ذي تجارب دنيتي سقتها لك بالقصيد

السلام عليكم ورحمة الله وبركاته

طابت أوقاتكم بكل خير


مصافحة أولى لعلها ترتقي لذائقتكم


أبيات وجهتها للشاعر حمد الضوي في سجن الشعراء الشعبي في احد المنتديات

..

..

[poem=font=",5,black,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/113.gif" border="inset,3," type=0 line=1 align=center use=ex num="0,black""] يا حمد ما دامك أجبرتني أجلس وحيد=بين جدران السجن والهبوب وبردها
ودي أراجع حسابات نفسي من جديد=وأعرف اللي هو لها واعرف اللي ضدها
لأجل أعيش اللي بقالي بهالدنيا سعيد=وارتقي يَمَّ الثريا وأباري حدها
يا حمد هذا الزمن واقف بوجهي عنيد =دنيتي ما ينعرف مزحها من جدها
اكتشفت إني بها مثل ما قالوا وحيد=الهموم اجتاحت القلب محدٍ صدها
واكتشفت إنْ طيبتي دون شدة ما تفيد=دام فيه قلوب مثل الجمال بحقدها
واكتشفت إنّ الوفا بالزمن هذا فقيد=كل ما أوفي صاحبي بالخيانة ردها
واكتشفت إنّ الوجع من ورى أحبابي يزيد=كل طعنة ياحبيب أو قريب يمدها
واكتشفت إنّ العفو ما يفيد بدون قيد=نعفي وبعض الخلايق تناقض عهدها
واكتشفت إنّ الهوى لعبة أحرار وعبيد=أبني صروح المحبة وخلّي هدها
اكتشفت ياما ياما وياما يالعضيد=الحقايق شيبت طفلةٍ في مهدها
بس تدري ياحمد هاك مني ما يفيد=النصيحة قلتها وأنت كيفك بعدها
لا تجامل البشر واضرب بيدٍّ حديد=كان تبغى راحتك فالصراحة بدها
رافق أهل الطيب والجود والراي السديد=حط يدّك يالبيب العقل في يدها
ولا تخاوي كاذب وحاسد وملعون سيد=رفقة أهل اللاش ياخوي لا بو جدها
ومن سعى لفراق عينك ترى فرقاه عيد=والضلوع العوج حذرى تبيّح سدها
ذي تجارب دنيتي سقتها لك بالقصيد=فضفضة شاعر بدنيا تزايد جهدها
[/poem]

وسلامتكم ،،،

اخوي عبدالرحمن

ماشاء الله تبارك الله

صح لسانك ملايين


درر درر درر

كتبت فايبدعت طال عمرك

وفي انتظار جديدك المميز

تحياتي لك يالغلا

صح لسانك واعتلا شانك

قصيده جزله وجميله

تحياتي

صح لسانك ولاهنت
رائع ماطرحت لنا
استمررر
تحياتي لك

حياك الله يالحربي وصح لسانك ولو ان هناك ملاحظات في القصيدة ان لم تضايقك ومن من اهمها
البيت الاول فيه سلمك الله ان الهبوب لايجوز ذكرها مع الجدران لانها تعتبر ذرا خصوصاً انك بينها
تكرار كلمات في قاف الصدر وحيد وكذلك تكرار يفيد
بعض الابيات مذبذبة الوزن لو تعيد صياغتها افضل
ونشكرك لحضورك واشيد بالفكرة العامة للنص وبوحدة القصيدة ويدل على شاعر جزل قادم بقوة
قواك الله

صح لسانك يالحربي على القصيدة الموجه لخويك

لكن فيه مليحظات بسيطه لا تعيب من القصيدة

سبقني ببعضها راك وابضيف :

قولك : كتـشـفـت يـامــا يـامــا ويـامــا يالعـضـيـد

ما كأنها تضعف البيت لو مرتين ياما وياما معليش

لكن معنى وافكار رائعة ، صح لسانك

	المشاركة الأصلية كتبت بواسطة نادر النادر

	اخوي عبدالرحمن ماشاء الله تبارك الله صح لسانك ملايين درر درر درر كتبت فايبدعت طال عمرك وفي انتظار جديدك المميز تحياتي لك يالغلا

الغالي / نادر النادر

صح بدنك ولا هنت


شاكر لك مرورك العطر


تحياتي

	المشاركة الأصلية كتبت بواسطة امير الليل

	صح لسانك واعتلا شانك قصيده جزله وجميله تحياتي

الغالي / أمير الليل

صح بدنك ولا هنت

الأجمل هو مرورك الذي اسعدني كثيرا

تحياتي

	المشاركة الأصلية كتبت بواسطة انصاف قلم

	صح لسانك ولاهنت رائع ماطرحت لنا استمررر تحياتي لك

انصاف قلم

صح بدنك ولا هان غاليك ..

الاروع هو مرورك الذي عطر متصفحي


لك كل الشكر والتقدير

	المشاركة الأصلية كتبت بواسطة راك

	حياك الله يالحربي وصح لسانك ولو ان هناك ملاحظات في القصيدة ان لم تضايقك ومن من اهمها البيت الاول فيه سلمك الله ان الهبوب لايجوز ذكرها مع الجدران لانها تعتبر ذرا خصوصاً انك بينها تكرار كلمات في قاف الصدر وحيد وكذلك تكرار يفيد بعض الابيات مذبذبة الوزن لو تعيد صياغتها افضل ونشكرك لحضورك واشيد بالفكرة العامة للنص وبوحدة القصيدة ويدل على شاعر جزل قادم بقوة قواك الله

الغالي / راك

الله يبقيك وصح بدنك ..

ولم يضايقني نقدك بالعكس بل اسعدني كثيرا فجميعنا محتاج إليه لكي يطور من نفسه ...

اتفق معك تماما فيما ذكرت من التكرار والصياغه احيانا والهبوب وعدم مناسبتها للسجن ،، اما الوزن لا يبدو لي ذلك ..

ملاحظاتك تدل على قراءتك للنص بدقه وهذا بحد ذاته شرف لي ..


لك من الاعماق كل الشكر والتقدير .. اسعدني مرورك العطر

	المشاركة الأصلية كتبت بواسطة سلطان السويهري

	صح لسانك يالحربي على القصيدة الموجه لخويك لكن فيه مليحظات بسيطه لا تعيب من القصيدة سبقني ببعضها راك وابضيف : قولك : كتـشـفـت يـامــا يـامــا ويـامــا يالعـضـيـد ما كأنها تضعف البيت لو مرتين ياما وياما معليش لكن معنى وافكار رائعة ، صح لسانك

الغالي / سلطان السويهري

صح بدنك ولا هنت ..

ملاحظه ذات قيمه يسعدك ربي ..

شاكر لك مرورك العطر وتوجيهاتك


لك أطيب التحايا وجل تقديري