شعر حامد زيد

هذه القصيدة للشاعر حامد زيد القاها اثناء دراسته الثانوية :

اسمعي دامك تعذرتي ودام انك جفيت
لا تقولي لي هجرت دامك انتي البدية
تدعين اني خطيت واشهد اني ما خطيت
واشهد ان انتي خطيتي ولا تركتيلي بقية
اتساءل ليه اخونك وانتي اجمل من رأيت
وانتي كنتي في عيوني اجمل اناث البرية
ليه تطعنَي بظهري وانا توني ما دريت
ليه خنتي في غرامي وارتكبتي هاالخطية
لا بقى بالقلب ود ولا بقى للقاف بيت
حتى اني ما قدرت اكتب حروف(ن) شاعرية
كيف ابكتب وانتي اول من كتبتلها ومحيت
كيف ابقرا والقرايه منك جتني عالسجية
تايه(ن) باحضان غابه في غرامك اهتديت
ولعنبوها من هداية ان كانت الغربة هدية
ما عطيتي غير جرح وغير جرحي ما عطيت
وغلطتك تبقى وحيدة وغلطتي بالف(ن) وميه
ارحمي قلبي المولع وروف بي دامي وفيت
او اتركيني تحت رحمة ربنا في هالقضيه
لا عشقت ولا تركت ولا وصلت ولا اقفيت
خلي وضعك مستقر(ن) ما هي محتاجه شوية
اهتويني واقسم اني غيرك انته ما اهتويت
واقسم اني في غرامي مبتلــــى فيها بليـــة
وغيرك انت ما ذكرت وغيرك انت ما نسيت
وغير جرحك صارلي مثل الخوي وانا خوية
رحت ادوَر من ظلالك غير شمسك ما لقيت
ورحت ادوَر دفوتك ورجعت وبردك علية
ويس اسوَي دام ما حصًلت كل اللي بغيت
ويش اسوَي في غرام(ن) ضايع(ن) ما بين ادية
ليتني ماقد عشقت وليتني ما قد هويت
وليتني ما قد عشقت من البنات ذي البدويًة
وليتني يوم(ن) هويتك من غرامك اكتفيت
وليتني دوَرت غيره دام قلبه ما هـــو ليــــة
دام جرحي من ادينك منه عمري ما بريت
ليه اطلبك الدوا دام جرحك كان فيــــــــــة
تغرسي دوم الخناجر في متوني وانت ليت
ترأفي بحالي وترحمني ودام انتي وفيـــــــة
كم سعيت وكم سعيت والمصيبه كم سعيت؟
وانتي تدري سبب سعيي لارتجي عشقك شوية
ما تجرعَت المذله لـين من عشقك ظميت
وارتويت من العذاب السرمدي بكاس الخطية
ما رواني من غرامي بل من عذابه ارتويت
وارتويت من الخيانه وارتويت من الجفيًـــة
ادعيتي انك خجوله وليه مني ما استحيت
يوم ما شفت الخيانه بالهوى روحه وجية
اسمحيلي انا بخونك كان شئت او ابيت
ذقت كاسك ذوق كاسي وارتوي كاس الدنية
لو رضيتي ترجعيلي انا اقلك ما رضيت
ما بقى بجوفي مكان(ن) لليالي النرجسية
كل صفحة في كتابي فيها اسمك قد محيت
لا تقولي لي عجزت دام فيني مقدرية
لو يقولوا ابن زيد قد نسى لا ما نسيت
من تغيظه هالجبال الشامخة يحكي طرية
ما فتحت الهم مجال دام اني قد حييت
والرجل لاخير فيه ان ما عرف قيمة خوية
سيف ربعي عشت عمري لا ولا عمري اعتديت
ووجه قومي طول عمري لا خويٍ للردية
اسمحيلي اقلك انتي من تعذرتي وبطيت
لا تعاتب في رجوعي دام انتي البدية

يعطيك العافيه

أخوي عايش على النقل

وصح لسان الشاعر حامد زيد

( ينقل إلى مجلس المحاولات والمنقولات )

	المشاركة الأصلية كتبت بواسطة هشام الهذلي

	يعطيك العافيه أخوي عايش على النقل وصح لسان الشاعر حامد زيد ( ينقل إلى مجلس المحاولات والمنقولات )

الله يعافيك وهذا من طيب اصلك

يعطيك العافيه اخوي عايش على هذا النقل الجميل والجهد الرائع

	المشاركة الأصلية كتبت بواسطة ابوفهد

	يعطيك العافيه اخوي عايش على هذا النقل الجميل والجهد الرائع

بيض الله وجهك