محاورة جرت وقائعها في احد المنتديات

هذه محاورة جرت بيني وبين احد الاخوة من قبيلة عتيبه في منتدى الهيلا

فأحببت ان انقلها لكم


بدعت وقلت /
بعد غيبه طويله جيت اسلم واقـــــــــول **** يا عسى منتدانا في مساره يســــــــير

منتدى الهيلا عندي مثل غيث(ن) هطول **** كل الاعضاء وحتى الضيف وايضا المدير

رد خالد اوصاهب..

مرحبا باسمي وباسم الرجال الزحــــول **** عزوة عتابه الهيلا كعام المغـــــــــــير

منتدانا يشرفنا بعرض وطــــــــــــــــول **** بين الاقطاع له شانه وشانه كبيــــــــر

عبدالله بن عبد العزيز المطرفي الهذلي..

البقا يا اوصاهب وارتكز للحمــــــــــول **** الفلك يا عميلي دايم(ن) يستديــــــــــــر

شوف لبنان روح في يدين العجـــــــول **** وانت نايم تبطح فوق هاك السرـــــــــير

خالد اوصاهب..

الحرار الشجيعه في سماها تجـــــــول **** وانت يالمطرفي تلعب مع اكبر وزيــــــــر

انفض البيرق الاخضر وسو الفعـــــــول **** كانك انت الشجيع اللي تسمى خبــــــــير

عبدالله بن عبدالعزيز المطرفي الهذلي..

فالسما لو تحلق مالك الله تطــــــــــول **** خوفي تنزل خميعه تنرمي وسط بـــــــير

والمشاكل كثيره مير عندي حلــــــول **** وانت عندي وزير(ن) في بلاط الامــــــــير

خالد اوصاهب..

كاسبين العلا وافعالنا ما تـــــــــزول **** يا هذيل ان وردتوا فابشروا بالصديـــــــر

لا تهايط وانا خابرك دايم جفــــــــــول **** الاماره لنا والا انت جندي خفـــــــــــــــير

عبدالله بن عبدالعزيز المطرفي الهذلي ..

يا وصاهب تركد ما انت رجل(ن) صمول **** عارف إنك شرود(ن) في نهار النفيـــــــــر

فالعلالي نزلنا وانت بطن السهــــــــول **** في لحاف الحليله مقتوي بالشخـــــــــير

خالد اوصاهب..

من قربني يجيه الخوف والا الذهــــــول **** ومن تحدى العتيبي جاه يوم عســــــــير

فالفيافي عتابه كل يوم(ن) تصـــــــــول **** هم هل الخيل والسيف الصقيل الشطيـــر

عبدالله بن عبدالعزيز المطرفي الهذلي..

الهذيلي لك الله ما نظر للخبــــــــــــــول **** يسبك القاف كنه سبك راع الحريــــــــــر

وسيفك الالمعي يا هيه سيف(ن) خجــول *** لو لمح زول قدمه من يدينك يطــــــــــــير

خالد اوصاهب..

والعتيبي ما يسبر كل ثور امهبـــــــــول **** يذبح الصيد ما ياكل حتات الشعيـــــــــر

سيفنا للمعادي يالهذيلي وكـــــــــــــول **** وانت مالك سيوف تسلها من جفــــــــــير

عبدالله بن عبدالعزيز المطرفي الهذلي..

يالعتيبي تركد انت بنت(ن) بتـــــــــــــول **** لو يطول الزمن لازم تدور سميـــــــــــــر

والهذيلي بوقت الحرب ليث(ن) قتــــــــول **** سيرته فالحرايب والمغازي شهــــــــير



تمت وسلامتكم واستروا ما واجهتوا يالربع انتم تعرفون المحاورات جمالها فالفتل والنقض والزرق والطعن وهي

ما تمثل ما يحمله الشاعر من تقدير ومحبه لخصمه الشاعر الاخر

اخوكم /عبدالله بن عبدالعزيز المطرفي الهذلي

مشكور ياعبدالله

وصح لسانك انت وخويك

وننتظر ابداعك في شعر المحاوره هنا

اهلا بك

	[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] شوف لبنان روح في يدين العجـــــــول =وانت نايم تبطح فوق هاك السرـــــــــير[/poem]

ههههههههههههههههههه أحسنت

صح لسانك وياليت تشرفنا بتواجدك في المحاورات الشعرية في منتدى هذيل

أضم صوتي لصوت الأخ سلطان السويهري ، هذا منتدى هذيل وأنت هذلي ونرجوا أن نراك قريباً في إحدى المحاورات الشعريه في منتدانا الذي يشرفه تواجدك فيه ( تكفى طلبناك قول تم ).

صح لسانك يابن عيد

وليتك تشرفنا في منتدانا وتمتعنا بابداعاتك

صح السانك يا ابن عيد المطرفي

بعدين فيه حاجة ما فهمتها

كيف ابن عيد المطرفي و اسمك عبدالله بن عبدالعزيز ؟؟

آسف من بدري إن كان فيه حاجة ما فهمتها ......................فكني من شر أبياتك

والهذيلي بوقت الحرب ليث(ن) قتــــــــول **** سيرته فالحرايب والمغازي شهــــــــير




صح لسانك اخوي عبدالله وبيض الله وجهك كفيت وفيت

بيض الله وجهك

وصح لسانك

كفيت ووفيت

وننتظر ابداعتك في منتدى هذيل

كفوووووويا بن عييد كفييت ووفيت ؟؟؟

وانت لازم تكون معنا هنا دايما علشان نشووف ابداعاتك ؟؟؟

تقبل تحيات اخوووك