اعلان الفائزين في المسابقة الشعرية ...والفائز هو ......

بسم الله والحمد لله والصلاة والسلام على رسول الله وآله وصحبه ومن والاه وبعد :

مسابقة الشعر الأولى التي كانت في رثاء عبد الله المسعودي الهذلي رحمه الله

نشكر جميع المشاركين التي كانت قصائدهم محل اهتمام لجنة المسابقة وبعد عرضها على لجنة التحكيم أثنوا على جميع القصائد وشكروا أصحابها وتمنوا لهم مستقبل مشرق في مجال النظم إن استمروا ورعوا هذه الموهبة :


( الشاعر : عبد الله الطلحي الهذلي والشاعر : مساعد السويهري الهذلي ) كان ترتيب القصائد كا التالي :



الفائز الأول صاحب قصيدة

واقلبي اللي تقل يصلى على الصالي =ودموع عيني على الخدين هماله
مرحوم ياشاعر الهذلان ياخالي=مرحوم وانا ولد يبكي على خاله
بنت الهوى قاصره في وقتنا الحالي=مالومها راح عنها محتمي القاله
بنت الهوى بعد موته مالها والي=والله لتبطي وهي ماجابت امثاله
حتيش لو جمعوا الاول على التالي=في ذمتي مايسد القرش ف رياله
ماذم شاعر ولكن مر ياحالي=وش جاب فيّ الشجر للضلع وظلاله
كلاً يهابه ويسمع له ليا قالي=والناس بعده تقول وقولها قاله
ماعاد خلّى لهم ف العرف مدخالي=ياهابط السوق مافا السوق جمّاله! !
كل البضايع قناها خالي الغالي=وما يوم حط الرديه مال من ماله! !
يسمو بشعره وراسه دايما عالي=معناه(دره) وقوله (هيل) ف دلاله
الله يجعل له الفردوس منزالي=مادام بيض القلوب اليوم منزاله

للشاعر غريب وأديب
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ
الفائز الثاني صاحب قصيدة
يا ذا الجلال اللي بعرشك تعلّيت = يا قابض أرواح الخلايق بحسبان
اغفر ذنوبي لا عصيت وتخطيت = عن حد شبهات المحارم والإيمان
لأعمارنا حسبه وللموت توقيت = ما نبتعد عنها بزودٍ ونقصان
أكبر دليل اللي قضوا فـ التوابيت = راحوا ولا يشفع لهم دمع الأعيان
ما أحدٍ مخلّد في حياته ولا ريت = من يضمن العيشه على مد الأزمان
ألا الذي يبني على المرجله بيت = يخلّده ذكره مع الأنس والجان
مثلك يا عبد الله يوم أنك توفيت = صيتك مع القاصي من الناس والدان
فارقتنا لكن مع الناس خليت = سمعة شرف تشهد لها كل الأوطان
يا سيّد الشعّار يا ذايع الصيت = يا شاعر الهذلان في كل ميدان
مشكور ما قصرت كفيت وفيت = والله يقدرنا على رد الأحسان
يا ميت حي وحي في عدت الميت = سجلت لك في صفحة العز عنوان
إذا تذكرّتك بشعرك تغنيت = وأسج بأبيات القصيده والألحان
عن ساحة لو عرّفوها بمانشيت = أنصاف شعار وتفاريق قيفان
ما ذم لكن لا ذكرتك تمنيت = إن الزمان يعيد لي كل ما كان
فقيدت القلطه بسميك وأقديت = شف حالها من عقبك اليوم شتان
أكبر دليل إنك مع الناس سويت = همزة وصل يرجح بها كل ميزان
إليا ذكر لك فـ المحلات كاسيت = تسابق الجمهور كله على شان
يلقون لو نسخه ويرضون لو بيت = هذا عشانك مشغل أذهان وأذهان
يا الله يا معبود يا حامي البيت = تكتب له الجنه ورحمه وغفران
آمين وأدري لو عنيت وتعنيت = ما أوففيت في حقه ولو قلت ديوان

