يبين ضمان البندقه ضربة العبرود

اروم الثقيلة وعرف الغث والمقصود
..........ولاني مزودها ولابي ولا فيه
والابيات انقيها كما السكر المعقود
..........وراسي صليب وينقش افكار ماسية
وتلقا السمينه عند راعي الكرم والجود
........ويكفيك في الحاجه عيالا شقرديه
وبعض العرب يبدي ولا في عليهم زود
........وهااااااما ت مرفوعه وهامات محنيه
يبين ضمان البندقه ضربة العبرود
..........ويكفيك ذم الضيف طاسه وزبديه
وذا شانت احوالك يبي يلحقك منقود
......... تصبّر تصبّر علها من صفا النيه
وتلقا ثمر طيب ليا طاب زرع العود
........ترا اللي زرع يجني والايام ماريه
تجنب هزال القول ومقابل المقرود
.........وللواليدين اوصيك كل المحنيّه
وجود عريب الخال يطلع ولدهم زود
........ترا المنبت الفاسد عياله تجي عيّه
احمد عبد الله الطلحي ..............

صح لسانك ياأحمد

صح لسانك اخوي احمد ويعطيك العافيه

جزله من جزل لكن المعنى في عجز البيت الاخير اعتقد يحتاج اعادة نظر

الا اذا كان لك وجهة نظر اخرى لا ادري

لك خالص التحايا

سلامة فهمك انشبتها وهي واضحه زي عين الشمس ............