العاصفة ..... رمزي العميري

العاصفة هبت وحنا ياسلمان
حنا العواصف حنا قوم الشكاله

لاتشيل هم الشرذمة وكل منهّان
اسمح لنا والحرب حنا رجـاله

ياجاهل الاسلام شتان شتان
شتان مابينك وقوم البساله

يامقفل البيبان خسران خسران
الباب نعرف كيف نفتح قفاله

حتى ولو من دونك اسوار واحصان
حنا الحرار اللي رقيناها طاله

دستورنا في الدين سنة وقرآن
ساسه كتاب الله ونبع الرساله

انعيش ونبقى به على مر الازمان
مايختلف نهجه على ايّ حاله

ياموطن الاسلام في كل الاوطان
حنا حماتك من جنوب وشماله

حنا جنودك بالعزيمة والايمان
حنا دروعك دون قوم النكاله

احزامنا التوحيد في كل ميدان
حنا الشجاعة في صحيح المقاله

الحوث يهبى ثم يهبون الايران
واهل الكفر تهبى محاله محاله

مال الكفر في موطن العز مسكان
النور نور ولايعّود ضلاله

اللهٌ اكبر كلمة نرقى بها شان
نرجي بها المعبود جلا جلاله

نقدم ونردع كل كافر وخوان
اما الشهادة ولا نصرن بحاله


لــ / رمـزي العمـيـري