للشاعر هشام الهذلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ

الفائز الثالث صاحب قصيدة

ياحروف الشعر جودي بالبيوت الجزله=ودي اوصل رساله وابذل المجهودي
واكتب اللي من سنين اخفيه داخل قلبي=خوف يظهر فالعيون ويحصل المنقودي
ياهجوسي عبري عما يدور بفكري=والبنادم ما يجود الا من الماجودي
بس في حاله من الحالات لازم يبدع=ويتقادح شعره ويصبح كما البارودي
يوم يطري في خياله شاعر الهذلاني= يوم يطري بالفكر عبدالله المسعودي
ياوجود الشعر من فرقاك ياعبدالله=ياوجود الملعبه وصفوفها ووجودي
اشهد ان الشعر عقبك مانحس بطعمه=واصبحن البيض في غيبتك مثل السودي
في غيابك غرد البلبل وناح القمري=ماعليهم دام راح الصقر صعب يعودي
صفيت الساحه عليهم والخلف عند الله=واصبحت تبكي وتنعي حظها المقرودي
حظها اللي ما عطاها وقت تستمتع بك=والبنادم ما يجاوز حده المحدودي
ربع قرن من الزمان اقفى وذكرك باقي=في بيوت عدها بين العرب مارودي
في ليالي كنت فيها فرد بين اخصامك=والحقيقه والله انك قدها وقدودي
في معاني غامضه مافيه احد فسرها=وقعها فالخصم كنه ماقع العبرودي
في شهادة كل من واجهك فالميداني=من سليم ومن عتيبه والجميع شهودي
في بيوت تنكتب لاجلك وانا قايلها=صغتها لك من دموعي والعباد رقودي
قبل ما اصلي صلاة الفجر صرت ادعي لك=يالله اني طالبك يالله يامعبودي
ترحمه وتسكنه في عاليات جنانك=واغسله بالمسك والعنبر ودهن العودي
اتوجه بالدعا لك ياعظيم الشاني=عد ماهبت على قبره هبوب النودي
والسموحه كان قصرنا بذكر امجاده=وان حصل فابيات شعري نقص والا زودي
والنهايه لا يسعني غير اوجه كلمه=ياهذيل ابكي على عبدالله المسعودي
للشاعر هذلي والفخر لي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
الفائز الرابع صاحب قصيدة


يارافـع ٍ سبـع علينـا شـدادي=وباسط لنا سبع ٍ وصارت علامـة
وباعث لنا بالنور خيـر العبـادي=محمد شفيع الخلق يـوم القيامـة
ترحم نزيل ٍ صار وسط اللحـادي=شاعر هذيل أللي يثمـن كلامـه
شاعر هذيل مروقيـن الأعـادي=شاعر هذيل أهل القنا والجهامـة
شاعر هذيل مكفخيـن الهـدادي=شاعر هذيل إن كان تبغى السلامة
إلزم يمينك خـل عنـك التمـادي=منت بخصيم ٍ للشفـا يـا تهامـة
((مايقطر القطران عنبر وكـادي=ولا ينجب الشيهان فرخ الحمامة))
هذا كلام أبـو طـروق ٍ جـدادي=إللي رقا بالشعر وقـت انعدامـه
إللي تفرد فـي زمانـه وسـادي=كرمه وعرمه بالشعر بالشهامـة
شاعر هذيل البحر لا كان هـادي=ومحيط وقت الجد يصقل حسامـه
أقل وصف أقول ماهـوب عـادي=لن عودت ضدات يكرب حزامـه
يالله أنـا طالبـك والليـل بـادي=تيسر لنا فالثلـث الآخـر مقامـه
نآخذ معه ثنتين وقـت الهجـادي=نطلب بها الرحمن حسن وسلامة
وندعي لبن مستور نزل اللحادي=بريح ٍ من الجنة يطيـب مقامـة

للشاعر محمد السفري
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
الفائز الخامس صاحب قصيدة


