سافرت ناوي أترك الجرح../بسْكات

السلام عليكم ورحمه الله وبركاته :

سافرت ناوي أترك الجرح../ بسْكات
................لقيت غيره بالسفر يحتريني..!

مدري النهاية / عوّدت للبدايات
..................مدري البداية / ماتبي تنْتِهيني !
للدرب ذكرى / ودمععععتين / وحِكايات.
.....................والليل يرسم مامضى من سنيني
حاولت أهرب عن حنيني / مسافات
...................بس وييين أهرب؟ والمسافة / حنيني !
جاب الزمن.. فوج الجروح القديمات
....................ثم حطّها مثل القِدر في جبيني..!!
هذي ثمان سنين / هذا عمر فات
....................هذا الذي.. من خير الأيّام فيني..!
هذا حزن أمسي / وهذا حزن آت
...................والمقْبله أحسّها../ جَرّهديني..!!
أسْري على فال الدهر والمتاهات
....................مقْفي .. ولادري وش ورى خطّوِتيني..!
مرّات تسألني عيون المحطّات
..................مرّات أسْألها.. ..أنا صرت ويني..؟
طالت مشاويري على كَفْ الآهات
......................والضيق والحسْرة غدتْ وِجْهَتيني..!
أخايل أوْهام الأمل وَ الأمل../ مات
..................أدري ، ولكن وش طلع في يديني..؟
مدّيت حلمي للمدى والممرات
.................ماقلت يادروب الأسى../ رجِّعيني !
شيّلت من حمل الزمن كوم ضِيقات
.................ماثقّلت بحْمولها../ دمْعتيني !
صابر على حكم القدر.. يا نِهايات
................باقي على روح الأمل.. يا سنيني
رحّال أبقى.. في عيون المحطّات
.................مفقود أدري .. في مسافةْ حنيني !
ببقى على عناد الدهر وَ المتاهات
....................شامخ .. ولا هز المدى رمش عيني..!

ينقل للمجلس المناسب بعد اذن المشرف

مع الشكر لانصاف قلم

نقل مميز

شكراً لك

نورتو بمروركم واسعدتني ردودكم تحياتي لكم

إنتقاء راائع

شكراً لك