.....في وجه الريح

[poem=font="Arial,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
قامت تحوف غصونها نشوة الريح = ما تدري ... ان جذورها في ثراها
ترمي جداها / في بطون/ الصحاصيح= والما قراح ... ويصطفق في حِرَاها
ترسل نماها /في سماها/ سوابيح = وتمد للظل الكفوف وتراهى
الدوحة / اللي باقية/ من مداويح = تبكي عليها كل عين (ن) تراها
والشايب / اللي تمتماته/ تسابيح= يرمي /هموم عمامته/ في ذراها
تحكي دموعه ... عن ضلوعه تباريح=والعمر ليله../شَيْب راسه/ سراها
والماضي اللي يسكن الصدر ويزيح...= ...عنه الكلام /جفون/ طوّل كراها
يعيد له صورة رجال(ن) زحازيح= ماباقي الا / ما انهدم/ من قُراها
فزعاتها / في الضيق / زاد القداديح= ووقت الرخا ماكن هم (ن) براها
داخل ضمايرها شذا هيل /ويفيح/ = ما اطيب سرايرها..ومااوثق عُراها
الفرش (جاعد) والنجوم المصابيح = والستر ضافي ...ماشكت من عَراها
تلمها الخُوَّه...وطيب التمازيح = ماتفترق / الا /بفجعة/ سِراها
والزفرة اللي / ترفع الغبن/ وتطيح = تتبع سرايا /لليالي/ ذراها
كانت وحوش / وجاذبتها/ الملاويح = تحسب براقعها /تْزَوّد/ثراها
تصيد للقاصي ...وللداني تشيح = بوجيه /وجه البخل/ عدّ/ وشراها
تجمع /تفرقها/ عطاشا / مشافيح= تسعى ... بها الدنيا وتلهث/وراها
والوضع مايل...يلزم الوضع تصحيح= والسالفة /من ساسها/وش طراها
دوحة....تمد كفوف /للعرش/وتصيح = جفّفْ /نواميها/ تباعُد...ثراها
يدوي /صداها/ في متون /الاصاحيح = يروي /قراح/ ويرتوي من قراها[/poem]
عبدالله بن خلف الله الطلحي الهذلي