يامنتدى الهذلان جددت الأحـزان = اللي لها عشرين عـام وثمانـي
جرحاً قوي ماطاب مع مر الأزمان = ماينمحي لوطـال فيـه الزمانـي
ذكرتنا يالمنتـدى ذرب الأيمـان = اللي بمثله مابعـد صـار ثانـي
الفارس اللي خاض في كل ميدان = ماحداً قدر يوقف في وجهه ثواني
شاعر هذيل بن الأكارم كحيـلان = كم من خصيماً من ملاقـاه لانـي
شاعر بنى له في ذرا العز بنيـان = تفخر به الهذلان قاصـي ودانـي
شاعر حكيم ويوزن القاف ميزان = معروف بالحكمه وغزر المعانـي
رفع شعار هذيل في كل الأوطـان = واثبت وجوده يوم نـام الهدانـي
الشعر من بعده تهاوى بالأركـان = تهاوت أركانه بعـد كـان بانـي
هذا كلام الصدق من غير بهتـان = يشهد على قولي رفيعين شانـي
لو أذكر أمجاده بتفصيل وإتقـان = تخونني الكلمة ويعجـز لسانـي
عبدالله اللي كان له في العلا شان = أقفى وفي مهجة فـؤادي كوانـي
والله يابن مستور عمّقت الأكـوان = حزنك سطا وسط الضلوع الحواني
والله ماننساك لـو كـان ماكـان = وشلون ننسى من له القلب عاني
هذا الذي سطر له الشعر عنـوان = له رايةً في أعلى مقـام ومكانـي
لكن حكم الله على الخلق سلطـان = مادايـم إلا الله والعمـر فـانـي
ياجعل له في جنة الخلد مسكـان = يالله تقبـل دعوتـي والأمـانـي

للشاعر أبو حمدان
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ
الفائز السادس صاحب قصيدة


لا عــدت يا مــــوتٍ ملى صدري هموم = ولا بـــارك اللــه في صـبــاحــك وممساك
يا شـاعـر الهــــذلان مرحــوم مرحوم = عـســـى جــنـــان الـخـلـد دارك وماواك
مرحــوم يازيـــــزوم يــا كـايــد القوم = يـاشــاعــرٍ وقـــت المـــواقــف لقـيـناك
شاعـر ومثلك فالزمــن صـــار معدوم = هـــويـــت راس الـمـجــد والمـجد يهواك
تسبح مـع الشعــار وتـغــوص وتعوم = ولا منـــهـــم اللـــي فـاللـيــالي تعداك
ليت العمر يعطـــى على شانك تقوم = واقــول عـمـــري يـا ابن الامــجاد يفداك
لكـــن مـوتــك حــق والعمـر محتوم = لـــو مــا تـحـريــتــه لــزوم يــتـــحراك
الـحــزن طيـراً فالفضــاء كثـّـر الحوم = يالـيــت هـــاك الـمــوت جــاني ولا جاك
مــوتــك مصيـبـه أبكت الليل واليوم = وأبــكـــت دلالــك ونـجـــرك ومـــركاك
وابكت عيـون شـيــوخ ومـلـوك وقروم = ودمـــوعـــهـــم تـــاريــخ للناس تقراك
حتى الرضيع أصبح عن الديد مفطوم = يــردد أشـــعـــارك ويــصــــرخ وينـعاك
مرحــوم فــالبـرزخ وفـالـحشر مرحوم = بــإذن الله اللـــي ما خــلــق مثل شرواك

للشاعر النشمي الهذلي

ملاحظة : وكان من المفروض ان يكون في لجنة التحكيم بالاضافة الى الشاعريين عبدالله الطلحي ومساعد السويهري
الشاعر الكبير عطا الله القارحي لكن عدم الوصول اليه حال دون ذلك .
وماهي الا البداية والقادم اجمل وستكون هناك مسابقة شعرية كبرى وبجوائز مادية ضخمة وسيعلن قريباً عن التفاصيل .

السلام عليكم ورحمة الله وبركاته.
إدارة منتدى هذيل الرائعة ..
تمنيت لو انكم أشركتمونا كأعضاء في التصويت ويكون للجنة النصف ولنا النصف ..ولكن هذا من حقكم.
وياليت ايضا ان توجه الدعوة للجنة في ليلة معينة لنتحاور معهم ....مجرد إقتراح.
مجملا القصائد أكثر من رائعة ....بيض الله وجيهكم ووجيه اللجان التي فعلت الكثير..
وبيض الله الشعراء ....ماقصروا...

تقديري لكم جميعا.

