قصائد الشاعر مطر بن حاسن الدعدي الهذلي ......

هذي بعض القصائد المختارة لشاعر مطر بن حاسن الدعدي الهذلي

شاعر اختاره الإبداع وتغنت بحروف شعره المعاني يرسم يحلق يصنع الفرق بجزالة ما يكتب

من يقرا له ويستمع ويجلس معه يدرك شاعريته الفذه

اجد نفسي متواجد في ميدان العزه والانفه والشهامة والاعتزاز بالنفس بالاستماع لشعره

احببت توثيق هذا القصائد والقادم اجمل :


سود الليالي شيبتنا وشبنا
لاعدت ياسود الليالي والايام

فيها سعينا لين منها تعبنا
ياما قطعنا الدرب والدرب قدام

واليوم من نص المسافه قربنا
وحنا نحث السير وانحث الاقدام

وانسلتني منها وش اللي كسبنا
قلت اقتسمنا يوم توزيع الاقسام

نحمي مواقفنا ولاقط غبنا
في وقتنا عشنا عزيزين وحشام

وراعي النشب في حجته مانشبنا
نقلط بحجه وافيه عند الاخصام

وان جاب كلمه مثل مجاب جبنا
حتى يجف الحبر في روس الاقلام

واكان يطرب للتدي طربنا
الين يرضى والرضا سيد الاحكام

وان طابت النيات لاشك طبنا
والشرع حكمه عدل في دين السلام

....

يالله يــــا واحـــــداً مــاخـــب طــلابـــه
يا خـالـق الـخـلـق والـدنـيـا ومافـيـهـا
يـاحـي دايــم و رزقـــه واسـعــاً بـابــه
بيديه الارزاق يمـنـعـهـا و يعـطـيـهـا
ما فيـه غيـرك ولا غيـر أسمـك ابـدا بـه
وانت الــذي دعــوة المخـلـوق توحيـهـا
يالله فـي علمـاً يبيـض وجـه مـن جابـه
عند الاجـاويــد قاصـيـهـا و دانـيـهـا
تــــرى الـمـواقـيـف لـلـرجــال غـصـابــه
ولا فيه غير الشجيـع اللـي يقـف فيهـا
والـقــاف مـــن يسـمـعـه لا لا وغـنـابــه
والناس تنـشـد عــن الكلـمـه وراعيـهـا
نقـد الرياجيـل لازم تحـسـب احسـابـه
ماكل كـلـمـه عــلــى بــالــك تغـنـيـهـا
في النـاس عقـال تعـرف تنقـد الجابـه
احرص عـلـى جابـتـك قــدام تبديـهـا
واعرف ترى الله خلـق وصطـا وسبابـه
في كـف واحـد وهـو ماهـو مساويـهـا
مـــن يـجـهـل الـعـلـم رايـــه لا تـقـدابـه
تراه وده يـكـحــلــهــا ويـعـمــيــهــا
الجـاهـل الـلـي يجـيـك يفـتـل اشنـابـه
لو صاب مـرة عشـر مــرات يخطيـهـا
ماكـل مـن هـو يهـز السـيـف بنصـابـه
يقلط علـى القـوم لـى كثـرت عزاويـهـا
والـجـود مــا تـبـدي الـرديــان مـرقـابـه
تقصر عـــن الاولـــه مـاهــم بهالـيـهـا
الـذيـب يـعـدي ويـاخــذ رزقـــه نـهـابـه
مايسره خـالــق الانـفــس ومحيـيـهـا
وصلو على اللي صحيح الدين جانابه
من عنـد ربـاً خلـق خلقـه و محصيهـا
....

ياللي تقول الهوى فاتتك لذاته

اقول لك خل هرجك ويش تبغيبي

بعض المهابيل يامكثر تشماته

يقلي اقفا شبابك وقبل الشيبي

مايدري ان الهوى في القلب رسماته

من سد عوج الضلوع اللي محاديبي

لو طول الوقت مايمحا علاماته

ياجاهل انشد عنه راع التجاريبي

تجدده.. طاري الذكرى لياجاته

تسبق مناديبها كل المناديبي

لا ناح ورق الحمام وردد اصواته

جدد صواب القلوب اللي مصاويبي



.....

