خلاص برحل

خلاص برحل

لك طلة يابدر يوم انت طليت

بسم الله الرحمن عالي المقامي




لا ياخسارة بعتني يوم ناديت

اقفيت واشواقي تجمع حطامي




راحت لك الاشواق تسعى يُب الفيت

واثر الدروب [ا]طوال والشوق ضامي




في نشوة ظروفي رحلت وتخليت

خليتني مابين غمد وحسامي




سميتني بالسم واسقيت وارويت

والصبر عيى لايطيق الملامي




ورجولي اللي ماتعدت على البيت

الابشوق وتايهن في هيامي




وكني بليا شوق لك.. ويش سويت

لمالقيتك تطلقين السهامي




صوبتني برماح واصبحت انا ميت

بسهامك اللي جرحها سار دامي




لميتني يوم انتثرت وتقاسيت

عودت تنثرني وان لك حزامي




ضاق الفؤاد وعادني ماتهنيت

بين المشاعر والفعايل ملامي




كم في حشاية ياضناية تساميت

تمشي فدمي لين بعث الانامي




حتى ولو صبري نفذ اوتخفيت

اورحت عنك يابدور التمامي




محدٍ درابي تحت انا... او تعاليت

بعت الغلاوة يارشيق القوامي




سهران ليل الود والصوت جريت

حزن ونياحة مثل جر الحمامي




بعد وجفا وضنون مليت مليت

سقمك انا في الحب وانتي سقامي




خلاص برحل كم صغرت وتدانيت

بنت الاكابر نزللتلي مقامي




الله حسيبك يوم انا صحت وبكيت

شفتك حياتي تاج راسي وسامي




عيشتني ليل الهوا ثم تغليت

واصبحت تلعب في شعور الغرامي




واليا طلبتك خف عني تقاويت

كني عدوك وانتي اقصى مرامي




ليش الجفا وانته فروحي تربيت

وانتي سكنتي بين جلدي وعظامي




خلاص انا في تيه وقتي تغاويت

برحل وخلك فوق ريش النعامي



بقلمي / ماجد بن دخيل الشيناني الزيداني الهذلي