بن نهيه كافيه ووافيه الله يعطيه العافيه وهذه ما سمعته من اجدادنا رحمهم الله

اذا انها لهذلي...!لايسكتون اهل الشاعر لان هذا حق لهم...ربما تم تحريف القصيده على حد قولك وهذا لايسمح به اطلاقآ....يعطيك العافيه اخوي مطرفي الدلم لاهنت

حياك الله يامطرفي الدلم وحيا الله علومك

هذه القصيده للشاعر سعد المطرفي الهذلي رحمه الله

وهذي ابيات من القصيده الموجوده مع الرواه

لي بنت عمً ماوطت درب الادناس **** ولا دنست يوم النساء يدنسني
ضربتها وانا احسب الضرب نوماس **** و طلقتها يوم افخت العقل مني
ياناس كيف العين تبكي على ناس **** وكيف العيون بلا رمد يسهرني
لو ينشكي حبي على ذيب لاخماس **** يسرح مع الطليان مايجفلني
ولو ينشكي حبي على طير قرناس **** اضحى الضحى بمويكره مستكني
ولو ينشكي حبي على قب الافراس **** عين نهار الكون لايفزعني
ولو ينشكي حبي على ميت الناس **** يقوم من بين النصايب يوني



ورد عليه عمه هليل بن عيضه المطرفي الهذلي

ولكن ماني حافظ رد عمه عليه

وسلامتكم

تسسسلم على الطرح,, الا بعرف المطارفه متحالفين مع مين بالضبط لاني اسمع فيهم المطيري والعنزي والحربي والبلوي والشمري علموني ذووول منا ولا كيف.. ؟

ستشرق الشمس وينجلي الظلام

السلام عليكم ورحمة الله وبركاته

يا اخوني من له او لوالده او اجداده قصيده مشهوره ومنتشره

عليه ان يوثقها ويحفظ حقوقها ولا يتهاون هذا تراث وارث

ونحن في ذمن قل فيه اهل الذمه والخوف من الله