قصيده للشاعر هويشم حمادي الندوي الهذلي

[poem=font="anaween,5,black,normal,normal" bkcolor="transparent" bkimage="" border="double,5,orange" type=1 line=0 align=center use=ex num="0,black""]
هلا يامرحبا ترحيبتاً تضرب بــها الامثال=
=تراحيب المحبه الصادقه باسمى معانيها
وفي باب المحبه والكراهيه لنا موال=
=وقصة حب اعانيها وقصة كره اعانيها
ولا تستغربون ان قلت احب البنت والرجال=
=احب الدين والملة واطبقها واسويها
واحب الصادق اللي لو تكلم كلمته تنقال=
=ماهو اللي يعطي الكلمه وبعد اسبوع ناسيها
واذا قلتو لي من تكره اقول الكاذب المحتال=
=ابو هرجه يفصلها ويطبخها ويشويها
هذاك مسيلمه جده وابوه الاعور الدجال=
=ليا حصل طريقه بين خلق الله يوشيها
واحب المرجله والمرجله من ميزات الجال=
=واحب الطيب واهل الطيب نعرفها بساميها
واحب التاجر اللي مايخص الوزن والمكيال=
=واحب اهل الديانه اللي حقوق الله تراعيها
واحب الصاحب النشمي واحب الدله والفنجال=
=واحب الحله اللي تكرم الخاطر وراعيها
هذا غاية هوايه وانما النيات بالاعمال=
=لكن ياللاسف هذي الوصوف ازريت الاقيها
عسى ربي يخارج من زمان الشوم والاهوال=
=ويعطي خير ذي الهجره ويكفي شر ما فبها
واختمها بذكر الله ولي فيه الرجا لازال=
=يشافي قلوب خلق الله ويصلحها ويهديها[/poem]