يا بو سعـد عينـي جفـا النـوم نونهـا
الجدي وسهـيـل اليمـانـي تخـايـلـه
يصبح عليها الصبح ماتعرف الكرا
والقلب مــن مــا فـيـه زادت غلايـلـه
مـالـي جــدا غـيــر المـثـايـل وردهـــا
اردها ودمـــوع الاعــيــان سـايـلــه
وخفيت ونات الحشـا داخـل الحشـا
السر يـبـقـا ســـر مـانــي بقـايـلـه
لــي حـاجـةٍ مندونـهـا غـبــة الـبـحـر
مندونها بــحــرًا تــــروع هـوايــلــه
اشـوفـهـا بالـعـيـن والــمــوج دونــهــا
والموج ماينحـال لــو جـيـت احايـلـه
عليها الحسايـف كـل ماحـل ذكرهـا
مسكانها فـي الـروح ماهـي بزايلـه
على البال تطري كل ما ذعذع الهوا
وناح الحمام عصير والشمس مايلـه
كــم ونــةٍ ســارت وكــم عـبـرةً جــرت
في مـرقـبٍ ضلـيـت بــادي قـذايـلـه
هلـيـت فــي روس المراقـيـب عبـرتـي
ومن يبـدي المشـراف هــذي فعايـلـه
لابــد مايطـريـك غالـيـن فــي الـعـرب
ودك تـعـرف احوالـهـم كـيـف قـايـلـه
من عقب حـال اليـاس بينـك وبينهـم
والكل منـهـم شــد وقـفــت رحـايـلـه
تـذكــر مـنـازلـهـم ومــيــراد زمـلـهــم
على العد يـوم القيـض تحمـا قوايلـه
وذيـك الفجـوج الخاليـه مــن نزولـهـا
اللي لهـا خمـسـه وعشـريـن حايـلـه
ماعاد باقي الا الحصا في جنابهـا
ورسما تشـوف العيـن باقـي دلايـلـه
فــي واديٍ بـعـد المـحـل عـلـه الحـيـا
سقاه بـــرٍٍق تـنـثـر الـمــا مـخـايـلـه
دارًا تسـلـي خـاطــر الـلــي يـمـرهـا
من مـرهـا هـجـرس وغـنــا مثـايـلـه

....

يـانـاهـض انـــا مـــن زمـانــي تعـلـمـت
سعيت فــيــه الــيــن كــلــت عــزومــي
خمسيـن يانـاهـض مــن العـمـر كمـلـت
قضيتها مــابــيــن لــيــلــه ويـــومـــي
وانـــا عــلــى مـافـاتـنـي مــــا تـنـدمــت
أخذت قسـمـي يــوم جــات القسـومـي
يـاكـثـر مـــا حـثـيـت رجـلــي ودرهـمــت
وياما لـفـح وجـهـي لهـيـب السمـومـي
وعــز الله انـــي بـالــردي مـــا تـحـزمـت
ماني مــن الـلـي يـحـتـزم بالـرخـومـي
دربـي يميـن ان كـان فـي العلـم عزمـت
واختار فــي الـخـوه رجــال الـلـزومـي
وادرا الـمـلام وفــي القـفـى مــا تكلـمـت
وامشي على السنه واصلـي واصومـي
وعن النظر في جارت البيت انـا شمـت
جاراتنا تــحـــرم عـلـيـنــا حــرومـــي
هذي السلوم اللي على صونها اقسمت
والا سـلــوم الـعـيـب مـاهــي سـلـومــي

....
كـل مـا هـب نسـنـاس الـهـوا مــن شـمـال
ذكرتني هـبـوبــه كــــل شــــيٍ نـسـيــت
ليـن حبـر القلـم فـي بيـض الأوراق ســال
وانتهى الحبـر وانـا عـادنـي مــا انتهـيـت
دمـعـة العـيـن هـلـت مـثــل وبـــل الـخـيـال
كل مـبـدي طويـلـه مــن دمـوعـي سقـيـت
وانقطـع فـي يـدي حبـل الرجـا والـوصـال
واستوت فـــي عـيـونـي مـــت ولا حـيـيـت
بعـد لفـت عـبـاة الصـمـت عــذب الـسـؤال
وانطفت شمعـة الفـرحـه وانــا مــا دريــت
واضلـم الليـل فــي كــل النـواحـي وطــال
ليل مـالـه نهـايـه فـــي ضـلامــه سـريــت
احـتــري لـلـفــرج واثــــره بـعـيــد الـمـنــال
كل مــا رحـــت ادور حـاجــة مـــا لـقـيـت
واغتشى الياس وجه الحض الاقشر ومال
يوم الايـام مـا جـت لـي عـلـى مــا بغـيـت
شلـت مـن جـور وقتـي مـا تشيـل الجمـال
بين حـدب الضـلـوع وللـعـرب مــا شكـيـت
مــا يطـفـي ضـمــاي الا الـقــراح الـــزلال
لي وردتــه وانــا عطـشـان مـنـه ارتـويـت
ميـر مـن دون شفـي قاسـي الوقـت حــال
قالو اصبـر تزيـن وقلـت انــا مــا هقـيـت

......

