الرموش المضاليل

مشاركتي الاولى


[poem=font="MS Dialog,5,#0000ff,normal,normal" bkcolor="" bkimage="" border="none,1," type=2 line=0 align=center use=ex num="0,"]
ذيباً سمعت عواه في تالي الليل=ذكرني اللي فات عصراً مضى لي

يقول انا ياخال تعبان بالحيل=اشكي عليك اهل الهوى والدلالي

اعجبني المعنى وزين التماثيل=لا واحليل اللي من الهم خالي

ياكم ركبنا للهوى ضمر الخيل=واليوم ماله في حياتي مجالي

إن كان شفت اللي رموشه مضاليل=ماودي يمضي لك كما ماجرالي

دور على المنسب وخلي هل القيل=ماعندهم ياكود قيلاً وقالي

واختار وحده من بنات الرجاجيل=يجي ولدها من ثقات الرجالي

وان طال عمرك تعرف العدل والميل=تذكر كلامي لك وقل قال خالي[/poem]

السلام عليكم ورحمة الله وبركاته

وان طال عمرك تعرف العدل والميل
تذكـر كلامـي لـك وقـل قــال خـالـي


صح لسانك ..
وننتظر جديدك ....قصيدة من شاعر وشاعر كبير ..

ووجهة نظر هذا الجزء من هذا البيت لم يوظف كما يجب :

مـاودي يمضـي لـك كـمـا ماجـرالـي


وشهرك مبارك

السلام عليكم ورحمة الله وبركاته

يامرحبا بك اخي راعي الثميدي بك وبأول مشاركة

جميلة الأبيات وتجربة واضحة مليئة بالحكمة

صح لساانك وننتظر جديدك

تحياتي