قــضى الامر

صبــاااح / مــساا الخـــير


عزوا أشواق وشوق وأريج وزياد
وسرحان شيّال الحمـول الثقيلـة

فالعيـن بـرّاق وفالقلـب رعّـاد
وعلى هدومـي مزنـةٍ مستخيلـة

ونارٍ لهبها بين الاضـلاع يـزداد
قامت تقـود مثـل حامـل لهيبـه

يا ليت وقتٍ فات يا زيـاد ينعـاد
لو فيه امل كان انتخـي بالقبيلـة

قضى الامر يا بوك خذ علم الاوكاد
وما كتـب للانسـان لازم يجيلـه

كلٍ يقول البيت مـا فيـه مقعـاد
وحالـي بعـد فرقـاه وا عزتيلـه

حكم القدر ما رد سيـوف وجهـاد
لافي يد المخلـوق للقـدر حيلـه

صبرٍ على مابي لو الصبر ما فـاد
لولا اخـاف الله لاجـر الطويلـة

واون وناتٍ مـن جـروحٍ جـداد
وحالي من لوعات وقتـي عليلـة

ما عاد يهنالي لا شـرب ولا زاد
وراحه بعد فرقـاه لـي مستحيلـة

شربت كاس الحزن بعده والانكـاد
وشكـواي للـي كلنـا نشتكيـلـه

مرحوم ياللي حط في قبر و الحاد
عساه فـي جنـات عـدنٍ ظليلـة

مسرور في جنات وافراح واسعاد
برحمـه كريـم كلنـا نرتجيـلـه

وصلوا عدد ما هب نسناس وبراد
على النبي راع الهدى والفضيلـة

للشاعر / خلف بن سرحان الثبيتي