لا وا هني من شد واعطـى مـع الخـد
فوق الـذلـول الـلـي علـيـه الـشـدادي
وابـعــد عـــن الـحــاره وغـيــر ديــــاره
يوم استـوى المـربـاع فــي كــل وادي
وشدوا له اهل القود يوم اخضر العود
جاهم مــع العـسـاس عـلـمٍ وكـــادي
والقيـض عنهـم زل بـعـد الشـتـا حــل
واقفت سمايـمـهـا وهـــب الــبــرادي
وشـدوا عـن المقـطـان والـكـل عـجـلان
من يــوم نـــادى بالـشـديـد الـمـنـادي
غـنـا وذب الـريـع واعـطــى المـخـاويـع
تقفاه قطـعـانـاً ســـوات الــجــرادي
احــدٍ مـعـه زاده وهـــو فـــي شـــداده
واحدٍ مشـى عجـلان مــن غـيـر زادي
زاده حـلـيـب بـكــار يـرعــن الاقــفــار
مرباعها شــامــه ومـنـهــا وغــــادي
ترعـى حيـا المربـاع مـن كـل الانــواع
عن شـفـهــا مـاحـيــرت بـالـقـيـادي
من دونها الشجعان حامين الاضعان
بالسيف والشلـفـا وخـشـم الـزنـادي
اهل السيوف اللي بهـا تنـزل الخـوف
لطامه الـعـايــل نــهــار الــطـــرادي
وتـكــرِم الـلافــي بـصـفـر الـمـصـافـي
وترحيبةً مـعـهــا الـذبـيـحـه تــقــادي
يلقـى علـوم رجـال مـع كـيـف فنـجـال
في مـجـلـسٍ مـاطــب فـيــه الـربــادي
لـي دار فيـه الكيـف جـات السواليـف
شيئا قـديـمــات وشـــــيٍ جـــــدادي
سـولـف بـهـا شـايـب علـومـه عجـايـب
من روس قـومـاً يلـطـمـون الأعـــادي
هـــذا تـــرى شـفــي بــوقــتٍ مـقـفــي
والعمر يفـنـى والفـتـى فــي جـهـادي

....

أنـا مـن هواكـم يـا هـوا البـال فـي خطـر
عليل الحـشـا عـيـا الـدكـا تـــر يـداوونــه
وأنا لو شكيت اللي جرالـي علـى الحجـر
يون الحـجـر مــن ونـتــي لـيــن تـوحـونـه
سبـب واحـداً مـا عـاد جـانـي عـنـه خـبـر
محله بعـيـد وحـالـة إعـــداي مـــن دونـــه
علـى البـال يطـري كـل مــا يطـلـع القـمـر
قمر عشر وربـع ياخـذ أوصـاف مـن لونـه
ألا واعــــذاب الــلــي تـصــبــر ولا قـــــدر
ومن مـا حصـل لـه بــاح للـنـاس مكنـونـه
ترى من يقول اصبر على الهجر ما صبر
ولو قــال ابصبرتفضـحـه دمـعـة اعيـونـه
الا يـا وجـودي وجـد مــن عظـمـه انكـسـر
ولا حـصـل الـلـي مــن مطيـحـه يشيلـونـه
قعـد فـي عجـاج الخيـل يــوم انــه انعـثـر
وهو مــا حـســب ربـعــه مـنــول يكـبـونـه
يلومونـي اللـي فـي الهـوا مـا لهـم نـضـر
بعيدين عـــن درب الـهــوا مـــا يـمـرونــه
ولا جــربــوا فــرقـــا ولا جــربـــوا ســهـــر
ومن يــوم يمـسـي اللـيـل كـلــه ينـامـونـه
وراعـي الهـوا يسهـر وغـرقـان فــي بـحـر
وقلبه ســبــاه مــــن الـمـزايـيـن مـزيـونــه
يـعـد السـنـه بــا لـلـيـل والـيــوم والـشـهـر
ويخفي صوابا فـي الحشـا مـا بـرا كونـه
علاجـه صعيـب وعنـد واحــد مــن البـشـر
وباقي العـرب لـو عــا لـجـو مــا يفيـدونـه

.....

