التــوبه ..,,

السلام عليكم ورحمة الله وبركاته ..

شهر مبارك على الجميع

متواضعه اتمنى أن تنال اعجابكم ...
.
.

[poem=font="Arail,4,#000000,bold,normal" bkcolor="" bkimage="backgrounds/8.gif" border="solid,3,#000000" type=1 line=1 align=center use=sp num="0,"]

يا الله اني طلبتك ما طلبت البخيل اطلبـك في التوبـه =يا رجا كل من زادت عليه الهمـوم وزادت افكاره

يا كريم الرجـا يا واحـدا دونه الابصـار محجـوبـه=كون الكون رب الكون علام ما يخفـا من اســراره

انـزل النـور سبحانه مبيـن سبيـل الخير ودروبــه=مالك الملك شرف با لرساله نبـي الخلـق واختــاره

أرسل المرسليــن بكل ما ينفـع الإنسان وينـوبــه=ما تـرك عـذر بعـد النـذر لـو يبديـا الإنسان معـذاره

كـمل الدين بالإسلام وأعمالنا تكتـب ومحسوبه=الله الـي وضــع للعـدل ميـزان ما يظلـم بمعيــاره

إن عملنـا بشـر القـدر با القـدر والسيـات مكتوبــه=وان عملنا بخير يضاعف الأجر في وزنه ومقــداره

بعـدها كيـف عذراللي شكا واشتكا من كثـرة اذنوبـه =حمله اثقل من الحره وطوف الحجاز ومن جبـل قـاره

غره الوقت والشيطـان عايـش حياته كنـه العوبـــه=كلما قـال بكـره جـاه فكـراً جديــد وحطــم اصــراره

كل واحد بعيب وخيرنا من عرف عيبـه وعذروبـــه=والمشاكل كثير وعادة الوقت مايخـلا من اشـراره

اول المشكه من هو يشيل المشاكل في طرف ثوبــه=ماسلم من لسانه لن هرج لا ولــد عمــه ولا جــاره

شغلته في الزمان إن جاك ياشيـن غاياتـه ومطلوبه=تعرفه من صفاته واسمع الوصف علك تسلم اخطاره

إن حضر مايجيك بخير ون غاب عنك اشغلك مندوبه=لـه من الناس نـاس يلبسـون العمي والعـور نظـاره

المقبل يلوحـه والمقفـي عنه كم حش عرقوبـه=يشعل النار من زنـده وهو يا جماعه ميتــه نــاره

بالنميمه تقهـوا وإن تغدا معك عشاك باكذوبه=با الغلا تكرمه لكن بالعون ما هــو قـدر مسـعــاره

إن وعـد يخلف الميعاد وليا اؤتمن ذمته مسلوبــه=يبديا الود يخفي الحقد قلبه عمى و أنجس من الفاره

ياهل المعرفـه خبـث النـوايـا لهـم نيران مشبوبــه=والحطب من حدانا والخطر من يمين الدرب ويساره

يا الله اطبك جنبنا صفـات الــذي علبــاه مسحوبه=اكفنـا شـر من يعمـر بيوت النفـاق ولا عمــر داره

شتتـه في حياته واجعل السم في زاده ومشروبه=علقه في السما واجعل نهاية مصيـره عند طيـــاره

ازقله في بحر مهجور خفرالسواحل ماتجي صوبه=حاصـره في النفود الجـرد حافي قدم من غير سياره

اجعله في مكان الي تذوق العذاب فمعتقـل كوبه=زلزله بالزلازل و ادفنه حي حول القدس وجواره

جرده من قواه الخمس حتى يعيش العمر غيبوبـه=ليـن نرتاح من شــره وينـكر جميع أهله وزواره

إبتله با لمصايب وأشغله عن عيوب الناس بعيوبه=عاقبه ياشديد بقـدر ما يشتكي المسلم من اضـراره

قلت ما دار في نفسي وكلاً على قدره وماجوبه=(من يقدم يمينـه ما شـرب تاليا الفنجـال بيســاره)

واذكرالله عـدد ما طاف باالبيت من مسلم وصلو به=يا صلاتي وتسليمي على خيـر خلق الله ومختــاره

"
"
,


عطا الله القارحي[/poem]

وعليكم السلام ورحمة الله وبركاته.
شهر مبارك شاعرنا الكبير عطا الله القارحي.
بيوت جزلة وقصيدة فيها من الحكم الشئ الكثير..
صح لسانك ولا هنت..
وننتظر جديدك ..

وعليكم السلام ورحمة الله وبركاته



كل عام وأنت بخير وصحة



أهلا بك شاعرنا الغالي / عطاالله القارحي



ماذا عسانا نقول عن هذه القصيدة



فأنت شاعر لا يختلف عليه أثنين


قصيدة عانقت الإبداع وعانقها


فأتت لنا تختال لتفرض نفسها كعادة شاعرها


شكراً شاعرنا


وصح لسانك


ودمت بخير

وعليكم الســلام ورحمة الله وبركاته

صح الســــــــــــــانكـ ولاهنــــت

ويســــتاهل يابن العم اللي يمشي بين العرب با النميمه

واللي يفرق ربعه ولا يجمعهم . هذااا هو اللي ماله صديق

الاناني اللذي لا يحب للناس مايحب لنفسـه ويسعى بين

العرب بالشر ويشب الفتن ويجلس جلسة المتفرج على تناحر

أهله وبني عمه ولا حتى أي ناس أنشب أضافره با الفتنه بينهم

فمثله كمثل الشيطان والعياذ با الله يغر المسلم لارتكاب المعاصي

بتسهيل نتائجها على من إمتطاه وأن كل مشكله ولها حل . وهو ذاهب به

الى سوء المصير والعياذ با الله .

أبدعت يبن العم واسندت الامر لله وهو كفيل بكل شئ سبحانه وتعالى

والله هو الكافي من مثل هؤلاء من شياطين الانس.

وجزآكـ الله كل خير على هذه التحفه الفريده .

وتقبل فآآئق إحترامي وتقديري

وعليكم السلام ورحمة الله وبركاته
صح لسانك أخوي عطا الله لاهنت
دمت بخير
أختك شاعرة مطرفيه

ما شاء الله عليك يا ابو عبدالله شاعر متمكن
ورجال حكيم

بيض الله وجهك وصح لسانك

وتقبل تحيات المعحب بك الذيب

صح لساااااااانك

اخوي عطالله القارحي مشكور وكل عام وانت بخير

تحياتي لك


عاشق هذيل القارحي

صح لسانكـ

وبيض الله وجهكـ

قصيده جميلة ياشاعرنا الكبير عطاالله القارحي

وليس بمستغرب عليكـ تقديم الجزل من القصائد

وتقبل تحياتي