قصيده كتبتها عجوز بعد ماتركها ولدها فالمصحه *** - ::{ مجالس قبيلة هذيل }:: موقع يهتم بتراث القبيلة ومفاخرها

09-08-2009, 06:18 AM

حمدان يا حمدان .......... أمك توصيك

قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمة وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم والدنيا دوارة

اترككم مع القصيده

وين انت يا حمدان امك تناديك .. وراك ما تسمع شكايا وندايا

يا مسندي قلبي على الدوم يطريك .. ما غبت عن عيني وطيفك سمايا

هذي ثلاث سنين والعين تبكيك .. ما شفت زولك زاير يا ضنايا

تذكر حياتي يوم اشيلك واداريك . . والاعبك دايم وتمشي ورايا

ترقد على صوتي وحضني يدفيك .. ما غيرك احدٍ ساكن في حشايا

واليا مرضت اسهر بقربك واداريك .. ما ذوق طعم النوم صبح ومسايا

ياما عطيتك من حناني وبعطيك .. تكبر وتكبر بالأمل يا منايا

لكن خساره بعتني اليوم وشفيك .. واخلصت للزوجه وانا لي شقايا

انا ادري انها قاسيه ما تخليك .. قالت عجوزك ما ابيها معايا

خليتني وسط المصحه وانا ارجيك .. هذا جزا المعروف وهذا جزايا

يا ليتني خدامة بين اياديك .. من شان اشوفك كل يوم برضايا

مشكور يا ولدي وتشكر مساعيك .. وادعي لك الله دايم بالهدايا

حمدان يا حمدان امك توصيك .. اخاف من تلحق تشوف الوصايا

اوصيت دكتور المصحه بيعطيك .. رسالتي واحروفها من بكايا

وان مت لا تبخل علي بدعاويك .. واطلب لي الغفران وهذا رجايا

وامطر تراب القبر بدموع عينيك .. ما عاد ينفعك الندم والنعايا

09-08-2009, 10:58 AM


	وامطر تراب القبر بدموع عينيك .. ما عاد ينفعك الندم والنعايا

ايه والله ما عاد بينفعه الندم والبكآ..

والله يحفظ لنا امهاتنا وابائنا .. ويجعلنا ما نعصيهم بيوم ولا نسوي سوات ناكر جميلهم ..

وربي شي يتقطع له القلب ويبكي ..

لاحول ولا قوة الا بالله ..

والله يهدي الجميع ..

والأم ما تقسى على ضناها ابد .. لكن القسى ان جا جا منه ..

والزوجه الي تبي رجالها يسوي هالسوايآ مافيها خير ولا تستاهل تقعد بذمته دقيقه

شكرآ ع القصيده الموجعه ..

09-09-2009, 03:14 AM


	المشاركة الأصلية كتبت بواسطة ξــــــــبــآدي آلــﻬــذلـي


	ايه والله ما عاد بينفعه الندم والبكآ.. والله يحفظ لنا امهاتنا وابائنا .. ويجعلنا ما نعصيهم بيوم ولا نسوي سوات ناكر جميلهم .. وربي شي يتقطع له القلب ويبكي .. لاحول ولا قوة الا بالله .. والله يهدي الجميع .. والأم ما تقسى على ضناها ابد .. لكن القسى ان جا جا منه .. والزوجه الي تبي رجالها يسوي هالسوايآ مافيها خير ولا تستاهل تقعد بذمته دقيقه شكرآ ع القصيده الموجعه ..

الأخ الفاضل عبادي الهذلي

شرفني مرورك ياذوق

لك مني ارق التحايا

09-09-2009, 03:21 AM

ياما عطيتك من حناني وبعطيك .. تكبر وتكبر بالأمل يا منايا

لكن خساره بعتني اليوم وشفيك .. واخلصت للزوجه وانا لي شقايا

صراااااحة البيتين هذي من أجمل ما قرأت .,,,

أشكركـ على القصيدة المحزنة

تقبلـ مرووريـ

ودمت بحفظــ الرحمنـ

09-09-2009, 03:41 AM

يالله مأجمل حنان الأم

قصيده حزينه جدا ومؤثره

09-13-2009, 02:54 AM


	المشاركة الأصلية كتبت بواسطة محمد أحمد


	ياما عطيتك من حناني وبعطيك .. تكبر وتكبر بالأمل يا منايا لكن خساره بعتني اليوم وشفيك .. واخلصت للزوجه وانا لي شقايا صراااااحة البيتين هذي من أجمل ما قرأت .,,, أشكركـ على القصيدة المحزنة تقبلـ مرووريـ ودمت بحفظــ الرحمنـ

اخي محمد احمد

شرفني مرورك الجميل ياذيبان

لك مني ارق التحايا

09-17-2009, 06:45 AM

وين انت يا حمدان امك تناديك .. وراك ما تسمع شكايا وندايا

يا مسندي قلبي على الدوم يطريك .. ما غبت عن عيني وطيفك سمايا

هذي ثلاث سنين والعين تبكيك .. ما شفت زولك زاير يا ضنايا

قصيده مؤثره جدا

09-17-2009, 07:02 AM

الله يوفقنا لرضى والدينا

,
,

كل حرف يحمل عبره

سامحك الله يا بن عادي

ابكيتنا و الله

09-23-2009, 10:54 AM


	المشاركة الأصلية كتبت بواسطة عز الرفيق


	الله يوفقنا لرضى والدينا , , كل حرف يحمل عبره سامحك الله يا بن عادي ابكيتنا و الله

الله يوفق الجميع

شرفني مرورك اخي فيصل

وكل عام وانت بألف خير

ومن العايدين

09-23-2009, 07:40 PM

قصيدة في الصميم
تنثر العبرات وتلين القلوب القاسية
الله يرزقنا بر الوالدين

مشكور يابن عادي على هذا النقل

09-23-2009, 11:30 PM


	المشاركة الأصلية كتبت بواسطة أبو حمدان


	قصيدة في الصميم تنثر العبرات وتلين القلوب القاسية الله يرزقنا بر الوالدين مشكور يابن عادي على هذا النقل

العفو يابو حمدان

ولاشك القصيده فالصميم

وكل عام وانت بخير

ومن العايدين