احـــد يـغـيـب ولا انـشــده عـــن غـيـابـه
واحدن نسـألـه عــن غـيـابـه لـيــا غـــاب
راعـي ألوفـا والطيـب نحـسـب حسـابـه
يوم إن غيـره مـا حسبـنـا لــه احـسـاب
وحـــداً يـجــي ويــــروح مــــا يـنـدرابــه
يلقون مــن دونــه هــل الـركـب مجـنـاب
لاخـــذ مـنــه جــابــه ولاعـطـيــه جــابــه
اصــد عـنــه وقـــافـــلاً دونــــه الــبــاب
الـلــي لـيــا عـتـزنـاه مــــا فــيــه ثــابــه
لا حـامــي الـسـاقـه ولا ســــد طــــلاب
وانصـى الشجيـع اللـي عـزيـزا جنـابـه
اللي يـعـدونــه طـويـلـيـن الأشــنـــاب
والرجـل يــا هــل الـعـرف عـقـل ومهـابـه
في مــا قـفـاً مـنـه الريـاجـيـل هـيــاب
والـرجـل عــن ربـعـه يـســد الـطــلا بـــه
لا منَهـا ســارت مــن الـنـاس الاجـنـاب
يـوم إن بـعـض الـنـاس مصـكـوك بـابـه
وقت الـشـدايــد لا يــــودي ولا جــــاب
هــمــه يــشــب الــنــار بــيــن الـقــرابــه
ويلاحق العـيـدان مـشـهـاب مـشـهـاب
وان حصَـل اللـي يستـمـع فــي جـوابـه
هدم بيـوت وفــرق أصـفـوف وصـحـاب
يقـولـه الـلـي صــادق الـــراي اصـابــه
والصدق مثل السيف أبو حد وانصاب
والـكــذب نـــزل صـاحـبـه مــــا رقــابــه
ينقال فــيـــه الله يــكــرمــك كــــــذاب
وريـــع الـنـدامـه يـنــدم الــلــي بــدابــه
يصبح علـي ســوق المخاسـيـر جــلاب
و الـــلاش مـــا تـسـتـر عـيـوبــه ثـيـابــه
لو كـان يلبـس لــه مــن الغـالـي ثـيـاب
والـلـي يـحـط اهــل الــردى لــه حـزابــه
انا اشهـد انـه يــا هــل المعـرفـه خــاب
ومـــن دق بـــاب الـنــاس يـنــدق بــابــه
ومن دور الانـشــاب تـاتـيـه الانـشــاب
والـمـدح مـــن لا يكـسـبـه فـــي شـبـابـه
تراه مـا هـو كاسـب المـدح لــي شــاب
وصـلـو عــدد مــا لاح بـــرق السـحـابـه
على النبـي المعصـوم وآلـه والاصحـاب

....

يا ما حصلـي يـا علـي مـن بهاذيـل
وياكثر معطيـت الصعايـب جنوبـي
صـابـر عـلـى هــم أللـيـال المقـابـيـل
لو كـان مـا نعلـم بمـا فـي الغيوبـي
والصبـر مفتـاح الفـرج مثـل ماقـيـل
اصبر ليـا ضـاقـت عـلـي الـدروبـي
لا بستمـع فـي شـور نـاس مهابـيـل
ولا ملتبـس لـي ثـوب مـا هـو بثوبـي
وارفع مقامي عن هـل القـال والقيـل
اللي حكـوا عنـدي وعنـدك حكـوبـي
والخـوه اللـي مـا ورآهــا محاصـيـل
مامـن ورآهـا غيـر كشـف العيوبـي
ابيـعـهـا بـرخــص ثـمــن ياريـاجـيـل
وحرمت مـا يـدخـل ثمنـهـا جيـوبـي
وحرص على خوة هل الطيب بالحيل
اللي لــيـــا مـريـتـهــم رحـبــوبــي
ولا مضـيـعـت الـسـنــع و الـدوالـيــل
لا داريــن عنـهـم وهــم مــا دروبـــي
ابـدي مـع السرحـان روس الاقاذيـل
اللي يلاعـبـهـا نـسـيــم الـهـبـوبـي
لـو كـان فيهـا مـا تـشـوف الازاويــل
اخير مـن مجلـس وجــاع القلـوبـي
يـا زيــن فــي المـرقـاب رد التماثـيـل
اليا هيفـت شمـس العصـر للغروبـي
ادرج الأقـــدام مـــع جـــرة الـسـيـل
في خـايـعٍ هـلـت علـيـه النصـوبـي
داراً خــلا للـصـيـد فـيـهـا مـداهـيـل
الضلع والــوادي كسـتـه العشـوبـي
تسمـع بهـا القمـري يـجـر المـواويـل
ما جالهـا البـدوان مـن كـل صوبـي

....


