مطلوب محاوره للشاعر طلق السويهري الهذلي

السلام عليكم ورحمه الله وبركاتــه ...

بدون مقدمــآت دائمـآ مـآ أردد هـذا البيت الشعـري وآعرف آنه للشـآعر طلق السويهري الهذلي كأن ماخاب ضني بحثت عنه في المنتدى ولم أجده وآعتقد آن تركيبه البيت على هذا الشكل ويقول فيــه

[poem=font="traditional arabic,6,blue,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
ترى الهذيلي طينته صلبة ومن طينة هذيل=وليا كبس له خزنةِ ماينفتح صندوقها[/poem]

ياليت اللي يعرف كامل المحاوره ينزلها لنا وله مني جزيل الشكر والإمتنان ..

سلطان السويهري آعتقد ماتغيب عليك يالذيب

يعطيك العافيه ياعباد والله بيت جديد عليه وراح انشد وارد لك ان شاء الله صراحه البيت معناه قوي لله دره من شاعر عليه رحمة الله

[ماطر السويدي]

شكراً يا عباد الهذلي على هذا الهتمام والبيت هذا يعطي دلالة

لها تاريخ ويستحق البحث عن هذة المحاورة ومعمن كانت

ويجب على ابناء هذيل البحث عن كل ما يتعلق بالتراث

وخاصةً كبار السن يعتبرون ثروة يجب توثيق مالديهم

قبل تقافى بهم الايام لك الشكر الجزيل

هلا عباد :
أبو مطلق رحمه الله له محاورات كثيرة ، أما ما ذكرته فسوف اسأل عنه الشايب

وأرد عليك

جاري البحث ياعباد


وإن شاء الله انها مسجله عندي



تحياتي

ترى الهذيلي طينته صلبة ومن طينة هذيل = واليا كبس له خزنةِ ماينفتح صندوقها
هذا البيت لخلف بن هذال في اول حفلة اقامها الامير فيصل بن خالد بن عبد العزيز في الرياض وكان فيها شليويح بن شلاح وفيصل الرياحي وخلف وصياف ومستور ورشيد الزلامي ومطلق الثبيتي وكنت حاضرها وكانت اشرطتها معي وضاعت للاسف والبيت هذا لخلف بن هذال مع صياف
كذلك اريد من يعرف محاورة مطلق الثبيتي مع عبد الله المطرفي التي يقول فيها مطلق
انا جدي عتيبي مير طبعي مثل طبع هذيل = اسير فوق روس الشوك دايم والقدم حافي
سحاب العام منها كل وادي قيل دق بسيل = شربتوا من طرفها وانتهيتوا مثل الاشرافي
كان شريطها عندي وضاع لاني ذلك الوقت كنت صغير ولا اعرف قيمة هذه الاشرطة
استمع فيها فترة واضيعها
سألت المعنى الله يرحمه هل الثبيتي لما قال
انا جدي عتيبي مير طبعي مثل طبع هذيل = اسير فوق روس الشوك دايم والقدم حافي
هل هو يسب هذيل لاني فاهمها سب فقال لي بل يمدح هذيل اي ان هذيل
يتكلمون بكلام يكون موزون بدقة متناهية كمثل من يمشي على الشوك ولا يثقب الشوك رجله نظراَ لتحسسه واتقانه للمشي
اما من ناحية البيت الذي سألوا عنه الاخوان هو لخلف بن هذال وكنت حاضر الحفلة وكنت ذلك الليلة مستغرب كيف انه يذكر هذيل بدون مناسبة لان ليس به شاعر هذلي موجود وبعدين اخذت اشرطة الحفلة من واحد من خويا الامير اسمه سعد المجيولي

مكتبة طلق السويهري محفوظه في منتديات نبع المعاني الادبية


وشكراً