ماجابني حظه

بسم الله الرحمن الرحيم

عندما يفقد الشخص حلمه ويعيد الزمان له الذكريات فماذا تتوقعون ان يحدث اليكم جديدي

مــــــاجابني حظه

العين لامن عانقت شوف لحباب//// تبكي فرح مدري؟؟ بتبكي حزينه

شفت الفرح بدموع عيني ولهداب//// كنه حزن عيني بيووم الغبينه

كن الزمان اللي به الجرح قد طاب //// كنه يذكرني بماضي سنينه

وش فيه وقتي عن مساويه ماتاب؟؟//// يفتح ملفات العلوم الدفينه

حب(ن) خفيته لين ذا الحب بي ذاب //// واصبح مع دمي ودمي رهينه

ماجابني حظه وحظي فلاا جاب //// وسكرت بابي والمشاعر سجينه

غديت بين الفين سائل وطلااب //// لين اقبلو وحطو على الباب زينه

مشيت دربي دون ماعرف لسباب//// ومشا بدربه خالياات(ن) ادينه

دار الزمان اللي به الحظ قد خاب//// ثم اجمعتنا صدفت(ن) هي ثمينه

سلم وقال : اهلين ياحب قد غاب//// قلت: العفو اشرق علينا جبينه

قال: ارحبي قلت: وغدينا كما اغراب؟؟//// قال: الزمن يفرظ علينا سنينه

قلت: الزمن وشحاله اليوم وش جاب؟؟//// قال: اسكتي حالي له الله يعينه

قلت: السبب؟؟ قال:الزمن حيل كذاااب//// مره مع الواااحد وعشره يهينه

قلت: الصبر يفتح مع الوقت لك باب//// اصبر وحالك جعل ربي يزينه

لك واحد(ن) قد نزل اكتاب واحساب//// يدين ابن اادم وهو ما يدينه

وسلامتكم متمنيه ان يعجبكم نبضي المتواضع

[align=center]صح لسانِك نبض القصيد[/align]

صح ابدنك ولا هنت

[align=center]يسلموووووووو نبض القصيد

على هذي القصيدة الرائعة جدا

ابصراحة يمكن مقدر اسووي مثلهااااا

هههههههههههههههههههههههه

صح السانك وربي يعطيك العافية وعساك دوم على القوة

تحياتي

رهيف الاحساس[/align]

صح ابدنك ولا تستهين بقدراااااتك وانشاااء الله تكتب اللي احسن منهااااااااا

أحسنتي والله يحقق لك مرادك

وإلى الأمام اجعلي القصيد ينبض أكثر فأكثر 000

	قلت: الصبر يفتح مع الوقت لك باب//// اصبر وحالك جعل ربي يزينه لك واحد(ن) قد نزل اكتاب واحساب//// يدين ابن اادم وهو ما يدينه

حكم ومعان ساميه وتصوير بديع وقافيه ولا أحلى


تسلمين نبض القصيد

ثامر ابشر وسافعل المستحيل للوصول للقمه شاكره لك مرورك

سلطان الله يسلمك من الشر
.
.
.
.
.
.
.

وانتظرو الافضل