غنـي مـن الحـان الطـرب يـا حمامـه
وابكي ليـا شفتـي الموالـيـف يبـكـون
عقب الطـرب والضحـك و ألابتسامـه
صارو من الفرقا مصاويـب يشكـون
يــوم الــوداع أشـبـه بـيــوم ألقـيـامـه
ليا ودعــوك وسلـمـوا قـبـل يمـشـون
وقـالـوا نــراك بخـيـر ومــع ألسـلامـه
وقفو وهــم بــا لعـيـن يـمـك يـلـدون
ويــن الشجـيـع الـلـي تقـلـه عظـامـه
يقدر يشـوف اقفايـهـم يــوم يقـفـون
لا تلحـقـونـه لـــوم يـــا هـــل الـمـلامـه
ان كـان صار مـن المجانيـن مجنـون
راعــي المحـبـة مــن يــداوي هـيـامـه
واهل المحـبـة والـهـوا مــا يطـيـبـون
تظـهـر عـلــى وجـــه الـمـولـع عـلامــه
كثر السهـر يـوم المخالـيـق يمـسـون
يسـهـر وعيـنـه مهتـنـت فــي مـنـامـه
ويجر ونـــه مـثــل ونـــات مـطـعـون
يـعــاف مـشـروبـه ويــتــرك طـعـامــه
وتشوف حاله صار من دون في دون
لـكــن مـــا يـشـكـي وعـنــده كـرامــه
سده وثيـق وبأخـر الصـدر مكـنـون
والعشـق مـا تبـرا مـضـارب سهـامـه
مير الـذي مـا جربـوا كيـف يــدرون

....

واحـالـي الـلـي للـعـرب مـــا شكـيـتـه
أخاف لايــدري مــن الـنـاس شـمـات
جرح الهوا باقصى الضما يـر كنيتـه
وامساء ورى عوج الضلوع النحيفات
وان شفـت لـي مرقـاب عـالـي بديـتـه
واهل مـن عينـي عـلـى الـخـد عـبـرات
كـلــه سـبـايـب واحـــدا مـــا نـسـيـتـه
دايم وهـو فـي خاطـري كـل الأوقـات
يـطــري عـلـيـه يـــوم جـانــي وجـيـتـه
صدفه بــلا ميـعـاد وقـتـاً لـنـا فـــات
وانــا اشـهـد إنــي بـالـردى مانـويـتـه
من عـادتـي مـانــي بـتـبـاع غِـــرات
ســــر الـمـحـبــه لـلــعــرب مـاحـكـيـتـه
من دونـه اقفـال الضمـا يـر وثيـقـات
اخـاف مـن هرجـن يـجـي مــا بغيـتـه
يفرح بــه الـلـي ينقـلـون الإشـاعـات
راعـــي النمـيـمـه عـــل يـنـهــد بـيـتــه
كلمه يـــزود فـوقـهـا عـشــر مــــرات
عـسـاه يـفـدا الـغـالـي الـلــي عنـيـتـه
اللي علـى شانـه تـهـون الصعيـبـات
لــولاه درب أهــل الـهـوا مـــا مشـيـتـه
واتعبت فـيـه الـرجـل روحــه وجـيـات
والـلـيــل لامــنــه ضــوانــي سـريــتــه
حتى طلـوع النـور سهـران مـا بــات
يالـيـت نــور الصـبـح يـــوم احتـريـتـه
من عنـد غـض العـود جانـي بكلمـات
كــان البـشـاره مــن عيـونـي عطـيـتـه
دمعـاً يـبـيَـح بـالـســدود الـخـفـيـات

....

