تـوب قبل المـوت

[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنت يامن تدعي العقل وتعرف الوجوب=فاهم الدنيا وتعطي دروسٍ في الحياه
كيف عقلك مايدلك لعلام الغيوب=الإله الواحد اللي تخر له الجباه
لو تجلى للرواسي من الخشيه تذوب=ولو نزل قوله على الصخر تتصدع حصاه
اللطيف اللي جرت بامره انسام الهبوب=الخبير اللي ليا من خلق خلقٍ كفاه
عالمٍ مايصلح الحال ستار العيوب=قابل التوبه شديد العقاب لمن عصاه
كل من يعصاه ماله ملاذ ولا هروب=ماله إلا يلتجي له ويمشي في رضاه
مثل ماصورك عاري وجيت بدون ثوب=في نهار البعث عاري وخلق الله عراه
ماهناك اعذار حتى تلفت في الجنوب=يوم حجتك العقيده ونورك في الصلاه
لامتى غافل وتلعب بك الدنيا اللعوب=لايضيع العمر من مبتداه لمنتهاه
توب قبل الموت يامدعي بالعقل توب=مابقا لك عذر والنور في كل إتجاه
مايجي شمس الحقيقه غيوم ولا غروب=وانت كيف تضيّع الدرب وعيونك تراه
والله إن الشوف ماسر عميان القلوب=والبصيره تكفي الرجل كان الله هداه
كم عيون تشوف لكن تعميها الذنوب=والعمى ماضر بن باز يوم الله عطاه
ومثله آل الشيخ ماغرته كثر الدروب=يبصر بقلبه وعينه تعوّضها عصاه
في الزمان اللي رمى بالفتن من كل صوب=هم مصابيحٍ تنير الظلام لمن سراه
نورهم تمشي عليه القبايل والشعوب=الكفيف يسير بالدرب والعالم وراه[/poem]