غريب وأديب ألف مبروك المركز الأول ولهشام كذلك ولكل المشاركين والله يعيطكم العافيه

وهذه القصائد المفروض توضع في مكانها لأنها والله جميلة بحق


لله درهم من شعراء

بس أعجبتني حقيقة أنا آخر قصيدة

الفائز السادس صاحب قصيدة


لا عــدت يا مــــوتٍ ملى صدري هموم = ولا بـــارك اللــه في صـبــاحــك وممساك
يا شـاعـر الهــــذلان مرحــوم مرحوم = عـســـى جــنـــان الـخـلـد دارك وماواك
مرحــوم يازيـــــزوم يــا كـايــد القوم = يـاشــاعــرٍ وقـــت المـــواقــف لقـيـناك
شاعـر ومثلك فالزمــن صـــار معدوم = هـــويـــت راس الـمـجــد والمـجد يهواك
تسبح مـع الشعــار وتـغــوص وتعوم = ولا منـــهـــم اللـــي فـاللـيــالي تعداك
ليت العمر يعطـــى على شانك تقوم = واقــول عـمـــري يـا ابن الامــجاد يفداك
لكـــن مـوتــك حــق والعمـر محتوم = لـــو مــا تـحـريــتــه لــزوم يــتـــحراك
الـحــزن طيـراً فالفضــاء كثـّـر الحوم = يالـيــت هـــاك الـمــوت جــاني ولا جاك
مــوتــك مصيـبـه أبكت الليل واليوم = وأبــكـــت دلالــك ونـجـــرك ومـــركاك
وابكت عيـون شـيــوخ ومـلـوك وقروم = ودمـــوعـــهـــم تـــاريــخ للناس تقراك
حتى الرضيع أصبح عن الديد مفطوم = يــردد أشـــعـــارك ويــصــــرخ وينـعاك
مرحــوم فــالبـرزخ وفـالـحشر مرحوم = بــإذن الله اللـــي ما خــلــق مثل شرواك


مع احترامي للجنة

سلطان الندوي

يعطيك الف صحه وعافيه على المجهودات الرائعه

والشكر موصول للجنه عساهم على القوه


وألف مليار مبروك غريب وأديب

والمتسابقين ماقصرتو بيض الله وجيهكم



واقلبي اللي تقل يصلى على الصالي =ودموع عيني على الخدين هماله
مرحوم ياشاعر الهذلان ياخالي=مرحوم وانا ولد يبكي على خاله
بنت الهوى قاصره في وقتنا الحالي=مالومها راح عنها محتمي القاله
بنت الهوى بعد موته مالها والي=والله لتبطي وهي ماجابت امثاله
حتيش لو جمعوا الاول على التالي=في ذمتي مايسد القرش ف رياله
ماذم شاعر ولكن مر ياحالي=وش جاب فيّ الشجر للضلع وظلاله
كلاً يهابه ويسمع له ليا قالي=والناس بعده تقول وقولها قاله
ماعاد خلّى لهم ف العرف مدخالي=ياهابط السوق مافا السوق جمّاله! !
كل البضايع قناها خالي الغالي=وما يوم حط الرديه مال من ماله! !
يسمو بشعره وراسه دايما عالي=معناه(دره) وقوله (هيل) ف دلالي
الله يجعل له الفردوس منزالي=مادام بيض القلوب اليوم منزاله

صح لسسسسسسسانك غريب وأديب

بدايه اكـثر من رائعه

وفق الله الجميع وحظا اوفر لمن لم يحالفه الحظ

الـــــــــــــــــــــــ ـف مبرووووووووووووووووك لجميع الفائزين

غريب وأديب ، هشام ، غريب وأديب ، محمد السفري ، أبو حمدان ، النشمي الهذلي .

صح الله لسانكم جميع ، وبيض الله وجيهكم .

مبروك لأخوي غريب وأديب

قصيدة جزلة تستاهل أخوي غريب وأديب

وباقي الأخوة المشاركين مبروك لكم جميعا

فمجرد قرض الشعر في شخصية المرحوم بإذن الله عبد الله المسعودي

يعد نصرا للذائقة

وأشكر لكم التهنئة

وأشكر اللجنة على إجتهادها معنا

وما قصروا

الف مبروك لجميع الفائزين

غريب وأديب ، هشام ، غريب وأديب ، محمد السفري ، أبو حمدان ، النشمي الهذلي

ألف مبروك لشعار مجالس هذيل وصح الله لسانهم

وإلى الأمام

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته. إدارة منتدى هذيل الرائعة .. تمنيت لو انكم أشركتمونا كأعضاء في التصويت ويكون للجنة النصف ولنا النصف ..ولكن هذا من حقكم. وياليت ايضا ان توجه الدعوة للجنة في ليلة معينة لنتحاور معهم ....مجرد إقتراح. مجملا القصائد أكثر من رائعة ....بيض الله وجيهكم ووجيه اللجان التي فعلت الكثير.. وبيض الله الشعراء ....ماقصروا... تقديري لكم جميعا.

