هذيل النار والبارود

[poem=font="Traditional Arabic,5,#000000,bold,normal" bkcolor="" bkimage="backgrounds/5.gif" border="double,2,#2e8b57" type=1 line=0 align=center use=ex num="0,"]
ألا يالله ياللي لك جميع الأمر والتدبير=إله واحد تعلم بما في قلب الإنساني
طلبتك ياكريم الوجه تهديني طريق الخير=وتغفر زلتي يارب يامعبود رحماني
تهيّض ياضميري صدق لا كذب ولا تزوير=تهيّض في الرجال اللي لهم هيبه وسلطاني
تهيّض في الرجال اللي لهم حشمه لهم تقدير=لهم دانت صروح المجد من قاصي ومن داني
رجال غير وانا أقول عن كل القبايل غير=ولامقصور في باقي القبايل اهل واخواني
ولكن قلت كلمة حق للمعلوم والتذكير=لمن هو غافل عنا وبالتاريخ غفلاني
هذيل المجد والتاريخ والأشعار والتعبير=زمن شاهد ولاتسمع كلام فلان وفلاني
هذيل الدين والمذهب تفسر جملته تفسير=لهم من سالف الأيام ذكر عالي الشاني
هذيل النار والبارود وأهل السيف والتعشير=ومن رد إبرهه يكون أهل الحرب جداني ؟
شرف ماله على مر الليالي والسنين نضير=وهل من بعد هذا عز ياأحبابي وخلاني ؟
هذيل الطيب والنخوه ورد العلم والتصدير=هذيل العرف والإصلاح ريف الجار والعاني
هذيل العدل وأهل الخيل وأهل الفكر والتبصير=هذيل اللي تحل المشكله وتبرّك الجاني
هذيل اصحاب من أرسل مبشر للعباد نذير=عليه ازكى صلوات عدد ماسار ركباني
ونعم وستة انعام تعم كبيرهم وصغير=وأستغفر عن الزله ولاينطق بها لساني
وصلوا عد ماهلت مطرها بالديار عصير=على المبعوث رحمه للبشر من نسل عدناني[/poem]