عجِّل ودوِّر خوّة أقرب ياسي :)

السلام عليكم ورحمة الله وبركاته
.
.
اولاً..
اعتذر لكل اعضاء المنتدى عن قلة تواجدي..

وثانياً..
أقدم هذه القصيدة التي تشرفت بالقاءها..
في حفل زواج الاخوان بندر الياسي ومحمد الياسي..
وهم كفو ويستاهلون بني الياس عامة ألقصيدة وأكثر

..


,
,


سلام يا الحيد الجويد الراسي
.... يا العزوة اللي مابها بلاسي
وقدام لا ابارك لأهل الموجب
.... بقول شيٍ يطبّخ في راسي
بقول كلمة والبشر تشهدها
.... للي تحداه الزمان القاسي
لاطاح حظك واتعَبتك ظروفك
....عجِّل ودوَّر خوَّة اقرب ياسي
في ذمتي انك لتلقى الفزعة
.... والطيب والمعروف والنوماسي
يوم الأخوة راس مال ومكسب
.... خويّكم مُبعد عن الافلاسي
واليوم جينا حفلكم يسبقنا
.... الشوق لمقابل أعز الناسي
مبروك يامحمد ولا انسى بندر
.... جعل العمر فرحة كما الأعراسي
ومن حظكم ياطيبين المجنى
.... قريحتي ماخالفت هوجاسي
جتكم قصيدة شاعراً يحميها
.... عن كل نقد يجرِّح الأحساسي
ماكنها الا المزنة الصبابة
.... تروِّي ظما اللي شفاههم يبّاسي
من خيرها سيّل شعيب ووادي
....ومن طيبها تزهى بها الأنفاسي
تاخذ من الورد المعتَّق عطرة
.... لاهبّها بعد المطر نسناسي
قصيدةً مثل الذهب معدنها
.... ومرصّعة لعيونكم بالماسي
زيّنتها البارح وانا فـ الطايف
.... وزفّيتها في طيب المجلاسي
ماقلتها وانا غريب وجالي
.... اقولها وانتم عصابة راسي
واعيد واكرر كلاماً قلته
.... للي نسي واللي بعد متناسي
لاطاح حظك واتعبتك ظروفك
.... عجل ودوِّر خوَّة اقرب ياسي

درة فريدة.. ورائعة جديدة..

ولي عودة اكيده

إن شاء الله..

	المشاركة الأصلية كتبت بواسطة خالد الياسي

	درة فريدة.. ورائعة جديدة.. ولي عودة اكيده إن شاء الله..

اهلاً بك استاذ خالد..
.
.
في انتظارك وانتظار مرورك العذب..
.
.
احترااامي

حياك الله ياوجيه

جزله من راعي جزاله وبني ياس يستاهلون

والنعم ببني ياس كلهم

وصح لساااااااااانك

كفو يابن مساعد

وبني ياس يستاهلون



لي عودة تليق بالنص

وعليكم السلام ورحمة الله وبركاته

ونعم ببني ياس ويستاهلون المدح والثناء والعلم الغانم
وصح لسانك وبيض الله وجهك عبدالرحمن بن مساعد
قصيدة جزلة ولا نستغرب الجزالة من أهلها

أعلى تقييم لك ولقصيدتك

كفو يابني ياس ،، وصح الله لسانك

ونعم ونعم قصيده تشفع لك هذا الغياب وعساك ع القوه

صح لسانك وبيض الله وجهك يابن مساعد


وافية من وافي وماعليك زود

تحياتي

بيض الله وجهكـ يا بن مساعد

..

و ما عليكم زود

صح لسانك

شهادتي فيك مجروحه الحقيقه انك المتنبي في هذا الزمان

وماقلت الى الصحيح في بني ياس
ونعم فيك وفيهم

عزالله ونعم بك وببني ياس
صح لسانك ملايين

	المشاركة الأصلية كتبت بواسطة رزق الله الزيداني

	حياك الله ياوجيه جزله من راعي جزاله وبني ياس يستاهلون

أبقاك الله ..
.
.
شكرا لك ولنبلك يا أصيل..
.
.
احترامي

	المشاركة الأصلية كتبت بواسطة نادر النادر

	والنعم ببني ياس كلهم وصح لساااااااااانك

نادر النادر..
.
.
صح بدنك يالغالي..
.
.
احترااامي