وعليكم السلام ورحمة الله وبركاته

أخوي مشعل صدقني ان اثق ثقة تامة في افكارك وارئك النيرة واسعد كثيراً لاي ملاحظة منك او من احد الاخوان

ولقد اصبت القول في مساءلة التصويت والحقيقة اننا كنا متفقين عليه ان يكون محسوب بنسبة 50% والباقي 50% لتقييم اللجنة

لكن ضيق الوقت حال دون ذلك

ولا اخفيك انت والاخوان الاعضاء في مجالس قبيلة هذيل ان هناك مسابقة شعرية كبرى سيعلن قريباً تفاصيلها

وتم تشكيل لجنة خاصة للاشراف على المسابقة لاظهارها باأحسن صورة

وان شاء الله نتفادى الاخطاء في المسابقة القادمة وكما تعرف نحن مازلنا في البداية واعدكم بمسابقة تليق بسمعة منتدى هذيل

السلام عليكم ورحمة الله وبركاته .
أرجو أن لا يفهمني أحد الإخوة خطأ فأنا لست اهلا لأقيم شعراء بمستوى من سبق ذكرهم وهم أعلام .
ولكن من باب المشاركة والمنافسة فقط في إطار أخوي .....ربما هناك من أعجبته قصيدة معينة لم تعجب اللجنة.

ننتظر مسابقاتكم القادمة وعسى ان يسعفنا الحظ لنكون معهم من يدري لكن أخبرونا من سيشارك لكي نأخذالحيطة والحذر ايضا فرحم الله أمرؤ عرف قدر نفسه....

تحياتي وتقديري وهكذا وبعد كل ذلك وماسيكون بعد ذلك لابد ان يكون منتدى هذيل كذلك.

الف الف الف الف مبروووووووووووووك


حقيقه قصائد رائعه و يحتار الشخص في تحديد الأفضليه لمن


و ما اقول الا بيض الله وجيه كل من شارك و صح الله السنتهم



و نحمد الله ان منتدانا فيه اعضاء على هذا القدر من الشاعريه و الابداع





تحياتي ,,,

السلام عليكم ورحمة الله وبركاته

اولاً اشيد بالمشاركات اعلاه و اقول الله يعطيكم العافيه ويبيض وجيهكم جميع

ثانياً . اقدم اعتذاري الشديد لعدم مشاركة اساتذتي الأفاضل في التحكيم وذلك لظروف حالة دون متابعة الموضوع و النت بصفه عامه و اقول ما قصرو الأساتذه / عبد الله الطلحي و مساعد السويهري وهم اهلاً لذلك عسى الله يقويهم وبعطيهم الصحه و العافيه .

اخيراً اطلب منكم العذر و السموحه على عدم المشاركه فو الله انه وسام شرف بأن أكون محل ثقه لمن اختاروني ولكن العذر يعذر و اثني مره اخرى على المشاركات المقدمه و ابارك للفايز فوزه وكم كنت اتمنى أن تكون المشاركه بأسمه الحقيقي وحظ اوفر لمن لم يحالفه الحظ و الله يكثر من شبابنا المبدعين .

اخوكم


عطا الله القارحي

إبداع من شعراء كبار
أشكركم واحد واحد وكلن باسمه
و أباركلكم واحد واحد وكلن باسمه
بيض الله وجيه عبدالله الطلحي و مساعد السويهري و المشاركين و كاتب الموضوع سلطان

نبارك لأخونا للشاعر غريب وأديب

والف الف مبروووووك

ويستااااااهل

وابارك لجميع بقية الزملاء الفائزين

وتقبلو أغلى التحااااااايا

أخوكم : النشمي الهذلي