ياعيد قلبي ولو شحت مواصيلك ...

[poem=font="traditional arabic,7,#000000,normal,normal" bkcolor="" bkimage="backgrounds/5.gif" border="double,2,#800080" type=2 line=1 align=center use=ex num="0,"]
يالله ان العيد يلفي وجفت دموع القصائد=يحتويني بكل فرحه مثل غيري لا لفيته
كل مافي العيد فرحه واحده والناس واجد=شفت كيف ان الخلايق كلها في ظل (بيته)
وادري ان الفرح مثل الحب للعشاق واعد=لجتمع فرحي وعشقي في زماني ماشكيته
وانتي اللي من عرفتك وانا في حبك مجاهد=لا قتلت الحزن فيني ودرب فرحي مامشيته
العزاء اني مسافر وكل من سافر يعاود=والبلا لا جيت راجع مالقيت اللي بغيته
تدري اني لاذكرتك واقفٍ او كنت قاعد=اغمض عيوني واضمك دمع غالي مابكيته
وادري اني لو لقيتك صدفةٍ جيتك مساعد=بس لاتنظر بعيني لجل انا حبك نسيته
وادري اني لو نسيتك بحتري عيد المعايد=مثل جمر بوسط كفي من غلاته مارميته
الجفا غربة مشاعر والوصل نار تزايد=وجمرك اللي كان حي بدمعة عيوني طفيته
اه من كثر الهموم بغيبتك لاجيت اعايد=مالقيت الا هدايا هاجري واطلال (بيته)
يكفي انك ظالمتني في المحبه شي واحد=انك البارح في عيني حلم واصحى مالقيته [/poem]

أخوي الشاعر برق الحيا صح الله لسانك
قصيده من اشد قصائدك وقعا في ذاتي
ولا يستغرب الابداع عليك يا النشمي
هههههههه فضوا الشراكه >>> اللي تخبرها

ماشاء الله تبارك الله


قصيده في قمة الشاعريه


متزمه رغم الانكسارات


فيها الأمل يغالب الألم

,
,

الجفا غربة مشاعر والوصل نـار تزايـد

وجمرك اللي كان حي بدمعة عيوني طفيته

اه من كثر الهموم بغيبتك لاجيت اعايـد

مالقيت الا هدايا هاجري واطلال (بيتـه)

يكفي انك ظالمتني في المحبه شـي واحـد

انك البارح في عيني حلم واصحى مالقيته


,
,

فيها من الشعر الأصدق

و من الاحاسيس الأصدق


,
,

غيث الشعر



شكرا لك

صح لسانك
قصيدة رائعة وجميلة ومشاعر جياشه

صح لسانك

أخوي برق





تحياتي وتقديري

الله الله


مشاعر رائعة أخي برق الحيا


وقصيدة جميلة


كل مافي العيد فرحه واحده والناس واجد
شفت كيف ان الخلايق كلها في ظل (بيته)

الله اكبر


سؤال :


( يا عيد قلبي ولو شحت مواصيلك ) متى سيكتمل هذا الشطر

السلام عليكم ورحمة الله وبركاته


حيالله برق الحياا


صح لسانك أخي برق ،،، صح لسانك

اه من كثر الهموم بغيبتك لاجيت اعايـد
مالقيت الا هدايا هاجري واطلال (بيتـه)


جميل هالبيت ،،، والنص رائع ،،، شكرا لك..

