تـجـمـّل

[poem=font="Traditional Arabic,4,,bold,normal" bkcolor="" bkimage="backgrounds/5.gif" border="double,2,#2e8b57" type=1 line=0 align=center use=ex num="0,"]
تجمل ياخفيف الـــروح جبّرخــاطري المكسور= تجمل وإزرع البسمه على المجروح بغيابك
تـجـمـل لاتــعــــذبـنـي تجـمـل ياأمــيـر الحـــور=سقى الله يوم صادفتك ومرسال القدرجابك
سقى الله ساعة فيها سقيت الخافق المدهور= تفيّا من لهيب الشمس تحت ظلال اهدابك
سقى الله أرض تمشيها تفتّـح خـضـرة وزهور= ليا جيت الشـجريرقص ويتعـطر من أطيابك
سـقى الله أرض تســكـنها وفـيـهابيتك المعمور= يداعبك النســـيم العــذب غنّى لك وحيّا بك
تجمل يحـفـظـك منزل ســـبا والـفـاتـحه والطور=تجمل دامـــت الأفــراح والـتـوفيق برحــابك
تجـمـل هــذي الــدنيا على روس العباد تــدور=وراعي الطيب والمعروف أنسابه من أنسابك
تجمل في الوليف اللي على طرد الهوى مجبور=مـن اول يـوم ودّاني هوى شوقي على بابك
إلين أصبحت في ودك وعشقك منهي ومـامور= على درب الرجا والياس إرحـم حال احبابك
وأنا مااهين نفسي لك وتعرف منسبي المشهور=أعـزك لكــن إن عييت أبقلع حـبـل منسابك
وأقول الله علي يخـلف ومـن يصـبر هو المنصور=أبحمل جـرح بالخفـاق عناني من أسـبابك
أنا اللي منتظر ياشوق أراقـب والأمــر مستور=تجمل وإزرع البسـمـه على المجروح بغيابك
جمعان الطلحي[/poem]

تجمل في الوليف اللي على طرد الهوى مجبور
من اول يوم ودّاني هوى شوقي على بابـك

الله الله

صح لسانك وعلا شانك

ودام لنا هذا العطاء والجمال


تقبل تحياتي

صح لسانك وسلم بنانك

أنا اللي منتظر ياشوق أراقب والأمر مستور
تجمل وإزرع البسمه على المجروح بغيابـك



قصيدة كلها رقه وعذوبة تنساب على الفاظها وتراكيب صورها
كيف لا وهي لشاعرنا جمعان اللي معودنا
على كل ماهو جميل
الله لايحرمنا منك
ومن ابداعك ياغالي

مشكور اخوي

صح الله لسانك ياجمعان قصيدة جزلة من شاعر جزل وننتظر المزيد من إبداعاتك .

سقى الله الساعة التي انظممت الينا فيها ياجمعان

قصيده رائعه بكل معنى الكلمه

صح لسانك يالغالي

واعلم اننا بشوق لكل ما تسطره لنا افكارك

الله عليك ياجمعان

وصح لسانك على القصيده الجميله

وننتظر منك المزيد

أنا اللي منتظر ياشوق أراقب والأمر مستور
تجمل وإزرع البسمه على المجروح بغيابـك

لله درك
كلمات تداعب احاسيس المتلقي


احسنت اخوي جمعان


في حفظ الله

اخي الحبيب هشام الهذلي
أسعدني مرورك وتعليقك الغالي على القصيده مشكور يالطيب لاعدمت مرورك
لك تحياتي

اخي الحبيب مشارك جديد
حياك الله وحي مرورك الطيب ياهلا ومرحبا فيك
تحياتي

أخي وحبيبي مشهور الطلحي
نورت القصيده بمرورك الطيب لاعدمتك ولاعدمت مرورك الغالي
تقبل تحياتي

اخي الحبيب بكيفي إتحادي
حياك الله وحي مرورك الغالي وتعليقك الذوق لاعدمتك
وبكيفي اهلاوي
تحياتي

اخي الحبيب أيوحمدان
هذا من لطفك واخلاقك العاليه لاعدمتك يالطيب
تحياتي

هذلي والفخر لي
انا ا لذي الفخر بك وبشرواك من الطيبين
حياك الله وحي مرورك الغالي وتعليقك لاعدمتك
تحياتي