هذيـــل البقـــوم في القلب

[poem=font="Simplified Arabic,5,black,normal,normal" bkcolor="transparent" bkimage="backgrounds/14.gif" border="groove,4,red" type=0 line=0 align=center use=ex num="0,black"]
شبيت لي نار وجبـت المعاميـل=واخذبي الهاجوس رحلـة طويلـة
وذكرت ربعي هذيل سقم المغاليل=اهل المباني والغـروس الظليلـة
في ساحة الابطال ربعي حلاحيـل=لا ثارت الهيجـا وشبـت فتيلـه
وفي دخيلهم ما يقبلـون المعاديـل=لاليا زبن في ظلالهم مـن يجيلـه
همة هل القالات لا قالـوا القيـل=قالاتهـم مـا تنتزحـزح ثقيـلـة
وهمة هل الطالات ذباحة الحيـل=للضيف واللي عابر فـي سبيلـه
افخر بهم والفخر في ساسنا هذيل=اعروقنا في قريش عروق جليلـه
وحنا من ظهور السواني هل الشيل=اللـي يشيلـون الحمـول الثقيلـة
ربعي البقوم مشبعة خطـر الليـل=اللي لهم فالجـود يمنـى طويلـة
منهم ومعهم فالشقـى والغرابيـل=اليا زمـا العايـل وضيـع دليلـه
ما مثلهم يا فهـم يابـن المشاكيـل=ما مثلهم في خلـق ربـي قبيلـه
اليا ركبوا اخيولهم مربـط الخيـل=على الكروش وفوق نسل الكحيلة
اجرودهم ما تنطـح كنهـا السيـل=من ينطح الماء لا حدر فالمسيلـة
الترك جونـا راكبيـن الاساطيـل=ثم عسكروا مثل الدبـا فالخميلـة
غزو علينا غزوة ابره على الفيـل=يوم القـدر قـدر عليهـم دبيلـه
ثم ذبحوهـم لابـة توفـي الكيـل=بام الفتايـل والسيـوف الصقيلـة
نكبة على الاتراك ذاقوبها الويـل=عليهم السلطـان يجـر الطويلـة
وختامهما يالله عسى دجنة السيـل=يسيـل واديهـا وتشـرب نخيلـه [/poem][align=center]وســـــــــــــلامتكم[/align]