ننتظر كل جديدك

تحية طيبة

	المشاركة الأصلية كتبت بواسطة ما تهــــــــــاب

	أخوي الشاعر برق الحيا صح الله لسانك قصيده من اشد قصائدك وقعا في ذاتي ولا يستغرب الابداع عليك يا النشمي هههههههه فضوا الشراكه >>> اللي تخبرها

ياهلا اختي ماتهاب

وشاكرين اطرائك الجميل

والشراكه بابها واحد والشبابيك واجد



دمت بخير

	المشاركة الأصلية كتبت بواسطة عز الرفيق

	ماشاء الله تبارك الله قصيده في قمة الشاعريه متزمه رغم الانكسارات فيها الأمل يغالب الألم , , الجفا غربة مشاعر والوصل نـار تزايـد وجمرك اللي كان حي بدمعة عيوني طفيته اه من كثر الهموم بغيبتك لاجيت اعايـد مالقيت الا هدايا هاجري واطلال (بيتـه) يكفي انك ظالمتني في المحبه شـي واحـد انك البارح في عيني حلم واصحى مالقيته , , فيها من الشعر الأصدق و من الاحاسيس الأصدق , , غيث الشعر شكرا لك

/
/

اخي عز الرفيق مرورك هنا اسعدني

وتعليقك اضاف لي الكثير

وانتقائك للثلاث الابيات اعلاه يجعلك تقرئني بصدق

ان كنت غيثا وهذا كثير

فانت سحابة غيث ممطره

لك جل احترامي ...

	المشاركة الأصلية كتبت بواسطة أبو حمدان

	صح لسانك قصيدة رائعة وجميلة ومشاعر جياشه

ياهلا ومسهلا اخوي ابو حمدان


مرورك طيف له ظلال


اسعدني لو تعلم

طبت واكثر

	المشاركة الأصلية كتبت بواسطة هشام الهذلي

	الله الله مشاعر رائعة أخي برق الحيا وقصيدة جميلة كل مافي العيد فرحه واحده والناس واجد شفت كيف ان الخلايق كلها في ظل (بيته) الله اكبر سؤال : ( يا عيد قلبي ولو شحت مواصيلك ) متى سيكتمل هذا الشطر

الاجمل مرور شاعر في هامتك هنا

وبالمناسبه :

ههههههه ضحكت من قلبي اخوي هشام

فا الشطر الذي تريد تتمته

كتبته عنوان فستحال شطرا ساكتب عليه لاجلك

ولاجل مرورك العطر

طبت كما انت

وانتي اللي من عرفتك وانا في حبك مجاهد
لا قتلت الحزن فيني ودرب فرحي مامشيته
العزاء اني مسافر وكل من سافـر يعـاود
والبلا لا جيت راجع مالقيت اللي بغيتـه


وانا اشهد .......صح لساااانك والله استمتعت بها القصيده بصراحه الواحد والله يعجز عن الشكر بها المواقف ..لك تحياتي يالغالي بانتضار جديدك

	المشاركة الأصلية كتبت بواسطة بث تجريبي

	صح لسانك أخوي برق تحياتي وتقديري

صح بدنك

اخوي بث تجريبي ...

والله لايهينك سرني مرورك هنا

	المشاركة الأصلية كتبت بواسطة عماد الهذلي

	السلام عليكم ورحمة الله وبركاته حيالله برق الحياا صح لسانك أخي برق ،،، صح لسانك اه من كثر الهموم بغيبتك لاجيت اعايـد مالقيت الا هدايا هاجري واطلال (بيتـه) جميل هالبيت ،،، والنص رائع ،،، شكرا لك.. ننتظر كل جديدك تحية طيبة

عليكم السلام ورحمة الله وبركاته :


والبقا والعمر الطويل ولاهان مرورك وصح بدنك

وتعليقك شهاده اعتز بها

طبت كما انت اخوي عماد

	المشاركة الأصلية كتبت بواسطة الانتماء للذات

	وانتي اللي من عرفتك وانا في حبك مجاهد لا قتلت الحزن فيني ودرب فرحي مامشيته العزاء اني مسافر وكل من سافـر يعـاود والبلا لا جيت راجع مالقيت اللي بغيتـه وانا اشهد .......صح لساااانك والله استمتعت بها القصيده بصراحه الواحد والله يعجز عن الشكر بها المواقف ..لك تحياتي يالغالي بانتضار جديدك

استمتاعك هو غايتي ايها العذب ... ونجاح للنص

وانتظارك لن يطول اذا شاء الله


طبت واكثر