يازين بيت الشعر

[align=center]قصيده الشاعر / مشاري بن جاسر القرفي البقمي[/align]
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="double,4,red" type=0 line=0 align=center use=ex num="0,black"]
يازين بيت الشعـر ويازيـن عمدانـه =تبنيـه مجمولـةٍ مااحـدٍ يعاونـهـا
لفت عليـه اذرياتـه واكتمـل شانـه=ثم شبت النـار والرحمـن حاضرهـا
ماهي بمدبولتـن تمشـي ووجعانـه=فيها مرض قلب والشيطـان حاشرهـا
فـي مرقـبٍ زايـفٍ بقلـه ومكنانـه=فيـه الحبـاري جديـداتٍ جرايـرهـا
وتشوف فيها الادم وتشـوف غزلانـه=اللـي ليـا شافـت ازوالٍ تذيـرهـا
جوهم عسوسه وقالـوا ديـرةٍ زانـه=قالوا فـلان الفلانـي هـو مسيرهـا
مشوا هـل البـل وردة زملهـم قانـه=ومن غاب رجالهـا تنهـم قطايرهـا
وشالوا على اللى طوال الروس حجبانه=يازين مشيٍ بهـا لااعطـت برايرهـا
حلّوبـه عصيـر والعربـان تعبانـه=واللى تأخـر يجيهـم مـع جرايرهـا
ومن شب ناره تلاقـت كـل عربانـه=كلٍ يجيـب العلـوم اللـى محظرهـا
وقاموا على البل وكلٍ جـاب ميزانـه=إن كان به خلف والا مـن عشايرهـا
وتسمع لهات الجمل باالصوت رنانـه=واللي يباها تشـوف انـه يخازرهـا
اخير مـن جلسـة التاجـر ودكانـه=اللـي مقيـمٍ بهـا جانـب مقابرهـا
ماهيضـه مجحـفٍ لاانقـاد ربـانـه=والارض مااشهته الى زانت مناظرهـا
يازين نبت العشـب والارض رويانـه=تشهـي قلـوبٍ جديـد القفرساحرهـا [/poem]

صح لسان قايلها ....وتسلم يا أخوي صقر هذيل على هذا النقل للقصيدة ....

[move=right]الله يسلمك من كل شر[/move]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يازين نبت العشـب والارض رويانـه =تشهـي قلـوبٍ جديـد القفرساحرهـا [/poem]

[align=center]صح لسان الشاعر / مشاري بن جاسر القرفي البقمي
وبيض الله وجهك على النقل[/align]

وجهك ابيض يابو سعد