واقلـبـي الـلـي مــن مـكـانـه يـتـلـي
تل الرشـا للـدلـو مــن قـاعـة ألبـيـر
والعيـن تسهـر وأزرق الـدمـع هـلـي
والصدر ضاق وقلت يا خاتمة خيـر
مـن يـوم غـاب اللـي قبـالـه يسـلـي
ليا شفـت زولـه مـر بيـن المسايـيـر
أشفـق علـى شوفـه وارحـب واهلـي
واقول يـاربــي تمـسـيـه بـالـخـيـر
والــيــوم راح وزاد هــمــي وغــلــي
كن الحشـا يقـطـع حــد المناشـيـر
واللي حصل لأهـل المحبـة حصلـي
لا فـي يـدي حيلـه ولا لـي معـاذيـر
لـوعــة فـــراق وعـقــدةً مـــا تـحـلـي
ما هي حكاية ندهن السير ويسيـر
يا عود مـوزاً مـال فـي وسـط ظلـي
ما يطرقه غير الهوى صبح وعصير
خليتـنـا نـرجــع عـلــى طـيــر يـلــي
يوم القلـوب تـرف مـثـل العصافـيـر
عـهــد ٍ قـديــم وسـيــرةٍ مـــا تـمـلـي
قاضينها بـيـن الـزهــر والـنـواويـر

....

شعاني وهيضني حماما عصير ينوح
/حماما يهز القلب لي ناح بصواته
/ عيله الله اكبر كيف زاد الجروح جروح
/وجددصوبا دارساتا علاماته
/بوقتا مضى ذكرتني ياحمام الدوح
/وخليت طرف العين تنهل عبراته/
الا واهنيك منت مثلي تجي وتروح/
وانا اللي يزيد الوقت همه ولوعاته/
ذكرت الزمان اللي منول طرب وفروح
/وكلا محصل فيه شفه ومشهاته
:بنينا من الاحلام فوق الصروح صروح/
ولكن دار الوقت ياسرع دوراته
/ولاباقي الاجرح بين الضلوع يفوح
/تزيده رياح الشوق لامنها جاته
/تذكرت والذكرا شقا مابها مصلوح
/ولكن عيا القلب ينسا الذي فاته


........

راكب اللي في السفر تفرح به الطرقيه
/صفر عداده على الطبلون ماهو ماشي
/ورده عبداللطيف وفوقه الماريه
/جيب يسبق لمعة البراق والارماشي
/منوة الطرقي ليا منه ناوا له نيه/
مع طلوع الفجر الاول ناوي المغباشي
/فوقه اللي لي نخيته قال يالله حيه/ماتعذر عن مواعيده سوات اللاشي/ ماشراه وقال خله تحت ضل الفيه
/كنه اللي يشتكي في غرفة الانعاشي
/مرني في الصبح ولا مر في العصريه/ ثم تلقاني مجهز عزبتي وفراشي/
ودنا ناخذ مع الحزم البراح شويه/
وسمع اصوات القطا وسمع حنين الحاشي
/راحة في البال تسوى خزنة الماليه/
كم فقير مستريح ومثل غيره عاشي/والرضا باللي كتبه الله ماشي زيه
/اترك اللي في يدين الناس مايناشي
/لا تلد العين يم العالم الفوقيه/
والنهايه واحده قطنه ومتر اقماشي/
ما تفيد الجاه عند الموت والجاهيه/يستوي راعي القصور وراعي الادباشي/
وانت ياللي منشغل بالمال والذريه/
مانت لاقي يوم تمسي في اللحد منها شي/
والسلام ختام بعد نهاية القافيه/
ماتجيك اللي ترد جم العدود اعطاشي....


...............

يابخت من صلى وكمل صيامه..
.ولحق علي الخمس الفروض التراويح.
.عن العباده ماتراخا حزامه.
..مابين تكبيره ومابين تسبيح.
.في شهر خير وطاعة وستقامه.
..فيه النبي محمد اجود من الريح.
..شفيع كل الخلق يوم القيامه..
.جاب الدليل ووضح الدين توضيح..
عليه صلو عد وبل الغمامه...
واعداد مطلاع النجوم المصابيح


..........



أعطر التحايا

شاعر جزل ويندر مثيله في زمن المستشعرين

ألف شكر يابوعبيد سلمت ودمت

العفو اخوي سعود

شرفني مرورك العطر

صح لسان الشاعر / مطر الدعدي رغم غيابه عن الإعلام يبقى شاعر بحر وراية من رايات الشعر الهذلي ،

شاعر ويغرف من بحر ، لله دره وصح لسانه

وأنت مشكور يابو عمر على تسليطك الضوء على مثل هذا الشاعر المغمور

ياكم من شاعر هذلي نحتاج نطلع قصائده ورددهم

عزالله شاعر مبدع مشكووووور يابن عادي

صح لسان الشاعر / مطر الدعدي


وبيض الله وجيهكم جميع ..


وأهنيك يابن عادي على روعة الإنتقاء