قصيدة الحضبي ( بيع الصداقه)

بيع الصداقه
قصيده تحكي قصه واقعيه قالها الشاعر عبدالله بن سعد الحضبي السبيعي
[poem=font="Arabic Transparent,5,#8b0000,bold,normal" bkcolor="" bkimage="backgrounds/15.gif" border="none,1,#800080" type=1 line=1 align=center use=ex num="0,"]
ابعد وانا ابعد ماحصل منك كافـــــي = سويت فعل مايســـــــــــــــــويه رجال
صديقي المخلص له الطيب صافــــي=ولا انت خداعن ونـــــــذل ومحتال
غنمت غراتي وانا عنـــــــــــــــك غافي=لانك صديقي ماتسمــــــعت الاقوال
قد انصحوني عنك والعلـــــــــم خافي= وثقت فيك وخاب ظــــني بالازوال
سبيتني ماجاك مني خــــــــــــــــــــلافي = وجرحتني جــــــرح عطيب ولا زال
يامسلم اعرض مانبي لـــــــــــك ملافي= كرهت معرفتك وشكلك والاحوال
لاترسل وتشفق ولا انته بـــــــــــــــوافي= ارجوك تنسى كان في الثوب رجال
نور العلاقه في شوارعـــــــــــــك طافي= حطيت رسمــــك في قمامات زبال
لبستك التقدير يــــــــوم انـــــت حافي= وجازيتني بلعـــــــــن رسالات جوال
كثرت حماقاتك وبالفــــــــــــعل هافي= عيالي تراهم مــن عنا البغض جهال
حطمت ساعات الفرح والتــــــــــشافي= صداقتك راحت تهــــاويل واهوال
جوك تراه احيان صافي ودافــــــــــــي= شربت كاسات تريــــــــــح لك البال
وبعت الصداقه بالحمـــــــق والتجافي= يانعنبو دنيا العنا مالـــــــــــــــــها حال
كيف الصديق يخون مـــن كان وافي= والغدر يسكن قلب ابن عم او خال
وراع المروه والشيم صــــــــــار جافي =ولو تبحثه جاب المطـــــــمه ولا سال
ثوب الغد مكشوف لــــــــو كان ضافي= يفضح فعوله ويتــــــــــــباهى بالافعال
الكلب ينبح مير صــــــــــــارت عوافي= ولهوب ساكت فيه خبطات واهبال[/poem]

أخوي عبدالله الحضبي


صح لسانك


كلمات قويّة وقصيدة جزلة


وأعان الله المقصود بالأبيات



ثوب الغدر مكشوف لو كان ضافـي
يفضح فعوله ويتباهـى بالافعـال

السلام عليكم ورحمة الله وبركاته.
الشاعر الرائع عبد الله الحضبي..
بيض الله وجهك على القصيدة ..
وفعلا الصداقة باب وإن كان مطروق فلا يزال متجدد ..
كيف الصديق يخون من كان وافي
والغدر يسكن قلب ابن عم او خال
وراع المروه والشيم صار جافـي
ولو تبحثه جاب المطمه ولا سـال
ثوب الغد مكشوف لو كان ضافـي
يفضح فعوله ويتباهـى بالافعـال

صح لسانك.