كذاب كذاب

قال اعشقك وهو كذاب في عشقه
قال احبك وهو نصـاب محتالـي
من يحبـك يجـي للبـاب ويدقـه
وما يدق النوافـذ غيـر الانذالـي
يخدعك بالكلام العـذب والرقـه
لين يحصل على مكنونك الغالـي
من عطا ثوبه المجنـون ويشقـه
لاتطيعيـن شيطانـك ويختـالـي
ويل للي سرقها ابليسهـا سرقـه
قادها للسـراب بجرهـدٍ خالـي
افهمي مقصـدي بالجـل والدقـه
وادري انه على بالك على بالـي
من سكب قاز من فوق الجمر بقه
ومن طفا الشوق بالطاعه تهيالـي
اعطي الدين يابنت الشرف حقـه
الشرف مايجي بالقيـل والقالـي
والله اني عليك اشفق من الشفقـه
من يذوق المراره يعشق الحالـي
حالي اللي براه الحـب والهبقـه
وقلبي اللي مع ميل الهوى مالـي
قادني ابليـس للعاصيـن واسبقـه
واعطي المعجبه رقمي وجوالـي
وابدع الشعر واغني على طرقـه
والقصايد لا لا له لا لا لا لا لـي
وعقب ما ذاقني مر الزمن علقـه
فقت وتحطمـت بالواقـع امالـي
مسكني بالقصور ومسكنـي شقـه
مسكني قبر واتحاسب على اعمالي
ويل مـن والدينـه حـي ويعقـه
طاعة الوالديـن لطاعـة الوالـي
النخل مايزيـن الا علـى عذقـه
والفـرس مايزيـن الا بخيـالـي
قالها شاعرٍ مشهور فـي صدقـه
والصراحه بقلبي قدرهـا عالـي


الشاعر

علي الشمراني


منقول

صح لسان الشاعر علي الشمراني
ومشكور اخوي محبوب على النقل المميز

صح لسان الشاعر الشمراني وتحياتي لك على النقل

صح لسانك