موضووع حساس

السلام عليكم عدد ما فازت ناقتي بالمزايان <<< سلام هياط
والله يرزقكم كثر ما سافرت خارج المملكه لتمشي <<< دعوة هياط
واحبكم كثر ما غازلنن البنات <<< هياط مطور 8 ميجا والداونلود مفتوح بعد
اخواني ملينا من الهياط انا كنت بموقع مهايطيه من الطراز الاول مهايطيه مهايطيه
هنا شفت اعضاء مهايطيه زاحفين وحللت ربعنا طلعو ما يعرفون يهايطون

الهياط واقسامه
هياط جماعي ورايح نشرحه
هياط قبلي
هياط فردي

الهياط الجماعي وينقسم لعدة اقسام
سياسي وهذا اللي يقول لا دندنت طبلة الحرب دندنا <<< دندنا تحت كفرات الهمر مثلا
ديني <<< هذا يخص فئه مسويه نفسها مفتين المنطقه يحرمون ويحللون على كيفهم وخلفيتهم الشريعه حده الشيخ قوقل بحث اول نتيجه يجيك جايبها على وجهه
ثقافي وهي مرتبطه في العادات والتقاليد
مثل ما تكمل العزيمه الا بذبيحه ان شاء الله فطيس اهم شي يعرض لي راسها بالصحن شايفني مسعور مثلا ياخي ابي شي خفيف ليش ماتشاورن قبل مو لي العزيمه << هياط منمق من عندي
او يجيك موظف كحيان ويسوي زواجه باكبر صالة بالرياض ياخي ارحم نفسك محد جابك همك
يعني لازم كل واحد يحط زواجه بصاله الله يعينكم اجل

هياط قبلي هذا اللي نشوفه من ام رقيبه (من خلقة البشريه البعير يخدم الانسان الا عندنا حنا اللي نخدمه ) واقسامه كثيره يبداء من هياط البعارين وينتهي بهياط الشعراء <<< هياط يعني اني قبلي لاحظتو الشي مستفحل مو طبيعي الله يستر علي اجيكم بكرا مهايطي لونيين


هياط فردي
القسم هذا بالذات حدث ولا حرج وبنذكر منه على سبيل المثال وليس الحصر
يجيك واحد كاتب موضوع عن موقف صار له ايام دراسته ببريطانيا ويدخل عليه شوية ديكوريشن وهو بحياته ما شاف بريطانيا ولا بالبلوتوث ومتخرج من الفكريه

والا واحد مسوي حبيب بالمنتدى ورمنصصصصي
وهو مبتز عشرين بنت وعايشن على اللي يحولن له

يجيك واحد يصور بجنب مرسيدس ومزبط الشخصيه وتشوف تسدح بنات النت عنده
وهو سكيورتي خميس وجمعه مطينها

تجي بنت تشتكي من رغوة شامبو البيانو وهي كل عمرها تسبح بطشت

والا وحده تسولف تقول انا مستحيل اركب مع السواق الا معي محرم وهي المسكينه متسحله رجلينها من المشي ما قد شافت السواق الا بطاش ماطاش

والا وحده تقول الحمد لله انا اذا رحت لسوق احصل المقاسات اللي ابي
وهي نصابه كرشتها تقل غساله لا شفتها من بعيد تقل بعرصي بالع طبه

والثانيه تقول الحمد لله زوجي متفهم الوضع ودمقراطي وهي المسكينه حاطه رقمها وصورتها عند خطابات الرياض كلهم مالقو له احد يرضى فيها

يا عالم ارحمونا شوي ملينا من الهياط
خابرين البير وغطاه ولاتخسرون انفسكم
من الحلول تنظيم حمله تفضح المهايطيه وتطقه بالوجه
هذا ما عندي على السريع لان الان عندي كلاس <<< هياط يعني اني ادرس برا وانا من جنبها
ولي عوده مطوله ونسمع حلولكم
منقوووووول