فواز الإبداع

فواز الإبداع
قصيدة للأستاذ مقبول مبارك العرابي بمناسبة ما لاحظه من إبداع وحكمة وجزالة و...أخيه الشاعر الفذ فواز السعيدي الهذلي 1-2-1434هـ
1- العام خيلت نجم(ن) لامع(ن)فالسما = واليوم شفته سوات الشمس بين النجوم
2- تبارك الله ماشا الله وش ذا النما = مع صغر سنه مكمل في جميع اللزوم
3- من فوق ساس الغلا والعز عز وسما = شعر ورجولة وتعزيز البنا والسلوم
4- ميراث ربعه يزيده عز ويجملا = من فوق عز(ن)مبرهن بالفعل والختوم
5- ربعه هذيل الشعر والعز في كل ما = يشوش روس النشامى فالصدر والقدوم
6- وأسطورة الشعر من له لد والا انتمى = ماهو غريب إن سطع مابين ليلة ويوم
7- حر(ن)خلف حر ضخ الشعر ضخ الدما = من غزر من صادق إحساسه دفاع وهجوم
8- من عقب عبدالله المسعودي أقفى يا ما = بهذيل من حر فالعليا سواته يحوم
9- واليوم فواز بحره بالجواهر زمى = قرْم(ن)مجود شداده جعْل عزه يدوم
10- أنا أشهد إن السعيدي ماش بعده ضما = فنجال من دلته يكفي سنة لو نصوم
11- إبداع وإمتاع. خبرة شاعر مْخضرما = رغْم الصغر بالفخر حصل على مايروم
12- نال الظفر والفخر وأصبح بصف حْكما = من فوق متنه مقص وتاج غير النجوم
13- يفحص يداوي يدلل من بدربه عمى = يصرف جنيهات تفرق كل سلعة وسوم
14- لا عد جزل الفرايد وبْسماها لمى = صفَق له أهل الشعر نقاد والا خصوم
15- يانعم والله بفواز السعيدي وما = سطَر ونعمين بهذيل النشامى القروم
16- وختامها اعتز وأفخر بالفخر وينما = لاحت بروقه في المنشا بغر الغيوم
17- ومن غيثها الكون طاب وكل طيب نما = وزين الثمر عم خيره قبل أهلْه العموم
18- وصلوا على المصطفى عداد ما هل ما = واقبل سلامي ياحر بْكل عليا يحوم

صح لسانك

وفواز السعيدي يستاهل

ومشكور يالذيب على الطرح

يعطيك العافيه

صح لسانك وبيض الله وجهك

ويستاهل ابن العم فواز

صح لسانكــ وبيض الله وجهكـــ والشاعر فواز الهذلي جزل ولا يختلف عليه اثنان ...

تحياتي وتقديري لشخصكـ الكريم ...

شكراً لك ولحضورك وصح لسانك

صح لسانكــ أبدعت واتقنت الإختيــآر
دمـــتِ لنآ ودآم ولنــآ قلمــك الناابض
تــحــيتي
[BIMG]http://up.top4top.net/uploads/2011/12/12/top4top_eb566abc711.gif[/BIMG]

عليه الصلاة والسلام


ونعم بحالك أستاذ مقبول وصح لسانك وبيض الله وجهك
وفواز يستاهل الله يبيض وجهه

ألف شكر لك ونورت وشرفت الموقع

صدقت وصح الله لسانك ، وفواز بشهادة الشعراء بدأ يظهر بمظهر جديد

وإن أراد الله له سوف يكون شاعر من كبار شعار هذيل الذين يحسب له ألف حساب

صح لسانك يامقبول العرابي ويستاهل مبدعنا ابوعايش وانتم ماعليكم زود

صح لسااااانك ويستاهل المبدع فواز

صح لسانك و قصيده جزله

وفواز شاعر من العيار الثقيل

وشاعر معنى وذو حكمه لاتوصف