أشرقها واغربها

[poem=font="Times New Roman,4,#000000,bold,normal" bkcolor="" bkimage="backgrounds/34.gif" border="double,2,#add8e6" type=1 line=0 align=center use=ex num="0,"]
بديت بذكر رب العرش خالق فيّها وظلال=إذاتـــاب الـفـتى يغــفرله الأول مــع التالي
وصلى الله على المختارماهل المطرهمال= رسولاصادقا مصدوق في اقواله والأفـعالي
تهيض خـــاطري في ليلة وانا خليّ البال= يدورالفكرفي راســـي يمينا راح وشــمالي
أشــرّقها وأغــرّبها إلين القى بها منزال= محد عندي يكون الليل ساهر وحدي لحالي
أفكرفي غــريب الوقت والأيام والأحوال= يجيك الصبح في حاله ويلفي الليل في حالي
تغيّروقتنا مابين ذا قـــادم وذا رحّــــــال=وهـــــذي حــالة الـدنيا مـابين أيــــام وليالي
فيهاالمستحي يتعب وتصنع للوهم تمثال= وفـيها الصـقر جـيــعـان وفـيها البوم يختالي
وصارت قيمة الرجّال دام الجيب فيه ريال=وإذاماقسيت أيــامه ولاواحـــد مـعـه شـــالي
وقالوه العرب وأصبح كلام العاقلين أمثال=ّإذاكــــان الزمن ماطـــــاع طيعه وأنت رجّالي
تشوف أشياء ماتعجب عسى ماهي لمثلك فال=ولــكن هــذي الهـجـره مـؤكد حـظها مـالي
وحتى الفرق ماتعرف مابين البنت والرجّال=معاييرالزمن شـــطّت عــــــن المنزال منزالي
تناظرفي الولد لابس من الألوان والأشكال=وقصـّات الشــــعرمابين بــاروكـه وشــــــلالي
وسيّاره يهبّطها وأفــنى عمره الجــــوال= ومن شارع إلى شارع طوال الوقت جـــوالي
نسي لبسه وعاداته وحتى غترته وعقال= نســي عــاده تورّثها من الجــــــدّان الأبطالي
نسي الترحيب والصفطان حتى قهوته ودلال= يجــي ضيفه لبيته ثم يرجـــع فـــارغ خــــالي
وقالاته يجيك بها مابين الجـــــد والإهمال=ولاتاخـذ منه كــــلمه لأهـــل العــــرف تنقالي
قضيّه ياهل المعروف صعبه مالهاحـــلال= يكـــون الله من عنده وهـــــو للصعب حلالي
أملنافي الرجال اللي توفّي الوزن والمكيال=عسـانا نرجـــــع اللي راح في الأيــام رحالي
عسى نرجع لماضينا وتصلح باقي الأجيال= دعيت الله من قلبي ســــــــحاب الهم ينشالي
وصلّى الله عدد مالاح برق بالسما وخيال=عـلى المبعوث بالرحمه عـــــن الزلات ميّالي
جمعان الطلحي[/poem]

السلام عليكم ورحمة الله وبركاته.
شهر مبارك .
أخوي الغالي جمعان صح لسانك مليون على الجزلة بمعانيها وقوتها ...


أملنافي الرجـال اللـي توفّـي الـوزن والمكيـال
عسانـا نرجـع الـلـي راح فــي الأيــام رحـالـي

بيض الله وجهك وننتظر جديدك .

وفقك الله.

	تناظرفي الولـد لابـس مـن الألـوان والأشكـال وقـصّــات الشعرمـابـيـن بــاروكــه وشــلالــي

وضعت يدك على الجرح أخي جمعان !!

وصح لسانك يالطلحي

صح لسانك أخوي جمعان


وأجدت وصف المنظر العام لهذا الزمن


الأمل في الله كبير


والخير باقي إن شاء الله



تقبل مروري

اللهم صلي على محمد عدد ماتكلم فمي الثرثار

لله درك ودر قاف انته كاتبه ...

والله واقع حاصل وماابعدت عنه

صــ الســانكـ ــــ ولاهنــت ــــــح

مالومك في ها الهجرة المختلفه واللتي

إنحدرت إلى الحضيض . ولا تستغرب إذا لقيت

الولد متكي والشايب يقهويه على قولهم عدمتهم (تيك إت إيزي )

لكن ندعي الله لهم با الصلاح ها الجيل فا الله هو القادر على كل شئ

وتقبل إحترام إبن عمكـ وتقديره

صح لسانك اخوي جمعان

وهذه المشكله عامه للأسف

ولكن نقول عسى الله يصلح الاحوال

صح السانك ياااا جمعااااااااااااااان

اخي الفاضل مشعل الهذلي

شكرا لمرورك الطيب وتعليقك هذا من طيبك

سلامي

كما عودتنا اخوي جمعان


قصيده جزله و معاني جميله


صح لسانك و بيض الله وجهك







تحياتي ,,,

فيهاالمستـحـي يتـعـب وتصـنـع للـوهـم تمـثـال
وفيهـا الصقـر جيـعـان وفيـهـا الـبـوم يختـالـي
وصـارت قيمـة الرجّـال دام الجيـب فيـه ريــال
وإذاماقسـيـت أيـامـه ولاواحــد مـعــه شـالــي


الله الله

صح لسانكـ أخوي جمعان وبيض الله وجهكـ

على القصيده الاكثر من رائعة

قصيدة رائعة وجزلة ياجمعان كعادة قصائدك فأنت أحد الشعراء الذين أضافوا الكثير للمنتدى شعرياً

أسجل اعجابي بهذه القصيدة

حياك الله اخي الفاضل فتى هذيل
أسعدني مرورك لاحرمنا الله منك
سلامي

أخي الحبيب هشام الهذلي
شرفتني بكرورك حياك الله وحي حضورك الطيب
سلامي

اخي الغالي جيرانيمو
سعدت بمرورك وتعليقك وهذا من لطفك
سلامي