معيش الياسي وشاعر عتيبه ..

السلام عليكم ورحمة الله وبركاته :

هذي المحاورة جرت في الطايف قبل 10 سنوات تقريبا بين الشاعرين الكبيرين معيش الياسي الهذلي ومستور العصيمي ..
وفيه قاف في نفس الحفلة بحاول اجيبه لكم بأذن لله ..


مستور :
يامعيش شاعر بني ياس ... عطنا الخبر من تهامه
ياكثر ماقالوا الناس ... مافيه حرب وسلامه

معيش:
ابشر بحكمه من الراس .. محنا من اهل الرخامه
وظن يبلي بهوجاس .. والفعل جاله علامه

مستور:
خابرك ياطير قرناس .. عينك لعش الحمامه
واللى بناها على ساس .. ماودته في ندامه

معيش:
اخذت في الغي مرواس .. حتى رميت العمامه
لو حط في راسه الفاس .. ماصحته من منامه

مستور:
الكل شئ حد وقياس .. مالك عليه ملامه
وان كان منته بمقباس .. قامت عليك القيامه

معيش:
مستور فالامر منحاس .. والحج راحت زحامه
ليته رقد في ابن عباس .. مادخلوه الغرامه .




وسلامتكم ..

سالم وغانم يابو رغد

لاهنت وبيض الله وجهك

محاورة قوية جمعت قطبين وشاعرين عظيمين

ألف شكر

معيش شاعر ، وبيوته مركبه تركيب ، وشاعر قديم لكنه لم يظهر له شيء إعلاميا


تابع يابو رغد فنحن متابعون لهذا الشاعر الفذ

تشكر للتدوين يابو رغد

بيض الله وجهك ياابو رغد
ومعيش شاعر من المخضرمين
لكنه مهضوم إعلامياً

سالم وغانم

وبيض الله وجهكـ يابو رغد

//

وفعلاً أبو نايف من الشعراء المتمكنين شعرياً بكل


مقاييس هذه الكلمة من معنى ..

..


تحياتي

مشكور يابور رغد معيش شاعر قديم ومعروف

الله يبيض وجهك

بس ياليت تتحفنا بمحاورات حماد الياسي

ابو رغد شكراً لك على هذا الطرح

معيش الياسي من اقوى الشعراء

ولديه الكثير من المحاورات و القصايد التي لم تدون بعد


مستور فالامر منحاس .. والحج راحت زحامه
ليته رقد في ابن عباس .. مادخلوه الغرامه .


ههههههههههه استاذيه عاليه صح لسان الشاعر الكبير معيش الهذلي


كل الشكر يابو رغد لاهنت


اطيب التحايا

سلمت يابو رغد

ومعيش الياسي شاعر كبير والمعجبين به كثير

ولاكن يعاب عليه قلّة نزوله لميادين المحاوره


تحياتي لكــ

الله لايهينكم .. والله يعطيكم العافيه على ردودكم الجميلة ..


اوعدكم بكل ماهو جديد لشاعر الكبير معيش الياسي ..

صحيح انه مظلوم اعلامياً بس ان شاءالله القادم احلى ..

اماا عن الشاعر حماد الياسي فلم اسمع له شئ يمكن تقصير مني .. بس اذا احد من عيال العم يعرفون له قصايد اكيد مايبى يبخلون علينا ..

والله يوفق الجميع

صحت الالسن وبيض الله وجهك
ياأبو رغد الله يعطيك العافيه
ومعيش شاعر كبير

شكراً ابو رغد على الطرح الجميل

الله الله شكرا على الطرح الجميل

سالم وغانم وسلمت على ماكتبت