ترحيب بالسوطه من عتيبه في مجلس الشيخ بركي العلياني

هذي قصيده لشاعر فالح الحساني :

( المناسبه ) هي ترحيب بقبيلة السوطه من عتيبه في مجلس الشيخ بركي العلياني

ويقول :

يامـرحبا ترحيبة عـــد الامطار ### وعد الشهور وعـد مبدأ قمرها
تفوح مثل العود والورد والشار ### ماجــوب للحلة وللي حضـرها
حـلة رجـال هذيل شبابة النـار ### حلة كرم بالطيب ربي عمـرها
إليا نصاها الضيف ترحيبها حار ### عـلى دلال هيـلـها مـع نحـرها
حلة وفـا من دونـها شيخ مغوار ### عـز القبلة في المواقف فـخرها
الشيخ بركي شيخ حكام الاشوار ### مـن الرجال الي بعيدا نـظرها
ربعـة معه في كـل ميقـاف حضـار ### نعم القبيلة شيخهـا مع جبرها
أل عـليه في المواقف لهـا أذكـار ### ماينمحي مابين الأجيال اثـرها
منسب هذيل أهل الشجاعة والأحرار ### اللي لـها تاريـخ يحـكي خـبرها
مـع الرسول إلهـا مواقف ومـشوار ### ميقـافهابـين القبائل شهـرها
وأهل اللغة والفصاحة والأشعــار ### و يكـم طالـب علـم يجني ثمـرها
والليلة الفرحة بكم عمت الـدار ### ياغلـى ضيـوف عندنا نعـتبرها
جيتو ومعكم شيخـكم وافي الاشبـار ### اللي يمينه بالوفـا مـاقصرها
الشيخ عـايض مـــن ريـاجيل ثمـــار ### كـل المعـارف شـارب مـن بحرها
عـزوة عتيبة من هل المجد والـكار ### أفـعالهم بالطـيب كــــلا ذكـرها
كسابة الطالـة على قـحص الأمهار ### يوم الحرايب تشتعل في ديـرها
بالـرمح والشلفـى وسيـف بتــار ### لو يضرب الصخرة بحـده كسرها
عـز الخـوي والضـيف حمـاية الجـار ### على دروب الطيب ربي فـطرها
وكل القبائل نـعم في كل الأقـطار ### في ايام مرت سهلها مع عسرها
واليوم كل الشعب في خـير وأنـوار ### في ظل دولـة حق ربـي نصـرها
وأختامها صلـواعلى سيـد الأبرار ### محـمد اللي دعـوة الله نـشرها

منقووووووووول

والنعم وبيض الله وجهك
وقصيده جزله

وجهك ابيض ويعطيك العافيه

ونعم وصح لسان الشاعر وبارك الله فيك ،،،

والنعم فيك يابو خالد سلمت

ونعم والله صح الله لسان الشاعر وبيض الله وجهك على النقل

وجهك ابيض ومشكووووووور اخوي عصام لمرورك العطر تحيه طيبه