مجالسيه لعبد الله

ياقلبي اللي توصل العشق حده
من لايودك وش تبي به توده
ماعاد لك يم المقفين لده
واللي نساك انساه ولاتلتفت فيه

احفظ سنينك لاتضيع عددها
لابد باقي لك سنين بعدها
قال المثل من عز روحه وجدها
هذا الكلام اللي مع الناس نوحيه

نوحيه من يوم العصور القديمة
واللي يبيعك بيع باخس قيمة
من لايشوفك خير ماهو غنيمة
جرب وكل اناء ينضح بما فيه

ولاعاد تامن من ضحكلك بسنه
البيض غدارات من يوم هنه
والعشق كله نار مافيه جنه
يانار واللي يقرب النار تكويه

وقال قلبي لاتعذل عليه
انت السبب وانت زمام الخطيه
واليوم انا مشبوك شبكه قويه
اشكي على الطير المسافر واوصيه

وقال الطيور الها بخلي علاقه
الصقر عينه والغرينيق ساقه
وله من الهدهد جناح الصداقه
ومن الحمامه صوتها اللي تغنيه

على الغصون اللينه ياحمامه
ذكرتي القلب المولع غرامه
الله يجيب اصحابنا بالسلامه
حنا نقوله ياحمامه وقوليه

[عطر القصيد]

أعتقد لها تكملة المجالسية عموما ُ بارك الله فيك .

من نفس المجالسية يقول :


أكن ثم أون من حر مابي

ونة طعين الرمح حد النصابي

وأغيب يأرباب الهوى عن صوابي

بالخص يوم أسمع مع الناس طاريه


مثل العرق في القاظ من صدر عامل !!!!

ويغض صوته مثل صوت الأنامل

لاودي أشوفه ولا ودي أوحيه

عطر القصيد شكرا على المرور والمجالسية طويلة بس والله هذا اللي اذكره منها وياليت لو يكملها لنا اي واحد يحفظها شكرا وسامحونا على القصور

تفضل يالغالي


ياقلبي ياللي توصل العشـق حـده
من لايودك وش تبـى بـه تـوده
ماعـاد لمـك يـم المقفيـن لــده
واللي نسيك انسـه ولاتلتفـت فيـه

احفـظ سنينـك لاتضيـع عددهـا
لابـد باقـي لـك سنسـن بعدهـا
قال المثل من عز روحـه وجدهـا
هذا الكلام اللي مع النـاس نوحيـه

نوحيه من من يوم العصور القديمـه
واللي يبيعك بيعـه باخـس قيمـه
من لايشوفك خيـر ماهـو غنيمـه
جرب وكل انا ينضـح بمـا فيـه

ولاعاد تامن من ضحك لك بسنّـه
البيض غـدارات مـن يـوم هنّـه
والعشـق كلـه نـار مافيـه جنّـه
يانار واللي يقـرب النـار تكويـه

وقـال قلبـي لاتـعـذّل علـيـه
انت السبب وانتـه زمـام الخطيـه
واليوم انـا مشبـوك شبكـه قويـه
اشكي على الطير المسافر وأوصيـه

اقول اخـذ علمـي لخلـي وهاتـه
خلـه يعلمنـا بقـصـة حيـاتـه
ياليتنـا نقـدر نـسـوي سـواتـه
مادامت انه نـاوي الهجـر ناويـه

قلت انت ياقلبي عروقـك جريحـه
وإمصنجـه ماتستمـع فالنصيحـه
وانته سببك مـن العيـون المليحـه
اللي تبا ترسل لـه الطيـر ترميـه

ياقلب وطيور الهـوا فـي سماهـا
ياليتهـا تقـدر تكـافـح هـواهـا
وانت ابن أدم كيـف تفهـم لغاهـا
والطير من يفهـم جوابـه يلاغيـه

قال الطيـور إلهـا بخلـي علاقـه
الصقـر عينـه والغرينبـق ساقـه
وله من الهدهـد جنـاح الصداقـه
ومن الحمامه صوتها اللـي تغنيـه

علـى الغصـون الليّنـه ياحمامـه
ذكرتـي القلـب المولـع غرامـه
الله يجيـب اصحابنـا بالسـلامـه
حنّـا نقـول ياحمامـه وقولـيـه

ان كان وانـك ياحمامـه حزينـه
واني علـى مولوفـك اللـي تبينـه
وأهني محبوبـك يجيـك وتجينـه
وانا حبيبـي لايجينـي ولا اجيـه

ياونتـي ونـة ضلـوع الـهـلال
عودٍ قصر شوفـه وماتـوا عيالـه
تزهد من الدنيا ليـا شفـت حالـه
قاصر جداً عما يصيبـه ويخطيـه

والا كما ونـت صويـب النشامـا
عاشوا عياله عقـب راسـه يتامـا
له ونـةٍ تصحـي قلـوب النيامـا
ونّت وفاته يـوم ربـي دعـا فيـه

أكـن ثـم أون مـن حـر مابـي
وانت طعين الرمح حـد النصابـي
واغيب ياأرباب الهواء عن صوابي
بالخص يوم اسمع مع الناس طاريه

يامابنـا مـار الظـروف اتحدانـا
وانته وانـا نبكـي وزايـد بكانـا
نبكي علي اللي راح يبكـي علانـا
بالعيـن يبكينـا وبالعيـن نبكـيـه

على اللي اقفـوا والمدافـع تهامـل
مثل العرق في القاظ من صدر عامل
ويغض صوته مثل صوت الانامـل
لاودي اشـوفـه ولاودي أوحـيـه

قالـوا تمنـا قلـت يالله تجيـبـه
الحب بلـوى والفـراق المصيبـه
مايونس المخطر يقع من كوي بـه
يامخطراً في داخـل القلـب تكويـه

عن الحبيب اللـي يوافـق مراقـي
والله ماهيـان عـلـيّ الفـراقـي
لو هان عندي كسر فخذي وساقـي
الساق يلقـى لـه طبيـب يداويـه

وان كان وانك ياحمامـه تعرفيـن
واذا رسلتك لـه برسلـه تروحيـن
لآربط لك المكتوب بين الجناحيـن
واشكي عليه الحال والحـال شفتيـه


منقول من الموضوع المثبت في اعلى الصفحه عن سيرة شاعر هذيل

ابو بسام الله يعطيك العافية

الله يعطيك العافيه ابوبسام والمزيد من ابداعاتك والله يوفقك

بس ودنا تكون بالصوت يابو بسام

ياقلبي ياللي توصل العشـق حـده
من لايودك وش تبـى بـه تـوده
ماعـاد لـك يـم المقفيـن لــده
واللي نسيك انسـه ولاتلتفـت فيـه

الله يرحمك يابن مستور

المجالسيات الصوتيه لعبدالله المسعودي


ياكثرها بصوت عبدالله الريشي وبالذات عند نسيم الليل