عزاه يا عيناً تهل العباير

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عــزاه ياعــيـناً تهــل العــبايـر= عيناً شقــاويه ودمـعاً يســيلي
عـينـاً بكــت فــيها تضيع البصابـر=وأمسيت كني طالب المستحيــلي
والقلب من صندوق الأضلاع طاير= من بعد قلبي ياهلي وش بقي لـي
بين الرجا والياس والفـكر حايـر=وشكي على اللي بالخلايق وكيـلي
يالله ياعالــم خـفي السـرايـر=ياشافي القلب الصويب العـليـلـي
اللي صوابه من عيون الحرايـر=بسبابها يــامـا غـدا مـــن قتيــلي
صويبها حطوا عـلـيه الجــدايـر =واصبح في مطوي اللحايد نزيـلـي
وانا جروحي في خفي الضمايـر =صابر عليــها لي زمانــاً طويـــلـي
ياونتي ونـت كسـير الجـبـايـر= لي طاح من فوق الحصان الأصيلي
على الذي دونه سلاح وذخايـر=وأهل الخيول اللي تصاهل صهـيلي
حياً مـن الأزوال مالـه نـظايـر=وظــن مثـله فـي الخلايق قـليـلي
راعي هروجا ًمثل در العشايـر= لي ربَعت من ســـد حــرَة طفـيــلي
عليه وصط القلب شبت سعاير=يالله دخيــلك وانت زبن الدخيــلي
قالوا نسيته قلت ماهـو بصايــر=حــلفـــــت مادور بدالـــــه بديــــلي
قالوا تـدور لـلتعـب والخسايــر=وقـــلـت خلـــوني وقـــلبي دلــيــلي [/poem] وسلامتكم

الله يعطيك العافية قصيدة جزلة


ولاتطول علينا

هلا وغلا اخوي هذلي نجد

الله يعافيك تشرفت بمرورك

تحياتي لك

الله يعطيك العافية وصح لسانك قصيدة جزلة وجميلة وننتظر المزيد .

الله يعافيك يابو حمدان

صح بدنك تسلم على المرور